Golden Jubilee Diamond ကို ၁၉၈၅ ခုနှစ်မှာ တောင်အာဖရိကနိုင်ငံ ပရီမီယာ စိန်တွင်း (Premier Diamond Mine) ကနေ ရှာဖွေတွေ့ရှိခဲ့တာပါ ဒီစိန်ရဲ့ မူလ အသွင်အပြင်ဟာ ကြမ်းတမ်းပြီး အလေးချိန် ၇၅၅.၅ ကာရက်ရှိခဲ့ပါတယ် ဒီစိန်ကို ရှာဖွေတွေ့ရှိချိန်တုန်းက "Unnamed Fancy Yellow-Brown Diamond" လို့ဘဲခေါ်တွင်ခဲ့ပါတယ်
ဒီစိန်ကို ဘယ်လိုဖြတ်တောက်ရမလဲဆိုတာက ကျွမ်းကျင်သူတွေအတွက် ခက်ခဲတဲ့စိန်ခေါ်မှုတစ်ခု ဖြစ်ခဲ့ပါတယ် အထဲမှာ အက်ကြောင်းတွေနဲ့ အကြမ်းထည်အများအပြားပါဝင်တာကြောင့် ပုံမှန်နည်းလမ်းတွေနဲ့ ဖြတ်တောက်ဖို့ မဖြစ်နိုင်ပါဘူး ဒါကြောင့် နာမည်ကျော် စိန်ဖြတ်တောက်သူ ဂါဘရီရယ်လ်လီအော့ဗ် (Gabriel Lief) ဦးဆောင်တဲ့ အဖွဲ့က ပထမဆုံးအကြိမ်အဖြစ် တုန်ခါမှုနဲ့ပတ်သက်တဲ့နည်းပညာ (vibration technology) ကို သုံးပြီး လေဆာဖြင့် ဖြတ်တောက်ခဲ့ပါတယ်
ခက်ခဲတဲ့လုပ်ငန်းစဉ်တွေကို ပြီးဆုံးပြီးနောက် စိန်ဟာ ၅၄၅.၆၇ ကာရက်အထိ လျော့ကျသွားပေမဲ့ ကမ္ဘာ့အကြီးဆုံးဖြတ်တောက်ပြီး သွေးထားတဲ့စိန်ဖြစ်လာခဲ့ပါတယ် အဲဒီနောက်မှာမှ ထိုင်းနိုင်ငံရဲ့ဘုရင်နန်းတက်ခြင်းနှစ် ၅၀ ပြည့် (ရွှေရတု) အထိမ်းအမှတ်အဖြစ် "Golden Jubilee" လို့ အမည်ပေးခဲ့တာပါ
၁၉၉၇ ခုနှစ်မှာ ထိုင်းဘုရင် ဘူမိဘောလ် အဒူလျာဒတ် (Bhumibol Adulyadej) ရဲ့ နန်းတက်ခြင်း ရွှေရတုနှစ်ပတ်လည်အခမ်းအနားမှာ ဒီစိန်ကို ဘုရင်မင်းမြတ်ဆီကို ဆက်သခဲ့ပါတယ် ဒီစိန်ရဲ့ ရွှေညိုရောင်အဆင်းက ထိုင်းနိုင်ငံရဲ့ မြေ ၊ ဂုဏ်သိက္ခာနဲ့ ဘုရင်မင်းမြတ်ရဲ့ စွမ်းအင်ကို ကိုယ်စားပြုတယ်လို့လည်းယူဆကြပါတယ်
ဒီစိန်ဟာ အစပိုင်းမှာ အမေရိကန်ဒေါ်လာ ၄ သန်း ကနေ ၁၂ သန်းကြား တန်ဖိုးရှိမယ်လို့ ခန့်မှန်းခဲ့ကြပါတယ် လက်ရှိမှာတော့ ဒီစိန်ကို ထိုင်းနိုင်ငံရဲ့ တော်ဝင်ရတနာပြတိုက် (Royal Thai Golden Jubilee Museum) မှာ ပြသထားပါတယ်
#knowledge #ဗဟုသုတ #facts #whatthefacts
