ဘာစီလိုနာနှင့်ပွဲတွင် ပီအက်စ်ဂျီအတွက် နောက်ကျအနိုင်ဂိုးသွင်းယူပြီးနောက် ဆုဖလားအားလုံး ထပ်မံ ဆွတ်ခူးလိုကြောင်း ရာမို့စ် ပြောကြားလာ
အောက်တိုဘာ ၂
ဂွန်ကာလိုရာမို့စ်က ဘာစီလိုနာနှင့်ပွဲတွင် နောက်ကျ အနိုင်ဂိုး သွင်းယူပြီးနောက် ပီအက်စ်ဂျီနှင့်အတူ ဆုဖလားအားလုံး ထပ်မံ ဆွတ်ခူးလိုနေကြောင်း ပြောကြားလာပါတယ်။
မနေ့က ပွဲစဉ်တွင် ဘာစီလိုနာဟာ ရက်ဖို့ဒ်ရဲ့ ဖန်တီးမှုကနေ ဖာရန်တောရက်စ်ရဲ့ သွင်းဂိုးဖြင့် ပီအက်စ်ဂျီအား ဦးဆောင်နိုင်ခဲ့ပါတယ်။ ယူနိုက်တက်မှ အငှားဖြင့် လာရောက်ကစားနေတဲ့ ရက်ဖို့ဒ်ဟာ ဘာစီလိုနာရဲ့ နောက်ဆုံး ၆ ပွဲမှ ၅ ပွဲတွင် ဂိုး (သို့မဟုတ်) ဖန်တီးမှု ပြုလုပ်ထားနိုင်ပါတယ်။
ဒါပေမဲ့ ပီအက်စ်ဂျီဟာ ၃၈ မိနစ်တွင် မာယူလူရဲ့ ဂိုးဖြင့် ချေပဂိုး ရရှိခဲ့ပါတယ်။ ယင်းနောက် အချိန်ပိုတွင် ဟာကီမီရဲ့ ဖြတ်တင်ဘောကနေ ရာမို့စ်က ပီအက်စ်ဂျီအတွက် အနိုင်ဂိုး သွင်းယူပေးခဲ့ပါတယ်။
ပီအက်စ်ဂျီဟာ ချန်ပီယံလိဂ်တွင် အဝေးကွင်းမှာ ဘာစီလိုနာဘက်သို့ နောက်ကျ အနိုင်ဂိုးပထမဆုံးအသင်း ဖြစ်လာပါတယ်။
ပြီးခဲ့တဲ့ရာသီတုန်းက ဆုဖလားအားလုံး ဆွတ်ခူးနိုင်ခဲ့တဲ့ ရာမို့စ်က "ဒီနိုင်ပွဲနဲ့ ကျွန်တော်တို့ ထိုက်တန်တယ်လို့ ထင်တယ်။ သူတို့ထက် ကျွန်တော်တို့ ကစားတာ ပိုကောင်းတယ်။ ကျွန်တော်တို့ပွဲကို ကစားခဲ့တယ်။ ကျွန်တော်တို့ နောက်ထပ် ဆုဖလားအားလုံး ရယူချင်သေးတယ်။ ပြီးခဲ့တဲ့ရာသီတုန်းက လုပ်နိုင်တယ်ဆိုပြီး ရောင့်ရဲမနေပါဘူး။ နောက်ထပ် လိုချင်သေးတယ်"လို့ ပြောကြားသွားပါတယ်။
