◾️အမေရိကန်ဘုရားရှိခိုးကျောင်း ဝင်ရောက်ပစ်ခတ်မီးရှို့မှုတွင် လူလေးဦးသေဆုံး
အမေရိကန်နိုင်ငံ ၊ မီရှီဂန်ပြည်နယ်တွင် သေနတ်သမားတစ်ဦး က ဘုရားရှိခိုးကျောင်းတစ်ခုကို ကားဖြင့် မောင်းဝင်သွားခဲ့ကာ လူများကို သေတ်ဖြင့်ပစ်ခတ်ပြီး အဆောက်အ ဦးကိုလည်း မီးရှို့ခဲ့ရာ အနည်းဆုံး လူလေး ဦးသေဆုံးပြီး ရှစ်ဦး ဒဏ်ရာရရှိခဲ့ကြောင်း သိရသည်။
ဒက်ထရွိုက်မြို့အနောက်မြောက်ဘက် မိုင် ၆၀ အကွာရှိ ဂရန့်ဘလန့် မြို့ရှိ Church of Jesus Christ of Latter-day Saints ဘုရားကျောင်းပစ်ခတ်မှုမှာ တနင်္ဂနွေနေ့ဝတ် ပြုပွဲသို့ လူပေါင်း ရာနှင့်ချီတက်ရောက်နေချိန်တွင် ဖြစ်ပွားခဲ့ကြောင်း တာဝန်ရှိသူများက ပြောကြားသည်။
မီရှီဂန်ပြည်နယ် ဘာတန်ဒေသမှ အသက် ၄၀ အရွယ် သေ နတ်သမား သောမတ်စ်ဂျက်ကော့ဘ်ဆန်းဖို့ဒ် ကိုလည်း ဘု ရားကျောင်း ကားရပ်နားရာတွင် ရဲတပ်ဖွဲ့က ပစ်သတ်ခဲ့သည်။
ပစ်ခတ်မှု အကြောင်းရင်းကို သေချာ မသိသေးသော်လည်း ပစ်မှတ်ထားလုပ်ဆောင်သည့်အကြမ်းဖက်မှု အဖြစ် ရဲ တပ်ဖွဲ့ က ယင်းဖြစ်ရပ်အား စုံစမ်းစစ်ဆေးနေ သည်။
သေနတ်ဒဏ်ရာများ ရရှိခဲ့သူ နှစ်ဦး သေဆုံးခဲ့ကြောင်း ဂရမ်းဘလန့် မြို့နယ်ရဲတပ်ဖွဲ့မှူး ဝီလီယံရီနိုင်းက ပြောကြားသည်။
အခြားလူနှစ်ဦးကိုလည်း သေဆုံးလျက် တွေ့ရှိရကြောင်း နှင့် အခြားလူတချို့ကိုလည်း မတွေ့ရှိသေးကြောင်း ရဲ တပ်ဖွဲ့မှူးက နောက်ပိုင်းတွင် ပြောသော်လည်း လူအရေအတွက်ကို မပြောပေ။
မီးလောင်မှုကြောင့် ပျက်စီးမှုကြီးမားခဲ့သော မောမန်ဘု ရားရှိခိုးကျောင်းအား ရှင်းလင်းနေဆဲဖြစ်ကြောင်း ညပိုင်းတွင် ရဲမှူးကပြောသည်။
သေနတ်သမားက လူ ရာနှင့်ချီ၍ ဝတ်ပြုဆုတောင်းနေချိန် နံနက် ၁၀ နာရီ ၂၅ မိနစ်ခန့်တွင် ဘုရားကျောင်းသို့ ရောက်ရှိ၍ ပစ်ခတ်တိုက်ခိုက်ခဲ့ရာ ရဲတပ်ဖွဲ့ကလည်း လျင်မြန်စွာတုံ့ပြန်ခဲ့ကြောင်း နှင့် ရှစ်မိနစ်အတွင်း သေနတ်သမားကို ရှင်းလင်းနိုင်ခဲ့ကြောင်း ရဲမှူးက ပြောသည်။
ဘုရားကျောင်းမီးကို စတင်ရန် သံသယရှိသူက ဓာတ်ဆီကို အသုံးပြုခဲ့ကြောင်း အာဏာပိုင်များက ပြောကြားသည်။
သေနတ်သမား ဆန်းဖို့ဒ်သည် မရိမ်းတပ်ဖွဲ့ဝင်ဟောင်းတစ်ဦးဖြစ်ကြောင်း သိရပြီး စုံစမ်းစစ်ဆေးမှုလုပ်သူများက ၎င်း ၏ နေအိမ်နှင့် လက်ကိုင်ဖုန်းမှတ်တမ်းများကို စစ်ဆေးနေကြောင်းသိရသည်။
ဖက်ဒရယ်စုံစမ်းစစ်ဆေးဌာန ( FBI ) က ဦးဆောင်၍ စစ် ဆေးမှုလုပ်ဆောင်နေကြောင်း နှင့် ဗုံးကျွမ်းကျင်သူများ နှင့် အခြားပညာရှင်များကိုလည်း အခင်းဖြစ်နေရာသို့ စေလွှတ်ထားကြောင်း သိရသည်။
အခြားနေရာများတွင်လည်း ဗုံးခြိမ်းခြောက်မှုများဖြစ်ပေါ်ခဲ့ပြီး ရဲတပ်ဖွဲ့ က ၎င်းတို့ကို သွားရောက်ရှင်းလင်းခဲ့ကြောင်း မီရှီဂန်ပြည်နယ်ရဲတပ်ဖွဲ့ပြောခွင့်ရသူ ကင်ဗက်တာ က သတင်းထောက်များအား ပြောကြားသည်။
သမ္မတဒေါ်နယ်ထရန့်ကလည်း ယင်းပစ်ခတ်မှုအကြောင်း သတင်းပို့တင်ပြမှုရရှိထားကြောင်း နှင့် စုံစမ်းစစ်ဆေးမှုကို အက်ဖ်ဘီအိုင် က ဦးဆောင်သွားမည်ဖြစ်ကြောင်း အတည် ပြုပြောကြားသည်။
သတင်း-ရဲမင်း
ကိုးကား-BBC
#နိုင်ငံတကာသတင်း