အီရန်အပေါ် အရေးယူပိတ်ဆို့မှုတွေ ပြန်လည်ချမှတ်ဖို့ လုံခြုံရေးကောင်စီ မဲခွဲဆုံးဖြတ်
ကုသလဂ္ဂ၊ စက်တင်ဘာ ၂၇
အီရန်အပေါ် အရေးယူပိတ်ဆို့တွေ ပြန်လည်ချမှတ်ရေးကို နှောင့်နှေးဖို့ တရုတ်နဲ့ ရုရှားတို့ရဲ့ ကြိုးပမ်းမှု မအောင်မြင်ပြီးနောက် ပိတ်ဆို့မှုတွေကို စက်တင်ဘာ ၂၇ ရက်မှာ ပြန်လည်ချမှတ်ဖို့ စီစဉ်နေပါတယ်။
ဒီလို အရေးယူပိတ်ဆို့မှုတွေ ပြန်လည်ချမှတ်တဲ့အတွက် နောက်ဆက်တွဲအကျိုးဆက်တွေကို အနောက်အင်အားကြီးနိုင်ငံတွေ ရင်ဆိုင်ရလိမ့်မယ်လို့ အီရန်က သတိပေးထားပါတယ်။
ပိတ်ဆို့အရေးယူမှုများကို ပြန်လည်ချမှတ်ဖို့ လုံခြုံရေးကောင်စီရဲ့ ဆုံးဖြတ်ချက်ဟာ အီရန်နဲ့တင်းမှုတွေ တိုးမြင့်လာဖွယ်ရှိပြီး ပြင်းထန်တဲ့တုံ့ပြန်မှုတရပ်ကြုံလာနိုင်ခြေရှိပါတယ်။ ပိတ်ဆို့အရေးယူမှုတွေ နှောင့်နှေးဖို့ ရုရှားနဲ့ တရုတ်တို့က တွန်းအားပေးခဲ့ပြီး အဖွဲ့ဝင် ၁၅ ဦးပါ ကောင်စီမှာ အရေးမယူဖို့ ထောက်ခံမဲ လေးမဲသာ ရရှိခဲ့ပြီး ကန့်ကွက်မဲ ၉ မဲနဲ့ ကြားနေမဲ ၂ မဲရှိခဲ့ပါတယ်။
“လုံခြုံရေးကောင်စီက ဆုံးဖြတ်ချက် ၂၂၃၁ မှာ ချမှတ်ထားတဲ့ ပြန်လည်အရေးယူရေး လုပ်ငန်းစဉ်ရဲ့ လိုအပ်တဲ့ အဆင့်တွေကို ပြည့်စုံစေတဲ့အတွက် ကုလသမဂ္ဂရဲ့ ပိတ်ဆို့အရေးယူမှုတွေကို ဒီသီတင်းပတ်ကုန်မှာ ပြန်လည် ချမှတ်သွားမှာ ဖြစ်ပါတယ်” လို့ ဗြိတိန်သံတမန် ဘာဘရာ၀ုဒ်က မဲခွဲမှုအပြီးမှာပြောပါတယ်။
အီရန်အပေါ် ကုလသမဂ္ဂ ပိတ်ဆို့အရေးယူမှုအားလုံးဟာ စနေနေ့ (ဂရင်းနစ်စံတော်ချိန် 0000 GMT)မှာ ပြန်လည်သက်ဝင်မှာဖြစ်ပါတယ်။ ပိတ်ဆို့အရေးယူမှုတွေမှာ လက်နက်ပိတ်ဆို့မှု၊ ယူရေနီယံ သန့်စင်မှုနဲ့ ပြန်လည်လုပ်ဆောင်ခြင်းဆိုင်ရာ တားမြစ်ချက်၊ ပဲ့ထိန်းဒုံးကျည်လှုပ်ရှားမှုအပေါ် ကန့်သတ်ချက်များ၊ ကမ္ဘာလုံးဆိုင်ရာ ပိုင်ဆိုင်မှုကို ရပ်တန့်စေခြင်း၊ အီရန်လူပုဂ္ဂိုလ်တွေနဲ့ အဖွဲ့အစည်းတွေကို ခရီးသွားလာခွင့် ပိတ်ပင်တာတွေ ပြန်လည်ချမှတ်မှာဖြစ်ပါတယ်။
Ref:CNA
Photo:Reuters
Credit - Voice of Myanmar News Agency
#သတင်းဟင်းလေးအိုးကြီး
