ဘတ် ၂၅၀၀ တည်းနဲ့ လူ ၂ ယောက် ဘန်ကောက်ကနေ Pattaya နဲ့ Koh Larn ကျွန်းကို ဘယ်လိုအလည်သွားမလဲ ... ?
❗️ ဖော်ပြပါခရီးစဥ်သည် လူ ၂ ယောက် budget trip သွားသည့်ပုံစံဖြင့် တွက်ချက်ပြထားခြင်းဖြစ်ပါတယ်။ ❗️
📌 ပထမဆုံး ဘန်ကောက် Ekkamai ကနေ Pattaya ကိုသွားဖို့ ကားလက်မှတ်ဖြတ်ပါမယ်။
၁ ယောက်ကို ၁၃၁ ဘတ်ဖြစ်လို့
၂ ယောက်ဆို ၂၆၂ ဘတ် ကျသင့်မှာပါ။
📌 Pattaya ရောက်တဲ့အခါ ကားဂိတ်ကနေ မိမိတည်းမယ့် Hotel ဆီကို သွားမယ်ဆိုရင် အနီးအ၀ေးပေါ်မူတည်ပြီး ဘတ် ၅၀ ကနေ ၁၀၀ ကြားကုန်ကျနိုင်ပါတယ်။
ဘတ် ၈၀ နဲ့ပဲတွက်ပါမယ်။
📌 Hotel တွေက Agoda App ကနေ ငှားရမ်းမယ်ဆိုရင် တစ်ရက် ဘတ် ၄၀၀ ကနေ သောင်းနဲ့ချီသည်အထိ စျေးက အမျိုးမျိုးရှိပါတယ်။ Budget Trip အနေနဲ့ သွားမှာဖြစ်လို့ ဘတ် ၅၀၀ တန် Hotel ငှားပါမယ်။
Hotel တစ်ညစာ - ဘတ် ၅၀၀
📌 နေ့လည်စာစားမယ်ဆိုရင် လူတစ်ဦး တစ်နပ်စာကို ဘတ် ၅၀ ကနေ ဘတ် ၁၀၀ ကျော်လောက်အထိ ကုန်ကျနိုင်ပါတယ်။
သာမန်စားတာလောက်က ဘတ် ၇၀ လောက်နဲ့အဆင်ပြေပါတယ်။
နေ့လည်စာ ၇၀ + ၇၀ + ၁၀ (ရေ) = ၁၅၀
📌 Pattaya မြို့ထဲ ဟိုနားဒီနားလျောက်လည်တာအတွက် ကားခ ဘတ် ၂၀၀ ကျသင့်ပါမယ်။
(များများလည်ရင် များများကုန်ပါမယ်။ အများကြီးလည်ဖို့ စိတ်ကူးရှိရင် ဆိုင်ကယ်ငှားရမ်းလို့ရပါတယ်)
📌 ညစာစားတာအတွက်ကိုလည်း ၂ ယောက်စာ ဘတ် ၁၅၀ လို့ပဲ အကြမ်းဖျင်းတွက်ကြည့်ပါမယ်။
📌 နောက်တစ်နေ့ မနက်စာကို ဘတ် ၁၅၀ နဲ့ စားပြီး Hotel ကနေ Check Out ထွက်ကာ Koh Larn ကို သွားမယ့် သင်္ဘောဆိပ်ကို ကားငှားပါမယ်။
၁၅၀ (မနက်စာ) + ၇၀ (ကားခ) = ၂၂၀
📌 Koh Larn ကိုသွားဖို့အတွက် Ferry Boat အကြီးစီးခက တစ်ဦးကို ဘတ် ၃၀ ပါ။ ၂ ယောက်ဆို ဘတ် ၆၀ ကျသင့်ပါမယ်။
Koh Larn (အသွား) - ဘတ် ၆၀
📌 Koh Larn ကျွန်းပေါ်မှာ ဆိုင်ကယ်ငှားစီးလို့ရပါတယ်။ တစ်နေ့လုံးငှားမှ ဘတ် ၂၀၀ ပဲ ပေးရတာမလို့ Budget Save ဖြစ်စေမှာပါ။
ဆိုင်ကယ် ငှားရမ်းခ - ဘတ် ၂၀၀
📌 ကျွန်းပေါ်မှာ အစားအသောက်အတွက် 7/11 က ထမင်းကြော်ဘူးတွေ ၀ယ်သွားတာက ပိုပြီးငွေကုန်သက်သာစေပါတယ်။
အစားအသောက် တစ်နပ်စာ (၂ ယောက်) - ဘတ် ၁၅၀
📌 တစ်နေကုန်လည်ပြီးလို့ ညနေ ၅ ခွဲ ၆ နာရီ၀န်းကျင်အချိန် ပြန်လာမယ်ဆိုရင်လည်း သင်္ဘောစီးခက ၂ ယောက်စာ ဘတ် ၆၀ ပဲ ကျသင့်မှာပါ။
📌 သင်္ဘောဆိပ်ကနေ ဘန်ကောက်ကိုပြန်ဖို့ ကားဂိတ်ကိုပြန်မယ်ဆို Bolt ငှားရင် ဘတ် ၁၀၀ အောက်နဲ့ ငှားလို့ရပါတယ်။
ဘတ် ၇၀/၈၀ က ပျမ်းမျှ ကျသင့်စျေးဖြစ်ပါတယ်။
📌 Pattaya to Ekkamai ကို ပြန်တဲ့ ကာခကလည်း ၁၃၁ ဘတ်ပါပဲ။
၂ ယောက်ဖြစ်လို့ ၂၆၂ ဘတ်သာကျသင့်မှာပါ။
ဒါဆို Bangkok > Pattaya > Koh Larn > Pattaya > Bangkok ခရီးစဥ်အစအဆုံး ကုန်ကျစရိတ်ကို တွက်ချက်ကြည့်မယ်ဆိုရင် Budget Trip အနေနဲ့ သွားမယ်ဆိုပါက (နေ၊ စား၊ ငြိမ်း) စုစုပေါင်း ဘတ် ၂၅၀၀ အောက်သာ ကျသင့်မှာဖြစ်ပါတယ်။ 💰
ဒါကြောင့် ဘန်ကောက်ကနေ နီးနီးနားနားကမ်းခြေတစ်ခုခုကို အပန်းဖြေခရီးလည်းသွားချင်တယ် Budget လည်းအရမ်းမသုံးပဲ ချွေတာချင်တယ်ဆိုတဲ့ သူတွေအတွက် Shwe Network ကနေ Pattaya Budget Trip လေးကို လမ်းညွန်ပေးလိုက်ရပါတယ်။
အားလုံးပဲ ခရီးသွားရင်း ပျော်ရွှင်ကြပါစေ။ ❤️
#sawasdeenews
#thailand #crd