🐾 ကိုယ့်ခွေးလေးတွေကို အရမ်းချစ်တဲ့အခါ အလိုလိုက်တတ်ကြပါတယ်။
သူမာန်ဖီတဲ့အခါ ကြောက်ပြတာ၊ ဘာလိုချင်ချင် အလိုလိုက်ဖြည့်ဆည်းပေးတာတွေဟာ အမှန်တော့ ပြဿနာရှိလာနိုင်ပါတယ်။
➡️ သင့်ခွေးက မာန်ဖီတာ ဒါမှမဟုတ် ရန်လိုတဲ့အပြုအမူတွေ လုပ်တဲ့အခါမှာ သင်ကကြောက်ပြတာမျိုးလုပ်ရင် ခွေးလေးတွေက အဲဒီအပြုအမူမျိုးကို အားပေးတယ်လို့ ထင်သွားနိုင်ပါတယ်။
နောက်ပိုင်းတစ်ခုခုအလိုမကျရင် သင့်အပေါ်ကိုတောင် မာန်ဖီတာ၊ ရန်လိုတာတွေ ဖြစ်လာနိုင်ပါတယ်။
➡️ ခွေးလေးတွေက သင့်အပေါ်မှာ ချစ်၊ ကြောက် တဲ့သ‌ဘောထားမျိုး ရှိအောင်သင်ကြားထားပေးရပါမယ်။ ရိုက်နှက်ခိုင်းတာ မဟုတ်ပါ၊ သင့်တော်တဲ့ ဆုံးမမှု၊ ကန့်သတ်မှု၊ စည်းကမ်းတွေ ထားခိုင်းတာပါ။
သူ့ကို အမြဲတမ်းအလိုလိုက်နေမယ်ဆိုရင် သင့်ကိုချစ်ရင်တောင် မကြောက်တဲ့အတွက် သင် သင်ပြတဲ့အမိန့်တွေကို လိုက်နာဖို့ ခက်ခဲလာနိုင်ပါတယ်။
➡️ ဒါ့အပြင်အစိုးရိမ်ရဆုံးအချက်က လူတွေကို ရန်လိုတတ်လာတာပါ။ သင်က စနောက်တဲ့သဘောနဲ့ ကြောက်ပြထားပေမယ့် သူတို့ရဲ့အသိထဲမှာတော့ တခြားလူတွေကလည်း သူ့တို့ကိုကြောက်ကြတယ်လို့ ထင်သွားနိုင်ပါတယ်။
ဒါကနောက်ပိုင်းမှာ သူတို့ကို မထိတဲ့သူတွေ၊ မစနောက်တဲ့သူတွေကိုတောင် ရန်မူတတ်တဲ့အကျင့် ဖြစ်လာစေနိုင်ပါတယ်။
အဲဒီအခါမှာ စိတ်ပူပန်စရာကိစ္စတွေဖြစ်လာနိုင်ပါတယ်။ ဒါကြောင့် ချစ်ခြင်း နဲ့ စည်းကမ်း ကို သပ်သပ်စီ ခွဲထားဖို့လိုပါတယ်။
ချစ်ရတဲ့ တိလေးတွေနဲ့အတူ ပျော်ရွှင်စွာ နေထိုင်နိုင်ကြပါစေခင်မျာ🤍
✨ အခြားတိချစ်သူလေးတွေလဲ သိရအောင် share သွားနိုင်ပါတယ်။