❝အမေရိကန် ကွန်ဆာဗေးတစ် အမျိုးသားရေး တက်ကြွလှုပ်ရှားသူ ချာလီကာ့က် လူပုံအလယ်မှာ ပစ်သတ်ခံရ❞
စက်တင်ဘာ ၁၁
အမေရိကန်ပြည်ထောင်စု၊ ယူတားပြည်နယ်၊ Valley တက္ကသိုလ် Utah Valley University Utah ကျောင်းဝင်းအတွင်းမှာ စက်တင်ဘာလ ၁၀ ရက်နေ့က လူထုဟောပြောပွဲပြုလုပ်နေတဲ့ အသက် ၃၁ နှစ်အရွယ် ကွန်ဆာဗေးတစ် အမျိုးသားရေး တက်ကြွလှုပ်ရှားသူ ချာလီကာ့က်ဟာ လူပုံအလယ်မှာပဲ သေနတ်နဲ့ ပစ်သတ်ခံလိုက်ရတယ်လို့ သိရပါတယ်။
သူဟာ အမေရိကန်သမ္မတ ဒေါ်နယ်ထရမ့်ရဲ့ မဟာမိတ်ဖြစ်သလို အိမ်ဖြူတော်ကို အဝင်အထွက်ရှိသူတစ်ယောက်လည်းဖြစ်ပြီး အကျိုးအမြတ်မယူတဲ့ အဖွဲ့အစည်းတစ်ခုဖြစ်တဲ့ Turning Point USA ကို ပူးတွဲတည်ထောင်သူလည်းဖြစ်ပါတယ်။
ချာလီကာ့ဟာ အမေရိကန် Valley တက္ကသိုလ်မဇာ ကျောင်းသားတွေနဲ့ တွေ့နေတုန်း သေနတ်နဲ့ပစ်ခတ်ခံရလို့ သေဆုံးခဲ့ပြီဖြစ်ကြောင်း သမ္မတထရမ့်က လူမှုကွန်ရက်ကနေ ထုတ်ပြောထားပြီး ဖြစ်စဥ်အတွင်း သံသယရှိတဲ့ အမျိုးသားတစ်ဦးကို အာဏာပိုင်တွေက ထိန်းသိမ်းစစ်ဆေးခဲ့ပေမယ့် စက်တင်ဘာလ ၁၀ ရက်၊ ညနေပိုင်းမှာ ပြန်လွှတ်ပေးခဲ့တယ်လို့ CNN သတင်းဌာနက ဖော်ပြထားပါတယ်။
ယခုလို အကြမ်းဖက်သတ်ဖြတ်မှုနဲ့ပတ်သက်လို့ အမေရိကန်ရဲ့ အဓိက ပါတီကြီးနှစ်ခုစလုံးက ရှုတ်ချမှုတွေ ပြုလုပ်ခဲ့သလို သမ္မတ ဒေါ်နယ်ထရမ့်ပ်ကလည်း “အမေရိကန်ပြည်ထောင်စုအတွက် အမှောင်လွှမ်းသောနေ့”အဖြစ် သုံးသပ်ပြောကြားကာ နိုင်ငံရေးအကြမ်းဖက်မှုတွေကို ဖြိုခွင်းဖို့ ကျယ်ပြန့်တဲ့အစီအစဉ်တစ်ခုကို ကြိုတင်အသိပေးသုံးသပ်ခဲ့တယ်လို့ သိရပါတယ်။
အလားတူ ယူတားပြည်နယ် အုပ်ချုပ်ရေးမှူးကလည်း ကာ့က်ကို သတ်ဖြတ်မှုဟာ နိုင်ငံရေးအကြမ်းဖက်မှုတစ်ရပ်အဖြစ် ပြောဆိုခဲ့ပြီး ဒီဖြစ်စဥ်နဲ့ပတ်သက်လို့ တရားခံအမှန် ဖော်ထုတ်နိုင်ရေးအတွက် ရဲတပ်ဖွဲ့တွေက နယ်မြေအတွင်း ပိုက်စိပ်တိုက်စစ်ဆေးမှုတွေ ပြုလုပ်နေတယ်လို့လည်း သိရပါတယ်။
#centralnewsnaypyitaw
