ဒီစာအုပ်လေး ဖတ်ပြီးပြီလား။ (book review)
“ပုံပြင်ဆုံးအောင် နားထောင်မှာလား”
ဒီစာအုပ်ကို ဆရာမောင်သာချိုက ရေးတာပါ။ တစ်ရာဖိုး သုံးပုဒ်တွေထက်တော့ အပုံကြီးသာတာပေါ့နော်။ အခုတလော ဆရာမောင်သာချိုရဲ့ စာအုပ်လေးတွေကို သဘောကျပြီး ဖတ်မိတယ်။ ဒီ စာအုပ်လေးက ၂၀၂၄ ဒီဇင်ဘာမှာ ထွက်တာဆိုတော့ သိတ်မကြာသေးဘူးပေါ့။
ထူးခြားချက်လေး ပြောပြဦးမယ်။ တခြားစာအုပ်တွေနဲ့ မတူတာက ဒီစာအုပ်ရဲ့ အကြောင်းလေးပါ။ အချစ်အကြောင်း၊ သည်းထိတ်ရင်ဖို၊ လူသတ်၊ သရဲ၊ သမိုင်း အစရှိတဲ့ အကြောင်းတွေမဟုတ်ဘဲ “storytelling” အကြောင်းကိုရေးထားတာပါ။
မြန်မာစာအုပ်တွေထဲမှာ storytelling, story writing အကြောင်းတွေကို လူထုဒေါ်အမာ၊ လူထုဦးလှတို့ လူထုစာအုပ်တိုက်တွေက လွဲရင် ကျန်တဲ့သူတွေရေးတာ သိတ်မဖတ်ဖူးသေးဘူး။ မြန်မာနိုင်ငံမှာ storytelling ကို စိတ်ဝင်စားတဲ့လူငယ်နဲ့ storyteller အဖွဲ့လေးတွေရှိတာကိုလည်း သဘောကျမိတယ်။ တကယ်လည်း third story က လုပ်နေတဲ့ အစီအစဉ်လေးတွေရှိတယ်။
“storytelling”အကြောင်းကိုမှ ဝတ္ထုတိုနောက်ခံလေးနဲ့ ရေးထားတော့ စိတ်ထဲပိုရောက်တာပေါ့။ ဒီစာအုပ်လေးကို ပုံပြောခြင်း၊ ပုံပြင်စာအုပ်ဖတ်ပြခြင်းဆိုတဲ့ third story က ထုတ်ထားတဲ့ စာအုပ်လေးနဲ့ တွဲဖတ်ရင်တော့ ပနံသင့်တာပေါ့။
