🐾 ကြောင်လေးများရဲ့ထူးခြားတဲ့မှတ်ဉာဏ်အပိုင်းအခြား
ကြောင်လေးတွေမှာ လူတွေနဲ့ ဆင်တူတဲ့ ရေတိုမှတ်ဉာဏ် နဲ့ ရေရှည်မှတ်ဉာဏ် နှစ်မျိုးစလုံး ရှိပါတယ်။
➡️ ရေတိုမှတ်ဉာဏ်မှာ ကြောင်လေးတွေဟာ သူတို့အတွက် လိုအပ်တဲ့ အရာတွေအချို့ကို ခနတာမှတ်မိနိုင်ပါတယ်။
ဥပမာ- ဘယ်နေရာမှာ အစားအစာဖွက်ထားလဲ၊ ဘယ်နေရာကနေ လှမ်းပြီး ခုန်ချရမလဲ စသဖြင့်ပေါ့။ ဒီမှတ်ဉာဏ်က မိနစ်ပိုင်းကနေ နာရီပိုင်းအထိ ကြာနိုင်ပါတယ်။
➡️ ရေရှည်မှတ်ဉာဏ်ကတော့ သူတို့အတွက် အရေးကြီးတဲ့ အတွေ့အကြုံတွေကို တစ်သက်တာနီးပါး မှတ်မိနေစေတဲ့ မှတ်ဉာဏ်ပါ။
ဒီမှတ်ဉာဏ်က အနံ့၊ အသံနဲ့ ခံစားချက်တွေအပေါ် မူတည်ပြီးအလုပ်လုပ်ပါတယ်။ ဒါကြောင့် သူတို့ရဲ့ ပိုင်ရှင်၊ အိမ်၊ အဖော်တွေအပြင်
သူတို့ဘ၀မှာ ကြုံတွေ့ခဲ့ရတဲ့ ကောင်းတဲ့အရာတွေ ဒါမှမဟုတ် မကောင်းတဲ့အရာတွေကို နှစ်ပေါင်းများစွာအထိ မှတ်မိနေနိုင်ပါတယ်။
ဒါကြောင့် ခနတဖြုတ်ကြင်နာမှုဆိုရင်တောင် သင့်ရဲ့အနံ့၊ သင့်ရဲ့နွေးထွေးမှုဟာ သူတို့လေးတွေမှတ်ဉာဏ်ထဲမှာ တစ်သက်တာရှိသွားနိုင်ပါတယ် 🤍
