လူတော်တွေယုတ်မာရင်
ကြောက်စရာအကောင်းဆုံးပဲ ..
အားလုံးကို ဖျက်ဆီးနိုင်တယ် ..
အားလုံးဟာ ပျက်စီးနိုင်တယ် ..
လူသားဆန်တဲ့
လူ့ဘောင်အဖွဲ့အစည်းအတွက်
တကယ်တမ်း လိုအပ်တာက
လူတော်တွေချည်း မဟုတ်ပါဘူး ..
လူကောင်း တွေလည်း ပိုလိုအပ်ပါတယ် .. ။
ဒီနိုင်ငံက
လူတော်တွေကိုမှ အထင်ကြီးတယ်
လူတော်တွေမှ ဦးစားပေးတယ်
စာတော်ရင် လူတော်ပဲ
ပညာတတ်တာနဲ့ စာတတ်တာ
မကွဲဆုံးနိုင်ငံကလည်း
ဒီနိုင်ငံပဲ ဖြစ်မယ်ထင်တယ် ။
တော်ဖို့ ထက်ဖို့ပဲ အလေးထားပြီး
လူကောင်းဖြစ်အောင်
မပျိုးထောင်နိုင်ကြတော့
လူစိတ်မရှိတဲ့
ပတ်ဝန်းကျင်ကြီးဖြစ်လာတယ် ။
ပိုကောင်းတဲ့ အနာဂတ်အတွက်ဆို
ကလေးတွေကို ပျိုးထောင်တဲ့အခါ
လူတော်ဖြစ်ဖို့ထက်
စာရိတ္တပိုင်း ဆိုတာ ၊ လူ့ကျင့်ဝတ်
ဆိုင်ရာမှာ ကောင်းမွန်တဲ့
လူတစ်ယောက်ဖြစ်လာဖို့အတွက်
ရည်ရွယ်ပြီး ပြုစု‌ပျိုးထောင်
ပေးစေချင်ပါတယ် ။
လက်ဦးဆရာဟာ မိဘပဲမို့
ယုတ်မာဆိုးသွမ်းတဲ့လူတွေကိုမြင်ရင်
အဲဒီလူရဲ့ မိဘတွေကို မမြင်ဖူးသည့်တိုင်
သူ့မိဘတွေက အသုံးမကျလိုက်တာလို့
အလိုလို တွေးမိလာတယ် ။
မြင်နေရတဲ့ တချို့ တချို့တွေဟာ
ထမင်းစားနေကြပေမယ့်
လူစိတ်ပျောက်နေကြပြီကိုး .. ။
လူတော် လူယုတ်မာတွေလည်း
များသထက် များလာကြပြီလေ .. ။
#ဦးအောင်သင်း
#crd_to_owner_with_respect
#စာပေ
#လေးစားစွာဖြင့်crdပေးပါသည်
#ပြန်လည်မျှဝေပေးခြင်းဖြစ်သည်