Arowana ( Lucky Fish )
ငယ်ငယ်တုန်းက စားသောက်ဆိုင်အကြီးကြီးတွေ သူဌေးအိမ်တွေမှာ “ငါးမစရ” “မှန်လက်နဲ့မထိရ” ဆိုတဲ့ သတိပေးစာတန်းကြီးနဲ့ အလှမွေးငါးကန်အကြီးကြီးထဲမှာ ခန္ဓာကိုယ်ရှည်ရှည်လျားလျား ဒေါင်လောက်နီးပါးစောင်းနေတဲ့ငါးပါးစပ်နဲ့ အောက်နှုတ်ခမ်းမွေး၂ချောင်းထွက်နေတဲ့ ငါးအကြီးကြီးတစ်ကောင်ထဲ ကူးခက်နေတာကိုရပ်ကြည့်ဖူးတယ်မလား သူတိုရဲ့ခမ်းနားထည်ဝါတဲ့ ငါးခန္ဓာကိုယ်ကြီးနဲ့ ညီညာစွာစီတန်းထားသလိုရှိနေတဲ့ ကြေးခွံတန်းကြီးတွေ ငြိမ်သက်စွာနဲ့အိနြေ္ဒရှိရှိကူးခပ်ပုံတွေ စတာတွေကိုလဲ အလှမွေးငါးဝါသနာဓာတ်ခံရှိတဲ့ကလေးပီပီ သဘောကျနှစ်ခြိုက်မိမှာလဲအမှန်ပဲဖြစ်ပါတယ်
အဲ့ဒီတုန်းက အလှမွေးငါးတွေကဈေးများပြီး ခုချိန်လောက် ပေါပေါများများမတွေ့ရသေးတော့ သူတို့ပြောတဲ့ Lucky Fish ဆိုတာကြီးကို အလှမွေးငါးဆိုင်တွေမှာပဲငေးယူခဲ့ရတဲ့အချိန်တွေကိုပြန်အမှတ်ရမိကြမယ်ထင်ပါတယ်
ဒါတွေကအတိတ်တွေမှာကျန်ခဲ့ပါပြီ ခုချိန်မှာတော့ ဖွံ့ဖြိုးလာတဲ့အလှမွေးငါးဈေးကွက်ကြောင့် ဈေးအများကြီးမတတ်နိုင်တောင် ၁သိန်းအောက်ဆိုရင်ကို တောင်ရှည်တွေ သြဇီတွေကို ပိုင်ဆိုင်နိုင်ပါပြီ
ကဲ ဒီတော့ Lucky Fish တွေကို ပိုင်ဆိုင်ချင်ပေမဲ့ မွေးမြူနည်းကို မသိရှိကြသေးတဲ့ Beginner သမားတွေအတွက် အောက်ပါအချက်အလက်တွေကနေ သင်ယူလေ့လာကြည့်ကြရအောင်လားဗျာ
* မူလဇာတိ = Arowana တွေက အခြား ရေချိုအလှမွေးငါးများစွာတွေ့ရှိရတဲ့ ကမ္ဘာအနှံ့နေရာဒေသတော်တော်များများမှာ မျိုးကွဲများစွာနဲ့တွေ့ရှိနိုင်ပါတယ်
အရှေ့တောင်အာရှ / တောင်အာဖရိက နဲ့ သြစတျေးလျားနိုင်ငံတွေရဲ့ ရေစီးနှေးတဲ့ မြစ်ချောင်းတွေမှာ Arowana တွေကိုမျိုးကွဲများစွာနဲ့တွေ့မြင်နိုင်ပါတယ်
* ရေအမျိုးအစား = သန့်စင်တဲ့ ရေချို အမျိုးအစားကိုနှစ်သက်ကြပါတယ်
* အပူချိန် / ph = Arowana တွေက tropical freshwater fish တွေဖြစ်တဲ့အတွက်ကြောင့် အပူချိန် 75 °F – 82 °F အတွင်းထားရှိပေးသင့်ပါတယ် ph ကတော့ 6.5 – 7.5 အတွင်းထိန်းထားပေးနိုင်ပါက အကောင်းဆုံးအလှပဆုံး ငါးတစ်ကောင်ဖြစ်စေနိုင်ပါတယ်
* အကြီးဆုံးရောက်နိုင်သောဆိုဒ် = Arowana တွေက မျိုးစိတ်ပေါ်မူတည်ပြီး သဘာဝမှာဆိုရင် အရှည် 3′ – 4′ အထိရှည်နိုင်ပါတယ်
ဒါပေမဲ့ ဒီပမာဏဟာ ကန်ကျယ်ကျယ်နဲ့မွေးနိုင်သူများသာရရှိနိုင်မှာပါ
မှန်ကန်နဲ့မွေးမြူသူများကတော့ 2.5′ – 3′ အထိပဲရောက်နိုင်ပါတယ်
* ကန်အရွယ်အစား = Arowana တွေကို စတင်ဝယ်ယူပျိုးထောင်သင့်တဲ့ဆိုဒ်က ၆ လက်မကနေ ၈လက်အတွင်းဖြစ်ပါတယ် ဒီအရွယ်အစားမှာဆိုရင် 40gal – 60gal ( 3’×1.5’×1.5′ – 4’×1.5’×1.5′ )ဆန့်ကန်တွေနဲ့ထိန်းသိမ်းမွေးမြူနိုင်ပြီး အစားအစာနဲ့အပြုအမူကိုလဲ ကိုယ်လိုချင်တဲ့ပုံစံရအောင်ကျင့်နိုင်ပါတယ် အရွယ်ရောက်လာတဲ့ Arowana အတွက် 150gal – 250gal ( 6’×2’×2′ – 8′ × 2.5′ × 2′ )ဆန့်တဲ့ ကန်အရွယ်အစားနဲ့မွေးမြူခြင်းက ကျန်းမာထွားကျိုင်းပြီး ပျော်ရွှင်စေတဲ့ငါးတစ်ကောင်ကိုပိုင်ဆိုင်နိုင်ပါတယ်
* အစားအစာ = Monster အုပ်စုဝင်ငါးဖြစ်တဲ့အတွက် အဓိကအားဖြင့် သားစိမ်းငါးစိမ်း များကိုပိုနှစ်သက်ပါတယ် သဘာဝအတိုင်းဆိုရင်တော့ ဖား ပုဇွန် ငါးအသေးလေးများ မြွေများ အင်းစက်များ ရေစပ်နားရောက်လာတဲ့အခြားယုန်ပေါက်များ စတာတွေကို အမဲလိုက်သတ်ဖြတ်စားသောက်ကြပါတယ် ဒါပေမဲ့လဲ အလှမွေးမှန်ကန်နဲ့မွေးမြူတဲ့အခါမှာတော့ ကျန်းမာရေးထိန်းသိမ်းမှုအနေနဲ့ အစာခြောက်နဲ့သားငါးများကို မျှတစွာကျွေးနိုင်ဖို့လိုအပ်ပါတယ်
*ကျွေးရန်သင့်တော်သော အစာတံဆိပ် = အကောင်းကြိုက်သူများအတွက်ကတော့ အကောင်းဆုံးထဲကတစ်ခုဖြစ်တဲ့ Hikari ကထုတ်တဲ့ Luckyfish food stick များကိုကျွေးနိုင်ပါတယ်
ဒါပေမဲ့ Lucky fish မွေးနိုင်သူများအတွက် ငါးဖိုးအစာဖိုးတတ်နိုင်လို့မွေးမြူတာဖြစ်တဲ့အတွက်ကြောင့် low range mid range သမားများလဲ ဒီအစာကိုပဲကျွေးကြမယ်ထင်ပါတယ်
Silver Arowana တွေကတော့ Horn စာ နဲ့ ငါးခူစာကျွေးသူများလဲရှိနိုင်ပါတယ် ဒါပေမဲ့ အစာကြောင့်ဘယ်လိုအကျိုးသက်ရောက်မှုတွေရှိမလဲဆိုတာတော့မပြောပြတတ်ပါဘူး
အစာချကျွေးတဲ့အခါမှာတော့ အစာသေနဲ့အစာခြောက်များကို sinking typeမဟုတ်တဲ့ Floating type ဖြစ်တဲ့ အစာကိုရွေးချယ်စေချင်ပါတယ် ဒါမှ Eye problem ဖြစ်တဲ့ Drop eye ကိုဖြစ်စေနိုင်ပါတယ်
* အုပ်စုဖွဲ့နေထိုင်မှုရှိမရှိ = Arowana တွေက နယ်မြေလုပြီး ဗိုလ်ကျတတ်တဲ့ သဘောသဘာဝရှိပါတယ် အကောင်အရွယ်စားသေးငယ်တုန်းမှာ ၂ကောင်၃ကောင်မွေးတာ ပြဿနာမရှိပေမဲ့ အရွယ်ရောက်လာတဲ့အချိန်မှာတော့တစ်ကောင်နဲ့တစ်ကောင်တိုက်ခိုက်တတ်ကြပါတယ် ကန်အရွယ်အစားကြီးမားရင်တော့ ၆ကောင်ထက်မနည်းတဲ့ အရေအတွက်နဲ့ မွေးမြူသင့်ပါတယ်
ရန်လိုတဲ့နေရာမှာ Ausi Arowana / Black arowana နဲ့ Asian Arowana တွေက ရန်လိုမှုအများဆုံးလို့တွေ့ရပါတယ်
* Tankmates = Arowana တွေအတွက် tank mate ရွေးချယ်ရင်တော့ သတ်မှတ်ချက်တွေရှိပါတယ် tank mate ရွေးမဲ့အကောင်ဟာ arowana ကစားပစ်နိုင်တဲ့ပမာဏလောက်မသေးရပါဘူး arowana ကိုပြန်တိုက်နိုင်တဲ့ အမြှီးအတောင်တွေဆိတ်နိုင်တဲ့ ငါးအမျိုးအစားလဲမဖြစ်ရပါဘူး
အများစုရွေးချယ်ကြတဲ့ tankmate တွေကတော့ ရေအောက်ကြမ်းပြင်နေငါးတွေဖြစ်တဲ့ sturgeon / freshwater stingray / RTC တွေအပြင် Black ghost knife fish / peacock bass / Angel / oscar / silver dollar / tiger fish etc…… တွေကို ရွေးချယ်နိုင်ပါတယ်
* ထိန်းသိမ်းဂရုစိုက်မှု = အလှမွေးငါးကန်တွေမှာ အမြဲမှန်ကန်တဲ့ သဘောတရားတစ်ခုရှိပါတယ် ဒါကဘာလဲဆိုတော့ အကောင်ကြီးတဲ့ငါးက အညစ်အကြေးစွန့်ထုတ်မှုပိုများလေပဲဖြစ်ပါတယ်
နောက်တစ်ခုက Monster fish တွေက အသားစိမ်းတွေပိုစားလို့ အလွယ်တကူနဲ့ ရေညစ်ညမ်းမှု ပိုဖြစ်စေပါတယ်
ဒီသဘောသက်ရောက်မှုတွေအတိုင်း monster typeဖြစ်တဲ့ Arowana တွေလဲ အညစ်အကြေးပိုများလို့ Power အားကောင်းတဲ့ waterpump နဲ့ စနစ်ကျတဲ့ ရေသန့်စင်မှုစနစ်ကို အသုံးပြုပေးရပါမယ်
ဒီFilter စနစ်တွေသုံးပေးရမဲ့အပြင် အပါတ်စဉ် ရေ 25% – 50% လဲလှယ်ပေးရပါမယ်
* ကန်အပြင်အဆင် = Arowana တွေအတွက် ကန်အပြင်အဆင်ကလဲ သူတို့ကျန်းမာရေးနဲ့လှပမှုအတွက်အလွန်အရေးပါပါတယ်