◾️တောင်ကြီးတန်ဆောင်တိုင်ပွဲတော်အတွက် နေ့လွှတ်အရုပ်မီးပုံးပျံပြိုင်ပွဲစာရင်းပေးသွင်းခြင်းကို အောက်တိုဘာ ၁၅ ရက်အထိ လက်ခံမည်
တောင်ကြီးမြို့တန်ဆောင်တိုင်ပွဲတော် ရိုးရာမီးပုံးပျံပြိုင်ပွဲတွင် ဝင်ရောက်ယှဉ်ပြိုင်မည့် နေ့လွှတ် အရုပ်မီးပုံးပျံပြိုင်ပွဲအတွက် စာရင်းပေးသွင်းခြင်းကို အောက်တိုဘာ ၁၅ရက်အထိ လက်ခံပေး သွားမည်ဖြစ်ကြောင်း ရှမ်းပြည်နယ် တောင်ပိုင်း ရိုးရာမီးပုံးပျံပညာရှင်များအသင်း ရိုးရာမီးပုံးပျံပြိုင် ပွဲကျင်းပရေး လုပ်ငန်းကော်မတီထံမှသိရသည်။
နေ့လွှတ်အရုပ်မီးပုံးပျံပြိုင်ပွဲစာရင်းပေးသွင်းခြင်းအား အောက်တိုဘာ ၁ ရက်မှ ၅ ရက်အထိ ကိုကန် အရှေ့ရပ်ကွက်ရုံးတွင်လည်းကောင်း၊အောက်တိုဘာ ၆ ရက်မှ ၁၅ ရက်အထိ အိမ်အမှတ်(၂၇၂)၊ အနောက်မြို့ပတ်လမ်း၊ ရတနာသီရိရပ်ကွက်၊ပါရမီဆေးဆိုင်ဘေးရှိ ဦးတင်အေး နေအိမ်တွင် လည်းကောင်း နံနက်၉ နာရီမှ ညနေ ၄ နာရီအထိ လက်ခံပေးသွားမည်ဖြစ်ကြောင်း သိရသည်။
ပြိုင်ပွဲတွင် နေ့လွှတ်အရုပ်ပြိုင်ပွဲအရုပ်ခြေနှစ်ချောင်း၊ အရုပ်ခြေလေးချောင်းအရုပ်အုပ်စုများ ညလွှတ် ပြိုင်ပွဲတွင် ညမီးကြီးမီးပုံးပျံ၊ စိန်နားပန်မီးပုံးပျံတို့အား လွှတ်တင်ယှဉ်ပြိုင်သွားကြမည်ဖြစ်ကြောင်း သိရသည်။
အောက်တိုဘာ ၁၇ ရက်မွန်းလွဲ ၁ နာရီ၌ ကန်ရှေ့ရပ်ကွက်ရုံးတွင် ပြိုင်ပွဲဝင်နေ့လွှတ်အရုပ်မီးပုံးပျံ အဖွဲ့များ မဲနှိုက်၍ အောက်တိုဘာ၂၉ ရက်မှ နိုဝင်ဘာ ၄ ရက်အထိအဝေရာမီးပုံးပျံကွင်းကြီးတွင် ပြိုင်ပွဲ ကျင်းပပြီး နိုဝင်ဘာ ၅ ရက်၌ ဆုပေးပွဲကျင်းပမည်ဖြစ်ကြောင်း သိရသည်။
ဓာတ်ပုံ- MDN
#ယနေ့ထုတ်သတင်းစာ_သတင်း
