မကွေးတိုင်းနတ်မောက်မြို့နယ်မှာ မိုးများပြီး ဆည်ကျိုးသွားတဲ့အတွက် နှစ်ပေါင်း ၆၀ အတွင်း အဆိုးရွားဆုံးသောရေကြီးမှု ဖြစ်ပွားနေပြီး နေအိမ်အချို့ရေစီးနဲ့မျောပါကာ မိသားစုလိုက် ခြောက်ယောက်စလုံး သေဆုံးတဲ့အထိ ရှိနေတယ်လို့ ဒေသခံတွေဆီကသိရပါတယ်။
နတ်မောက်မြို့ပေါ်ရပ်ကွက်တွေ အပါအဝင် လေးအိမ်ရွာ ၊ မယ်ဇလီပင်ရွာ စတဲ့ နတ်မောက် ယင်းချောင်းတလျှောက်ရှိ အနိမ့်ပိုင်းနေရာတွေအားလုံးမှာ ရေကြီးနေမြုပ်မှုဖြစ်ပွားနေတာဖြစ်ပြီး မိသားစုလိုက် သေဆုံးမှုကတော့ မယ်ဇလီပင်ရွာမှာဖြစ်ပွားခဲ့တာဖြစ်တယ်လို့သိရပါတယ်။
မယ်ဇလီပင်ရွာနားမှာရှိတဲ့ အောင်ပန်းကျွန်းဆည်ကျိုးကျခဲ့တာကြောင့် ဆည်ရေတွေစီးဆင်းပြီး ဒီနေ့စ က်တင်ဘာ ၂၈ ရက်နေ့မနက်အစော ၂ နာရီကျော်လောက်မှာ မယ်ဇလီပင်ချောင်းဘေးရှိနေအိမ်နှစ်လုံးရေထဲမျောပါကာ မိသားစု ခြောက်ယောက်စလုံး ရေနစ်မြုပ်သေဆုံးခဲ့ရတာဖြစ်တယ်လို့ မယ်ဇလီပင်ရွာမှ ဆရာတော် အရှင်ဂန္နမာက မိန့်ပါတယ်။
"ရေထဲ ပါသွားတာ ခုနှစ်ယောက်ကို ဒကာတယောက်က သစ်ကိုင်းဆွဲထားတော့ အသက်ရှင်တယ်။ကျန်တဲ့မိသားစုခြောက်ယောက်လုံးကအသေပျောက်ပါဘဲ။ အခုရှာနေတာတွေ့ပြီလို့ပြောတယ်။ သေတဲ့အထဲ ကလေးတယောက်ပါတယ်။ ဆည်အလယ်ကနေကိုကျိုးကျတာလို့သိရတယ်။ ခုလိုမတွေ့ဘူးသေးဘူး။ တခါမှမဖြစ်ဖူးဘူး။ ဆည်နဲ့ရွာကတမိုင်ကျော်ကျော်လောက်ပဲဝေးတယ်။" လို့ ဆရာတော်ကမိန့်ပါတယ်။
