အမေရိကန်နဲ့မဟာမိတ်တွေ ပူးတွဲစစ်ရေး လေ့ကျင့်မှု မြောက်ကိုရီးယား သတိပေး

ပြုံးယမ်း၊ စက်တင်ဘာ ၁၄

အမေရိကန်၊ တောင်ကိုရီးယားနဲ့ ဂျပန်တို့ရဲ့ ပူးတွဲစစ်ရေး လေ့ကျင့်မှုအတွက် ဆိုးရွားတဲ့ အကျိုးဆက်တွေရှိလာမယ်လို့ မြောက်ကိုရီးခေါင်းဆောင် ကင်ဂျုံအန်ရဲ့ ညီမဖြစ်သူ ကင်ယိုဂျုံက သတိပေးလိုက်ပါတယ်။

တောင်ကိုရီးယား၊ ဂျပန်နဲ့ အမေရိကန်တို့ဟာ မြောက်ကိုးရီးယားရဲ့ နျူကလီးယားနဲ့ ဒုံးကျည်ခြိမ်းခြောက်မှုတွေကြောင့် လေတပ် ၊ ရေတပ်နဲ့ ဆိုက်ဘာ စစ်ဆင်ရေးစွမ်းရည်တွေ အဆင့်မြှင့်တင်ဖို့ အတွက် စက်တင်ဘာ ၁၅ ရက်မှ စတင်ကာ Freedom Edge နှစ်စဉ် စစ်ရေးလေ့ကျင့်မှု ပြုလုပ်မယ်လို့ တောင်ကိုရီးယား စစ်တပ်က ထုတ်ပြန်ထားပါတယ်။

“ကိုရီးယား ဒီမိုကရက်တစ်ပြည်သူ့သမ္မတနိုင်ငံတဝိုက်မှာ အမေရိကန်၊ ဂျပန်နဲ့ တောင်ကိုရီးယားတို့က မှားယွင်းတဲ့ လုပ်ရပ်တွေအတွက် နောက်ဆက်တွဲအကျိုးဆက်တွေ ကြုံတွေ့ရမယ်” လို့ မြောက်ကိုရီးယားနိုင်ငံပိုင် သတင်းဌာနက ပြောပါတယ်။

မြောက်ကိုရီးယားရဲ့ ခြိမ်းခြောက်မှုတွေကြောင့် လာမယ့် သီတင်းပတ်မှာ "Iron Mace" စစ်ရေးလေ့ကျင့်မှုကို တောင်ကိုရီးယားနဲ့ အမေရိကန်တို့က ပြုလုပ်ဖို့ စီစဉ်ထားကြောင်း တောင်ကိုရီးယား မီဒီယာတွေက ဖော်ပြထားပါတယ်။

ရန်လိုတဲ့ ပြည်ပတပ်ဖွဲ့အတွေအနေနဲ့ တန်ပြန်အရေးယူမှုတွေ ပိုမိုလုပ်ဆောင်မယ်လို့ မြောက်ကိုရီးယားက သတိပေးထားပါတယ်။ အမေရိကန် မဟာမိတ်တွေရဲ့ စစ်ရေလေ့ကျင့်မှုတွေကို မြောက်ကိုရီးယားကတော့ ကျူးကျော်ဖို့ ပြင်ဆင်နေတယ်လို့ စွပ်စွဲထားပြီး အမေရိကန်နဲ့ တောင်ကိုရီးယားတို့ကတော့ ဒါဟာ ကာကွယ်မှုအတွက်သာ ဖြစ်တယ်လို့ ပြောပါတယ်။

လက်ရှိမှာတော့ မြောက်ကိုရီးယားဟာ ရုရှားနဲ့ စစ်ရေးပူးပေါင်းဆောင်ရွက်မှုတွေ မြှင့်တင်နေပြီး မကြာသေးမီကလည်း ဟွာဆောင် -၂၀ တိုက်ချင်းပစ်ဒုံးကျည်အတွက် ဒုံးအင်ဂျင်တခုကို နောက်ဆုံးအဆင့် စမ်းသပ်ခဲ့ပါတယ်။

Ref:Reuters
Photo: Reuters

#သတင်းဟင်းလေးအိုးကြီး