မိဘရဲ့ချစ်ခြင်းမေတ္တာကိုရရှိတဲ့ကလေးငယ်လေးတွေရဲအိမ်မက်...
မိဘရဲ့ ချစ်ခြင်းမေတ္တာအပြည့်အဝရတဲ့ ကလေးငယ်တွေမှာ ကောင်းကျိုးများစွာ ရနိုင်ပါတယ်။
စိတ်ပိုင်းဆိုင်ရာနဲ့ စိတ်ခံစားမှု့ပိုင်းဆိုင်ရာ ဖွံ့ဖြိုးတိုးတက်မှု့
၁။လုံခြုံစိတ်ချရမှု့နဲ့ ယုံကြည်မှု့ရှိလာခြင်း
ကလေးငယ်တွေဟာ မိဘရဲ့ချစ်ခြင်းမေတ္တာကို အပြည့်အဝရတဲ့အခါ ကိုယ့်ကိုယ်ကို လုံခြုံစိတ်ချမှု့ရှိပြီး တည်ငြိမ်တဲ့စိတ်ဓာတ်တွေ ဖြစ်လာပါတယ်။ ဒါ့အပြင် သူတို့ဟာ ဘဝမှာကြုံလာရမယ့် စိန်ခေါ်မှုတွေကို ရဲရဲဝံ့ဝံ့ရင်ဆိုင်ဖို့ ယုံကြည်မှုရှိလာပါတယ်။
၂။ ​ကိုယ့်ကိုယ်ကို လေးစားမှုရှိလာခြင်း
ချစ်ခြင်းမေတ္တာပေးခံရတဲ့ ကလေးတွေဟာ သူတို့ရဲ့ တန်ဖိုးကို နားလည်ပြီး ကိုယ့်ကိုယ်ကို တန်ဖိုးထားတတ်လာပါတယ်။
၃။ ​စိတ်ဖိစီးမှုတွေကို ခံနိုင်ရည်ရှိလာခြင်း
ကလေးတွေဟာ စိတ်ဖိစီးမှုများတဲ့အခြေအနေတွေမှာ မိဘရဲ့ချစ်ခြင်းမေတ္တာကို အားကိုးရာအဖြစ် ရှု့မြင်နိုင်ပါတယ်။ ဒါကြောင့် စိတ်ပိုင်းဆိုင်ရာ ပြဿနာတွေ ဖြစ်ပွားနိုင်ခြေကို လျှော့ချပေးနိုင်ပါတယ်။
လူမှုဆက်ဆံရေးနဲ့ အပြုအမူပိုင်းဆိုင်ရာ ဖွံ့ဖြိုးတိုးတက်မှု့
၁။သူတစ်ပါးအပေါ် ကိုယ်ချင်းစာတရားရှိလာခြင်း
ချစ်ခြင်းမေတ္တာအပြည့်အဝရတဲ့ ကလေးတွေဟာ ကိုယ်ချင်းစာတရား ပိုမိုမြင့်မားလာပြီး သူတစ်ပါးရဲ့ခံစားချက်ကို နားလည်ပေးတတ်ပါတယ်။
၂။ ​ကောင်းမွန်တဲ့ လူမှုဆက်ဆံရေးကို တည်ဆောက်နိုင်ခြင်း
သူတို့ဟာ သူငယ်ချင်းတွေ၊ ဆရာတွေနဲ့ လူအများနဲ့ ရင်းနှီးပွင့်လင်းတဲ့ ဆက်ဆံရေးမျိုးကို တည်ဆောက်နိုင်စွမ်းရှိပါတယ်။
၃။ ​ပြဿနာတွေကို ငြိမ်းချမ်းစွာ ဖြေရှင်းနိုင်ခြင်း
ရန်လိုခြင်း၊ ရန်ဖြစ်ခြင်း၊ ပြဿနာရှာခြင်းစတဲ့ အပြုအမူတွေကနေ ရှောင်ရှားပြီး ပိုမိုအပြုသဘောဆောင်တဲ့ အပြုအမူတွေကို လုပ်ဆောင်လာနိုင်ပါတယ်။
ဉာဏ်ရည်ဉာဏ်သွေးပိုင်းဆိုင်ရာ ဖွံ့ဖြိုးတိုးတက်မှု့
၁။ ကျောင်းမှာ ပိုမိုကောင်းမွန်စွာ သင်ယူနိုင်ခြင်း
မိဘရဲ့အထောက်အပံ့နဲ့ ချစ်ခြင်းမေတ္တာဟာ ကလေးတွေရဲ့ စိတ်ပိုင်းဆိုင်ရာ တည်ငြိမ်မှု့ကို တိုးမြှင့်ပေးပြီး စာသင်ခန်းထဲမှာ ပိုမိုအာရုံစိုက်နိုင်အောင် ကူညီပေးပါတယ်။
၂။ ​စူးစမ်းလိုစိတ်နဲ့ တီထွင်ဖန်တီးနိုင်စွမ်းရှိလာခြင်း
လုံခြုံစိတ်ချရတဲ့ ပတ်ဝန်းကျင်က ကလေးတွေဟာ စူးစမ်းလေ့လာဖို့နဲ့ အသစ်အဆန်းတွေကို စမ်းသပ်ဖို့ ပိုမိုအားပေးခံရပါတယ်။ ဒါကြောင့် သူတို့ရဲ့ တီထွင်ဖန်တီးနိုင်စွမ်းကို ပိုမိုတိုးတက်စေပါတယ်။
​ဒီကောင်းကျိုးတွေကိုရရှိဖို့ဆိုရင် မိဘတွေက ကလေးကို ဖက်တာ၊ အနမ်းပေးတာ၊ ချီးကျူးစကားပြောတာ၊ အတူတူအချိန်ပေးတာနဲ့ စိတ်ရှည်သည်းခံစွာ နားထောင်ပေးတာမျိုးတွေ လုပ်ဆောင်သင့်ပါတယ်။
ဒီလိုမျိုး တန်ဖိုးထားခံရကြောင်း ခံစားရတဲ့အခါ ကလေးတွေဟာ စိတ်ပိုင်း၊ ရုပ်ပိုင်းနဲ့ လူမှု့ရေးဆိုင်ရာ ဖွံ့ဖြိုးတိုးတက်မှုတွေ အားလုံးမှာ တိုးတက်လာနိုင်ပါတယ်။
Credit_to_owner_with_respect မှုရင်းရေးသားသူ