Christopher Rios (ခရစ်စတိုဖာရီယော့စ်) ကို ၁၉၇၁ ခုနှစ်၊ နိုဝင်ဘာ ၁၀ ရက်နေ့မှာ နယူးယောက်မြို့၊ ဘရွန်းစ်အရပ်မှာ မွေးဖွားခဲ့ပါတယ် သူဟာ ၁၉၉၀ ပြည့်လွန်နှစ်တွေမှာ ရက်ပ်လောကကို ဝင်ရောက်လာခဲ့ပြီး "Fat Joe" လို ရက်ပ်ပါတွေနဲ့ ပူးပေါင်းခဲ့ပါတယ် ၁၉၉၈ ခုနှစ်မှာတော့ သူရဲ့ပထမဆုံး တစ်ကိုယ်တော်အယ်လ်ဘမ်ဖြစ်တဲ့ Capital Punishment ကို ထုတ်ဝေခဲ့ပါတယ်
ဒီအယ်လ်ဘမ်ဟာ အလွန်အောင်မြင်ခဲ့ပြီး ရက်ပ်သမိုင်းမှာ ပထမဆုံး ပလက်တီနမ်ဆုရရှိခဲ့တဲ့ စပိန်နွယ်ဖွားတစ်ကိုယ်တော် ရက်ပ်အဆိုတော်အဖြစ် မှတ်တမ်းဝင်ခဲ့ပါတယ် သူ့ရဲ့ စကားလုံးအသုံးအနှုန်း ပိုင်နိုင်မှုနဲ့ မြန်ဆန်တဲ့ ရက်ပ်စတိုင်ကြောင့် နာမည်ကျော်ကြားခဲ့ပါတယ်
သူ့ရဲ့ခန္ဓာကိုယ်အရွယ်အစားကြောင့် သူ့ကို "ဘစ်ပွန်း" (Big Pun) လို့လည်း ခေါ်ကြပါတယ် အစပိုင်းမှာ သူ့ကိုယ်အလေးချိန်ဟာ ပေါင် ၄၀၀ (၁၈၁ ကီလိုဂရမ်) လောက်ဘဲရှိခဲ့ပေမဲ့ နောက်ပိုင်းမှာ ထိန်းချုပ်လို့မရဘဲ တဖြည်းဖြည်း တိုးလာခဲ့ပါတယ် သူဟာ ကိုယ်အလေးချိန်များပြားလွန်းတာကြောင့် ကျန်းမာရေးပြဿနာတွေဖြစ်တဲ့ နှလုံးရောဂါနဲ့ အသက်ရှူလမ်းကြောင်းဆိုင်ရာ ပြဿနာတွေကို အပြင်းအထန်ခံစားခဲ့ရပါတယ်
သူမကွယ်လွန်မှီအချိန်ထိ သူ့ရဲ့ကိုယ်အလေးချိန်ဟာ အမြင့်ဆုံး ပေါင် ၆၉၈ (၃၁၆.၆ ကီလိုဂရမ်) အထိ ရောက်ရှိခဲ့ပါတယ် ဒီအလေးချိန်ဟာ ကြီးမားတဲ့ စန္ဒရားတစ်လုံး ရဲ့ အလေးချိန်နဲ့ ညီမျှပါတယ်
၂၀၀၀ ပြည့်နှစ်၊ ဖေဖော်ဝါရီ ၇ ရက်နေ့မှာ ဘစ်ပွန်းဟာ သူ့ရဲ့ဇနီးနဲ့ သားသမီးတွေနဲ့အတူ နယူးယောက်မြို့၊ ဝင်ချက်စတာ ဟိုတယ်မှာ တည်းခိုနေစဉ် နှလုံးရောဂါကြောင့် အသက်ရှူရပ်တန့်ပြီး ကွယ်လွန်ခဲ့ပါတယ် သူကွယ်လွန်ချိန်မှာတော့ အသက် ၂၈ နှစ်သာ ရှိပါသေးတယ်
ဘစ်ပွန်းရဲ့ မမျှော်လင့်ဘဲ ဆုံးပါးသွားမှုဟာ ရက်ပ်အသိုင်းအဝိုင်းကို ထိတ်လန့်တုန်လှုပ်စေခဲ့ပါတယ် သူဟာ ရက်ပ်လောကမှာ ခဏတာဘဲ ရှိခဲ့ပေမဲ့ သူ့ရဲ့ ဂီတစွမ်းရည်တွေကြောင့် ဒီနေ့အထိ နာမည်ကျော်ကြားနေဆဲ ဖြစ်ပါတယ်
#knowledge #ဗဟုသုတ #facts #whatthefacts