ပုဇွန်ခြောက် ငရုပ်သီးစိမ်းကြော်...။
ဒီဟင်းလေးတခွက်သာချက်ထားလိုက် ဘာနဲ့ပဲတွဲစားစားအလွန်လိုက်ဖက်ပါတယ် 😋
ဟင်းမချက်နိုင်ရင်တောင် ထမင်းဖြူလေးနဲ့နယ်စား အရမ်းစားကောင်းသောအကြော်လေးပါ။
* ငရုပ်သီး 300g (နှစ်ဆယ်သားလောက်)
(အရမ်းမစပ်တဲ့အသီးလေးတွေ သုံးထားပါတယ်)
ငရုပ်သီးကိုကြိတ် (ထောင်းလည်းရပါတယ်)
ဆားလေးနည်းနည်းထည့်ပါ။
အရောင်မဲမသွားအောင် ပုဇွန်ခြောက် လက်တစ်ဆုပ်ကျော်ကျော်ထောင်းထား သို့မဟုတ် ကြိတ်ထားပါ။
နနွင်းထည့် ကြက်သွန်ဖြူ ဆယ်မွှာလောက်ဆီသတ်ပါ။
ရွှေညိုရောင်သန်းပြီး ကြွပ်တဲ့အထိ ကြော်လိုက်ပါတယ်။
ငရုပ်သီးစိမ်း မှာကြက်သွန်ဖြူဆီချက်နံ့လေးလိုချင်လို့ ဒီလိုလေးကြွပ်အောင်ဆီသတ်တာပါ။
ပြီးရင် ကြက်သွန်နီကြီးကြီးနှစ်လုံးလောက် လှီးထည့်ပါ။
ကြက်သွန်တွေနွမ်းအောင် ဆီသတ်ပါရှင့်။
ပြီးရင် ပုဇွန်ခြောက်ထည့်၊ ငပိတဇွန်းထည့်၊
ရေနည်းနည်းထည့်ပါ။
ရေထည့်ပြီးမှ ငရုပ်သီးတွေထည့်ကြော်ပါ။
ကြော်တဲ့အချိန် ငရုပ်သီးအနံ့ လုံးဝမမွှန်တော့ပါဘူး။
ငရုပ်သီးခဏလုံးပေးပြီး ရေထပ်ထည့်ပါ။
ငရုပ်သီးကျက်လောက်တဲ့ရေပမာဏလောက် ထည့်ပါ။
ကြက်သားမှုန့်ထည့်ပါ။
ငရုပ်သီးစိမ်းချက်ရင် ငရုပ်ကောင်းလေး နနည်းထောင်းထည့်ရင် ဗိုက်မနာတော့ပါဘူး။
ငရုပ်ကောင်းနည်းနည်း ထောင်းထည့်ပါ။
ငံပြာရည်လေးနည်းနည်းပေါက်ပေး
ဆီပြန်အောင်ကြော်ပေးပြီးရင် ရပါပြီ....😋
ထမင်းပူပူလေးနဲ့ ဒီငရုပ်သီးစိမ်းကြော်လေးနဲ့ပဲစားရင်တောင် အတော်လေးစားကောင်းပါတယ်ရှင့်....
