◾️အီရန်နိုင်ငံအပေါ် အရေးယူပိတ်ဆို့မှုများ ကုလသမဂ္ဂ ပြန်လည်ချမှတ်
လက်နက်တင်ပို့မှု ပိတ်ပင်ရေးစည်းမျဉ်း အပါအဝင် အခြားအရေးယူပိတ်ဆို့မှုများကို ကုလ သမဂ္ဂက အီရန်နိုင်ငံအပေါ် စက်တင်ဘာ ၂၇ ရက် တွင် ပြန်လည်ချမှတ်ပြဋ္ဌာန်းလိုက်ကြောင်း သိရသည်။
၂၀၁၅ နျူကလီးယားသဘောတူညီချက်ပါ ကတိကဝတ်များကို ချိုးဖောက်မှုဖြင့် အီရန်နိုင်ငံ အပေါ် ကုလသမဂ္ဂအရေးယူပိတ်ဆို့မှုများ ပြန် လည်ချမှတ်ရေး ရက် ၃၀ လုပ်ငန်းစဉ်ကို ဗြိတိန်၊ပြင်သစ်နှင့် ဂျာမနီနိုင်ငံတို့က စတင်ခဲ့ပြီးနောက် ကုလ သမဂ္ဂက အီရန်နိုင်ငံအပေါ် အရေးယူပိတ်ဆို့ မှုများ ပြန်လည် ချမှတ်ခဲ့ခြင်းဖြစ်သည်။
အီရန်နိုိုင်အပေါ် ပြန်လည်ချမှတ်ခဲ့သည့် အရေးယူပိတ်ဆို့မှုစည်းမျဉ်းများသည် ၂၀၀၆ ခုနှစ် နှင့် ၂၀၁၀ ပြည့်နှစ်ကာလအတွင်း အတည်ပြုခဲ့သော ကုလသမဂ္ဂလုံခြုံ ရေးကောင်စီ ဆုံးဖြတ်ချက်များ၌ အကျုံးဝင်သော အရေးယူပိတ်ဆို့မှုစည်းမျဉ်းများ ဖြစ်ကြသည်။
အီရန်နိုင်ငံအပေါ် ကုလသမဂ္ဂအရေးယူ ပိတ်ဆို့မှုများ ပြန်လည်ချမှတ်မည့် အစီအစဉ်ကို ခြောက်လ ကြာဆိုင်းငံ့ပေးထားရန် အီရန်၏ အဓိက မဟာမိတ်များဖြစ်ကြသော ရုရှားနှင့် တရုတ်တို့က နောက်ဆုံး အချိန်အထိ ကြိုးပမ်းခဲ့သော်လည်း အောင်မြင်မှု မရှိခဲ့ချေ။
အီရန်န်ိုင်ငံအပေါ် ကုလသမဂ္ဂအရေးယူပိတ် ဆို့မှုများ ပြန်လည်ချမှတ်မည်ဆိုပါက ပြင်းပြင်းထန်ထန်တုံ့ပြန်ရလိမ့်မည်ဖြစ်ကြောင်း အီရန်အစိုးရက ကနဦးတွင် ပြောကြားထားသည်။
သို့ရာတွင် အီရန်နိုင်ငံအနေဖြင့် နျူကလီး ယားလက်နက်မပြန့်ပွားရေးစာချုပ်မှ နုတ်ထွက်ရန် ရည်ရွယ်ချက်မရှိကြောင်း အီရန်သမ္မတ ပီဇက်ရှ်ကီအန်က စက်တင်ဘာ ၂၆ ရက် ကုလသမဂ္ဂအထွေ ထွေညီလာခံမိန့်ခွန်းတွင် ထုတ်ဖော်ပြောကြားထားသည်။
#ယနေ့ထုတ်သတင်းစာ_နိုင်ငံတကာသတင်း
