ရုပ်ရှင်အစည်းအရုံးမှ မိမိသဘောဖြင့် နုတ်ထွက်သူ (၉၅) ရာခိုင်နှုန်း အစည်းရုံးဝင်အဖြစ် ပြန်လည်လျှောက်ထား
စက်တင်ဘာ ၂၈
(၂၀၂၁) ခုနှစ် နိုင်ငံရေးဖြစ်စဉ်အပြီး ရုပ်ရှင် အစည်းအရုံးမှ မိမိသဘောဖြင့် နုတ်ထွက်သူ (၉၅) ရာခိုင်နှုန်းသည် အစည်းရုံးဝင်အဖြစ်ပြန်လည် လျှောက်ထားလာသဖြင့် ခွင့်ပြုထားကြောင်း မြန်မာနိုင်ငံရုပ်ရှင်အစည်းအရုံးနှင့် နီးစပ်သူ တစ်ဦးက ပြောသည်။
ရုပ်ရှင်အစည်းအရုံးဝင်အဖြစ် ပြန်လည် လက်ခံထားသူများမှာ နိုင်ငံပြင်ပ မထွက်ခွာဘဲ ပြည်တွင်းတွင် နေထိုင်သူများဖြစ်ကြောင်းသိရသည်။
“ရောက်ရှိထားတဲ့ စာရင်းအရဆိုရင်တော့ (၉၅)ရာခိုင်နှုန်းလောက်က ပြန်ပြီးတော့ ဒီထဲကိုဝင်ထားတယ်။ ဒီရုပ်ရှင်အစည်းအရုံးကို ပြန် လျှောက်ထားတယ်။ တချို့တလေက ဆုံးသွားတာရှိတယ်။ တချို့တလေကတော့ ဟိုး အရင်တုန်းကတည်းက အဆက်ပြတ်နေတာရှိတယ်။ တချို့က သိပ်မထင်ရှားဘူးပေါ့နော်။ အဲဒီတော့ ဒီလူတွေက တကယ်ရှိရဲ့လားဆိုတာလည်း နည်းနည်းလေး စိစစ်ထားတဲ့ စာရင်းထဲမှာ မရှိတဲ့လူပေါ့။ တစ်ယောက် တလေတော့ရှိ တယ်။ တစ်ယောက်ကျတော့ သေဆုံးသွားပြီ။ အဲဒီတော့ မသေဆုံးခင်တည်းက ပြန်မလာဘူး။ သရုပ်ဆောင်တွေ တော် တော်များများက တော့ပြန်ဝင်တယ်”ဟု အထက်ပါ သတင်းရင်းမြစ်က ပြောသည်။
အစည်းအရုံးဝင်အဖြစ်ပြန်လည်ဝင် ရောက်လာသူများအတွင်း နာမည်ကြီးသရုပ်ဆောင်၊ ဇာတ်ပို့/ဇာတ်ရံ၊ ဒါရိုက်တာ၊ ဇာတ်လမ်း၊ ဇာတ်òန်း များပါဝင် ကြောင်း သိရသည်။
“နယ်စပ်ကိုဖြတ်ပြီး မသွားတဲ့ လူမှန်သမျှက ဒီထဲကပြန်ရောက်လာကြတာပါပဲ။ အကုန်ရှိတယ်။ သို့သော် ကျွန် တော်တို့ကလည်း စိုသောလက်ကို မခြောက်စေနဲ့ သဘောမျိုးပါပဲ” ၎င်းကပြောသည်။
ရုပ်ရှင်အစည်းအရုံးအဖွဲ့ဝင်အဖြစ်မှ မိမိသဘောဆန္ဒအရ နုတ်ထွက်ခဲ့သော အနုပညာရှင်များ၏ အမည် စာရင်းကို (၂၀၂၁)ခုနှစ် ဇွန်လ (၁၅)ရက် တွင် မြန်မာနိုင်ငံရုပ်ရှင်အစည်းအရုံးက ထုတ်ပြန် ကြေညာခဲ့ကြောင်း သိရသည်။
အဆိုပါထုတ်ပြန်ကြေညာချက်အတွင်း အလွှာအသီးသီးမှအနုပညာရှင်များစွာပါဝင်ခဲ့ပြီး ပြည်ပနိုင်ငံများသို့ ရောက်ရှိနေသူများနှင့် လက်ရှိတွင်ရုပ် ရှင်အစည်းအရုံးအဖွဲ့ဝင်အဖြစ် ပြန်လည်စာရင်း သွင်းကာ ပြည်တွင်း၌ အနုပညာ အလုပ်များ ဆက်လက်လုပ်ကိုင်နေသူများလည်းရှိနေကြောင်း သိရသည်။
“အဲဒီဝင်လာတဲ့လူတွေကိုတော့ ခွင့်ပြု ပေးထားတယ်။ သို့သော် ဒီလူတွေကိုတော့ ရုပ်ရှင် အစည်းအရုံးအနေနဲ့ အမှုဆောင်အဖွဲ့မှာတော့ Record ရှိတယ်။ ဥပမာ တချို့က သက်ကြီးပူဇော် ပွဲမှာလာလျှောက်တယ်။ သက်ကြီးပူ ဇော်ပွဲမှာ ကန်တော့ခံမယ့်လူက ထင်ရှားတဲ့လူဖြစ်ရမယ်။ အများ ကြည်ညိုလေးစားတဲ့လူဖြစ်ရမယ်။ နောက် ပြစ်မှုပြစ် ဒဏ်နဲ့လွတ်ကင်းတဲ့လူဖြစ်ရမယ်ဆိုတော့ တချို့က ဆင်ဆာဥပဒေချိုးဖောက်တာတွေရှိတယ်။ အဲဒီဆင် ဆာနဲ့အရေး ယူခံရတာမျိုးတွေရှိတယ်ဆိုရင် သက်ကြီးပူဇော်ပွဲမှာထည့်ပြီးမစဉ်းစားတော့ဘူး။ အဲဒါက နောက်အမှုဆောင်က အဆင့် ဆင့်ဆုံးဖြတ်သွားမှာ”ဟု အထက်ပါတာဝန်ရှိသူက ဆိုသည်။
လက်ရှိတွင် ရုပ်ရှင်အစည်းအရုံးဝင်အဖြစ် ပြန်လည်ဝင်ရောက်နေသူများအတွင်း ခင်လှိုင်၊ တိုင်ရွန်၊ ဆင်မ၊ နေရဲ အစရှိသော သရုပ်ဆောင်တို့သည် ရုပ်ရှင်အစည်းအရုံးမှ နုတ်ထွက်ခဲ့ဖူးကြောင်း အဆိုပါ အဖွဲ့အစည်းက (၂၀၂၁)ခုနှစ် အတွင်း ထုတ်ပြန်ခဲ့သောစာအရ သိရသည်။
Credit - NP News Agency
#centralnewsnaypyitaw
