“ ကျွန်တော်တို့ရဲ့ ဘေးပတ်ဝန်းကျင်မှာ အဆိပ်အတောက်မုန်တိုင်းတွေ ဘယ်လောက်ပဲ တိုက်ခိုက်နေပါစေ ၊ ဦးနှောက်က လျစ်လျူခြင်းအနုပညာကို ကျင့်သုံးနိုင်တဲ့အခါ ငြိမ်သက်ခြင်းကို ဘယ်သူမှ မဖျက်ဆီးနိုင်ပါ”
ကျွန်တော်လိုအပ်တဲ့ အပေါင်းအသင်းနဲ့ ပတ်သက်လာရင် တစ်ခုပဲ ရှိတယ် ။ 'အဆိပ်အတောက်ဖြစ်စေတဲ့လူဆိုရင် ဖယ်ထုတ်လိုက်ပါ ။ '
သူငယ်ချင်းအပေါင်းအသင်းနဲ့ ပတ်သက်လာရင် အဆင့်အတန်း ဂုဏ်ပကာသနဆိုတာထက် ကျွန်တော့်အတွက် အရေးကြီးတာ တစ်ခုပဲရှိတယ် ။ ဒီလူ ကျွန်တော့်ကို အဆိပ်အတောက် ပေးနေတဲ့လူလား ။ ကျွန်တော်အဓိပ္ပာယ် ဖွင့်ဆိုတဲ့ အဆိပ်အတောက်ဆိုတာ
* ခွန်အားတွေ စုပ်ထုတ်ပစ်သူ (energy drainer)
* သူ့ကိုယ်သူပဲ ဦးစားပေးတဲ့ တစ်ကိုယ်ကောင်းသမား
* အပြစ်တင် ကျွမ်းတဲ့ အမြဲမှန်ကန်သမား
* ဆင်ခြေ သိပ်ပေးကြမ်းတဲ့ ကိုဆင်ခြေကြီး
'' ကျွန်တော့် တည်ငြိမ်နေတဲ့ ဖြစ်တည်မှု ၊ အေးချမ်းနေတဲ့စိတ်ခံစားချက်တွေကို ပျက်ပျယ်စေတဲ့လူက အဆိပ်အတောက်သမားပါပဲ ။ ''
ဒီလိုပြောလိုက်လို့ ကျွန်တော်က အဆိပ်အတောက်ကင်းစင်တဲ့ သူတော်စင်တစ်ယောက်တော့ မဟုတ်ပါဘူး ။ ကျွန်တော့်မှာလည်း အနည်းနဲ့အများ အဆိပ်အတောက်ဖြစ်စေတဲ့ အမူအကျင့်တွေရှိနေမှာပါ ။
ဒီတော့ ပေါင်းသင်းဆက်ဆံရေးတွေမှာ အတတ်နိုင်ဆုံးရှောင်မိတဲ့အရာကတော့ ကျွန်တော်နဲ့ တွေ့ပြီးတိုင်း သူ့မှာရှိတဲ့ အားအင်တွေ ကုန်ဆုံးသွားတယ်ဆိုတဲ့ ခံစားချက် ၊ ပျော်ရွှင်မှုတွေ ယုတ်လျော့သွားပြီး အကောင်းမြင်စိတ်တွေ နည်းလာတယ်ဆိုတဲ့ ခံစားချက် ၊ ကျွန်တော်နဲ့ စကားပြောခွင့်ရတိုင်း စိုးရိမ်ကြောင့်ကြစိတ်တွေ မြင့်တက်လာတယ်ဆိုတဲ့ ခံစားချက်တွေ မဖြစ်ရအောင် ဆင်ခြင်မိတာတော့ အမှန်ပါပဲ ။ ပြီးပြည့်စုံစရာ မလိုပါဘူး ။
ကျွန်တော့်အမြင်မှာ ပြီးပြည့်စုံအောင် ကောင်းနေတဲ့သူငယ်ချင်းဆိုတာမျိုးလည်း မရှိပါဘူး ။ သူ့အားနည်းချက်
ကိုယ့်အားနည်းချက်တွေ ရှိနေမှာပဲ ။ ခုနောက်ပိုင်း ကိုယ်တိုင်က အဆိပ်အတောက်မဖြစ်အောင် ကြိုး
စားနေတဲ့ ကာလဆိုတော့ အဆိပ်အတောက် ဖြစ်စေတဲ့လူဆိုရင် ရှောင်မိလာတယ် ။ ကိုယ်အမြဲတွေ့နေတဲ့လူတွေကနေလာတဲ့အားအင် ၊ အပြုအမူ ၊ အပြောအဆိုတွေက ကူးစက်တတ်တဲ့သဘာဝရှိတော့ အဆိပ်အတောက်ဆိုရင် ရှောင်ချင်မိလာတာပါ ။
နောက်ထပ် သိလာရတဲ့ တစ်ချက်က ရှောင်ပဲရှောင်နေလို့မဖြစ်ပါဘူး ။ တခြားတွေ့စရာ ၊ ပေါင်းသင်းစရာအသိုင်းအဝိုင်း တစ်ခုမရှိဘူးဆိုရင် အနှေးနဲ့အမြန် ဒီအဆိပ် အတောက်စက်ကွင်းထဲကို ပြန်ရောက်လာမှာပါ ။ ဒီတော့ အစားထိုးတွေ့ရမယ့် အသိုင်းအဝိုင်းအသစ်ဖန်တီးဖို့ လိုလာပါတယ် ။
ဒီစာအုပ်ထဲမှာ အတွေးတွေကို လန်းဆန်းသစ်လွင်စေမယ့်အကြောင်းအရာတွေ ၊ အဆိပ်အတောက်တွေကို ပယ်ရှားနိုင်မယ့် နည်းလမ်းတွေ ၊ နေ့ရက်သစ်တိုင်းကို မတူတဲ့အတွေးအခေါ် ၊ အပြုအမူတွေနဲ့ လှုပ်ရှားသွားလာနိုင်မယ့် နည်းလမ်းတွေကို ဖတ်ရမှာပါ ။
ခေတ်ရေစီးကြောင်းမှာ မျောပါနေတဲ့ ရုပ်သေးမဟုတ်ဘဲ ခေတ်ရေစီးကြောင်းရဲ့ ပဲ့ကိုင်ရှင်လူငယ်တစ်ယောက် ဖတ်ဖို့စာအုပ်ပါ ။
#အဆိပ်အတောက်မှငြိမ်သက်ခြင်းဆီသို့
#ဂျိုးဒါရှီ