👉 {လုံးဝအစိမ်းစားလျှင် အန္တရာယ်ဖြစ်နိုင်သော အစားအစာများ}
နေ့စဉ်အလုပ်တာဝန်တွေနဲ့ မအားတာကြောင့် တစ်ကြောင်း၊ ဖြစ်သလိုစားတတ်တာတွေကြောင့် မဖြစ်သင့်တဲ့ရောဂါများ ဖြစ်နေကြတယ်ထင်ပါတယ်။ တချို့ အစားအစာတွေကို ရေဆေးပြီးအစိမ်းစားလို့ ရပေမဲ့ ၊တချို့အောက်ပါ အစားအစာတွေကတော့ ဒီတိုင်းစားလျှင် ကျန်းမာရေးကိုဆိုးရွားစွာထိခိုက်နိုင်ပါတယ်။
အာလူး(POTATO)
အာလူးရဲ့ မချက်ပြုတ်ရသေးတဲ့ ကစီဓာတ်ဟာ အစာအိမ်ပြဿနာများစွာကို ဖြစ်ပေါ်နိုင်ပါတယ်။ အဆိပ်အတောက်ရှိတဲ့ solanine ဓာတ်ပါဝင်မှုလည်း မြင့်မားပါတယ်။နည်းနည်းလေးစားမယ်ဆိုရင်တောင် ခေါင်းကိုက်တာတွေ မအီမသာ ဖြစ်တာတွေ ရှိလာနိုင်ပါတယ်။
ပဲပင်ပေါက်(BEAN SPROUTS)
ပဲပင်ပေါက်ကို လုံးဝအစိမ်းမစားသင့်ပါဘူး။ အသုပ်ထဲမှာ ထည့်စားမယ်ဆိုရင် ရေနွေးဖျော်သင့်ပါတယ်။ ပဲပင်ပေါက်အစိမ်းဟာ salmonella, E. coli လို လူ့ကျန်းမာရေးကို အန္တရယ်ပေးမယ့် ပိုးမွှားတွေ ရှိတဲ့နေရာ ဖြစ်ပါတယ်။ အထူးသဖြင့် ငယ်ရွယ်တဲ့ကလေးတွေ၊ ကိုယ်ဝန်ဆောင် အမျိုးသမီးတွေ၊ သက်ကြီးရွယ်အိုတွေအနေနဲ့ ရှောင်ရှားသင့်ပါတယ်။ ပဲပင်ပေါက်ဝယ်လာတဲ့အခါမှာလည်း သေချာဆေးကြောပြီးမှ ချက်ပြုတ်သင့်ပါတယ်။
ပျားရည်(HONEY)
ပျားရည်အစိမ်းစားတာဟာ လူကြီးတွေအတွက် ကိစ္စမရှိပေမဲ့ အလွန်ငယ်ရွယ်တဲ့ကလေးတွေကို တိုက်ကြွေးတဲ့နေရာမှာ သတိထားသင့်ပါတယ်။ အပူပေး ပိုးသတ်ထားတာမျိုး မဟုတ်တာကြောင့် grayanotoxin လို့ခေါ်တဲ့ ပစ္စည်းတစ်မျိုး ပါဝင်နိုင်ပါတယ်။ ရောဂါကြီး မဖြစ်နိုင်ပေမဲ့ မူးတာမောတာတွေ ရှိလာနိုင်ပါတယ်။
နွားနို့ (MILK)
နွားနို့ကို ပိုးသတ်ဖို့ အပူပေးတဲ့အခါ ၁၆၁ ဒီဂရီဖာရင်ဟိုက်ထိပေးရပါတယ်။ အချိန်ကလည်း အနည်းဆုံး ၁၅ စက္ကန့်လောက် ပေးရပါတယ်။ နွားနို့စိမ်းမှာ ပိုးမွှားပေါင်းများစွာ ခိုအောင်းနေနိုင်ပါတယ်။