◾️တောင်ငူ၌စစ်တောင်းမြစ်ရေ စိုးရိမ်ရေမှတ်ကျော်လွန်နေ
စစ်တောင်းမြစ်ရေသည် တောင်ငူမြို့၏စိုးရိမ်ရေမှတ် အထက်သို့ပေဝက်ခန့်ကျော်လွန်နေပြီး ၂၄ နာရီ အတွင်းသုံးလက်မထပ်မံမြင့်တက်လာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ယနေ့(စက်တင်ဘာ ၉ ရက်) နံနက်ပိုင်းအချိန်တိုင်းထွာချက်အရ အသိပေးထုတ်ပြန်ထားသည်။
စစ်တောင်းမြစ်ရေသည်တောင်ငူမြို့တွင် စက်တင်ဘာ ၄ ရက်အထိ စိုးရိမ်ရေမှတ်အထက်တွင်ရှိနေခဲ့ပြီး စက်တင်ဘာ ၅ ရက်မှ ၈ ရက်အထိ စိုးရိမ်ရေမှတ်အောက်သို့ပြန်လည်ရောက်ရှိခဲ့ကြောင်း၊ ယနေ့တွင် စိုးရိမ်ရေမှတ်ကို ပြန်လည်ကျော်လွန်လာခဲ့ခြင်းဖြစ်ကြောင်းသိရသည်။
ထို့ကြောင့်တောင်ငူမြို့နယ်အတွင်းရှိ မြစ်ကမ်းအနီးနှင့်မြေနိမ့်ပိုင်းနေထိုင်သူများ ကြိုတင်သတိပြု နေထိုင်ကြရန်နှင့် မြစ်ရေမြင့်တက်လာပါက အချိန်မီရှောင်ရှားနိုင်ရန် မိုးဇလကအသိပေးထားသည်။
သတင်း - ပိုင်လေး
#ပြည်တွင်းသတင်း
