တရုတ် အင်ဂျီနီယာများ၏ အစွမ်းဖြင့်အံ့မခန်းနည်းပညာများနှင့် ကမ္ဘာ့အမြင့်ဆုံးဟွာကျန်းတံတား
တရုတ်နိုင်ငံ ကွမ်ကျိုးပြည်နယ်သည် ကမ္ဘာပေါ်တွင် အမြင့်ဆုံးတံတားများ စုစည်းတည်ရှိမှုကြောင့် လူသိများပြီး၄င်းတို့ထဲတွင် ဟွာကျန်း ဂရင်းကင်ညွန်တံတားကတော့ ထူးခြားသည့် ဝိသေသများနှင့်ပို၍ နာမည်ကြီးလေသည်။
တံတားကို ၂၀၂၁ ခုနှစ်တွင် စတင်တည်ဆောက်ခဲ့ပြီး Liuzhi-Anlong အမြန်လမ်းပေါ်ရှိ ကမ္ဘာ့အမြင့်ဆုံးတံတားဟွာကျန်း ဂရင်းကင်ညွန်တံတားကြီးသည် မြစ်အထက် ၆၂၅ မီတာအမြင့်တွင်တည်ရှိပြီး ပြည်နယ်အတွင်းမှာပင်ရှိသည့် အမြင့် ၅၆၅ မီတာရှိ Beipanjiang တံတားသည် လက်ရှိတွင် ကမ္ဘာ့ဒုတိယအမြင့်ဆုံးတံတားဖြစ်သွားခဲ့သည်။
ဟွာကျန်းဂရင်းကင်ညွန် တံတားကြီးကြောင့် ဟိုဘက်ကမ်းနှင့် ဒီဘက်ကမ်းကို ယခင်က နှစ်နာရီကြာအချိန်ပေးခဲ့ရသော်လည်း ယခုအခါ နှစ်မိနစ်ဖြင့်ပင် ရောက်ရှိနိုင်ပြီဖြစ်သည်။ နှစ်နာရီခရီးကို နှစ်မိနစ်ဖြစ်အောင် တွေးဆခဲ့ကြသည့် စိတ်ကူးစိတ်သန်းများ၊ ဥာဏ်ရည်တုဖြင့် ထိမ်းချုပ်စစ်ဆေးခြင်းများကို ထည့်သွင်းခဲ့ကြသည်ကအတုယူစရာပင်
ဟွာကျန်း ဂရင်းကင်ညွန်တံတားပြီးစီးရန် သုံးနှစ်ကျော် အချိန်ယူခဲ့ရကြောင်း ရှင်းဟွာသတင်းက ဖော်ပြထားသည်။ ၎င်း၏ ပင်မအလျားသည် ၁၄၂၀ မီတာရှိသောကြောင့် တောင်တန်းဒေသတစ်ခုတွင် တည်ဆောက်သော ကမ္ဘာ့အကြီးဆုံး ပင်မတံတားဖြစ်လာစေခဲ့သည်။
ခန့်မှန်းခြေအားဖြင့် ၂၁၅ တန် အလေးချိန်ရှိသော နောက်ဆုံး သံမဏိချည်မျှင်ကြိုး(တရုတ်နိုင်ငံ၏ သီးခြားတီထွင်ထားသော စတုတ္ထမျိုးဆက် ဥာဏ်ရည်တုကြိုးစနစ်၊ ရာသီဥတုကိုခြေရာခံပြီးတံတားကြီး ပင်မကြိုး ကြံ့ခိုင်မှုကို စစ်ဆေးပေးနိုင်) ဖြင့် ချောမွေ့တိကျစွာ တပ်ဆင်ခဲ့သည်။တံတားဒီဇိုင်းနှင့် တည်ဆောက်မှုမှာ တရုတ်ကျွမ်းကျင်ပညာရှင်များဖြင့်သာ လုပ်ဆောင်ခဲ့ခြင်းဖြစ်သည်။
ပြင်သစ်ရှိ မီတာ ၃၄၃ မီတာမြင့်သော Millau တံတားပြီးလျှင့် ဟွာကျန်း ဂရင်းကင်ညွန်က အမြင့်ဆုံးနှင့် အရှည်ဆုံး ဖြစ်သည်။
