◼ ချင်းမိုင်မြို့အနီး ဘတ် ၁၀၀၀ တန်ငွေစက္ကူအတုများ ပျံ့နှံဟုဆို၊ မြန်မာများငွေလွှဲပြောင်းယူချိန် သတိပြုရန်လို
ထိုင်းနိုင်ငံ၊ ချင်းမိုင်မြို့အနီးတဝိုက်တွင် ဘတ် ၁၀၀၀ တန် ငွေစက္ကူအတုများ ပျံ့နှံနေသောကြောင့် မြန်မာများငွေလွှဲပြောင်းယူချိန်တွင် သတိပြုရန်လိုအပ်ကြောင်း ထိုင်းနိုင်ငံ၌အလုပ်သမားအရေး ကူညီဆောင်ရွက်ပေးနေသူများကပြောသည်။
ချင်းမိုင်မြို့အနီးတစ်ဝိုက်တွင် ဘတ် ၁၀၀၀ တန် ငွေစက္ကူအတုများပျံ့နှံ့နေကြောင်း ထိုင်းသတင်း မီဒီယာများတွင်ဖော်ပြထားပြီး ချင်းမိုင်မြို့အနီးတဝိုက် နေထိုင်ကြသည့်မြန်မာများ ငွေကြေးဆုံးရှုံးမှု မဖြစ်စေရန် ကြိုတင်သတိထားသင့်ကြောင်း၊ ငွေအလွှဲအပြောင်းပြုလုပ်ရာတွင် စစ်ဆေးပြီးမှယူဆောင်ရန် အလုပ်သမားရေးကူညီဆောင်ရွက်ပေးနေသူ တစ်ဦးကပြောသည်။
"ထိုင်းနိုင်ငံ၊ ချင်းမိုင်မြို့နဲ့အနီးတစ်ဝိုက်မှာ ဘတ် ၁၀၀၀ တန်ငွေစက္ကူအတုတွေ ပျံ့နှံ့နေတယ် ဆိုတာ ထိုင်းသတင်းဌာနတွေကဖော်ပြနေတာတွေ့ရတယ်။ အဲဒီအနီးမှာနေထိုင်လုပ်ကိုင်းနေတဲ့ ကိုယ့်နိုင်ငံ သားတွေ ငွေကြေးဆုံးရှုံးမှုမရှိအောင် ကျွန်တော်တို့ဘက်ကသတိပေးတဲ့အနေနဲ့ ငွေသားလက်ခံတဲ့ နေရာမှာ စစ်ဆေးပြီးမှလက်ခံကြဖို့သူတို့ကိုအသိပေးထားပါတယ်" ဟု ၎င်းကပြောသည်။
လက်ရှိတွင်ထိုင်းနိုင်ငံရှိဘဏ်များအား ကျားဖြန့်နှိမ်နင်းရန်ဟုဆိုကာ ပိတ်သိမ်းထားပြီးနောက် ငွေအသုံးပြုသူများမှာ QR Code စကန်ဖတ်ခြင်း၊ ဘဏ်သို့ငွေအပ်ခြင်းများမှတစ်ဆင့်ငွေလွှဲခြင်းထက် ငွေသားအားပိုမိုအသုံးပြုလာကြခြင်းကြောင့် မသမာသူများကငွေစက္ကူအတုများဖြန့်ကာ အများပြည်သူအား လှည့်ဖျားခြင်းဖြစ်ကြေင်း ထိုင်းသတင်းမီဒီယာများက ရေးသားဖော်ပြထားသည်။
သတင်း - ပိုင်လေး
#ပြည်တွင်းသတင်း