#ယနေ့ထုတ်သတင်းစာ_နိုင်ငံတကာသတင်း
◼ ကွာ့ဒ်အဖွဲ့ထိပ်သီးဆွေးနွေးပွဲ ဒေါ်နယ်ထရန့် တက်ရောက်မည်မဟုတ်ဟုဆို
အမေရိကန်သမ္မတဒေါ်နယ်ထရန့် သည် အမေရိကန်၊ အိန္ဒိယ၊ ဂျပန်နှင့် ဩစတြေးလျတို့ ပါဝင်သည့် ကွာ့ဒ်နိုင်ငံများ၏ ထိပ်သီး အစည်းအဝေးအတွက် ယခုနှစ်နှောင်းပိုင်းတွင် အိန္ဒိယသို့သွားရောက်ရန် အစီအစဉ်မရှိတော့ကြောင်း သတင်းရင်းမြစ်များကို ကိုးကား၍ နယူးယောက်တိုင်းမ်သတင်းဌာနက ဩဂုတ် ၃၁ ရက်တွင် ပြောသည်။
မေလတွင် အိန္ဒိယနှင့်ပါကစ္စတန်အကြား စစ်ရေးပဋိပက္ခတွင် အပစ်အခတ်ရပ်စဲရေးနှင့် ပတ်သက်၍ ထရန့်နှင့် မိုဒီတို့အကြား တင်းမာမှုများမြင့်တက်ပြီးနောက်တွင် ကွာ့ဒ်အဖွဲ့အစည်းအဝေး ဒေါ်နယ်ထရန့် တက်ရောက်မည်မဟုတ်ကြောင်း သတင်းများ ထွက်ပေါ် လာခြင်းသည်။
ပဋိပက္ခကို ကြားဝင်ဖြေရှင်းခဲ့သည့်အတွက် အိန္ဒိယအနေဖြင့်၎င်းကို ငြိမ်းချမ်းရေး နိုဘယ်ဆုအတွက် အမည်စာရင်းတင်သွင်းသင့် ကြောင်း ဒေါ်နယ်ထရန့်က ပြောဆိုခဲ့သည်။ သို့သော် မိုဒီကမူ အပစ်အခတ်ရပ်စဲရေးတွင် အမေရိကန်ပါဝင်ပတ်သက်မှုမရှိကြောင်း ဆိုသည်။
ရုရှားထံမှ ရေနံစိမ်းနှင့် ရေနံထွက်ကုန်များဝယ်ယူမှုကြောင့် အိန္ဒိယမှ တင်သွင်းသည့်သွင်းကုန်များအပေါ် ထရန့်အစိုးရက အခွန် ၅ဝ ရာခိုင်နှုန်းတိုးကောက်ခဲ့ပြီးနောက် နှစ်နိုင်ငံဆက်ဆံရေး ပိုမိုယိုယွင်းလာသည်။
မိုဒီသည် လက်ရှိတွင်တရုတ်သမ္မတရှီကျင်ပင်းနှင့် ရုရှားသမ္မတ ဗလာဒီမာပူတင်တို့နှင့်အတူ ရှန်ဟိုင်းပူးပေါင်းဆောင်ရွက်ရေး အဖွဲ့၏ ထိပ်သီးအစည်းအဝေးသို့တက်ရောက်နေပြီး ခုနစ်နှစ်အတွင်း ပထမဆုံးအကြိမ်တရုတ်နိုင်ငံသို့ သွားရောက်ခြင်းလည်းဖြစ်သည်။
အင်န်အိတ်ချ်ကေ
