အမြင့်ကနေပြုတ်ကျရင်တောင် သင့်ကြောင်လေးက ဘယ်တော့မှကြီးကြီးမားမား မထိခိုက်တာဟာ ဘာကြောင့်ဖြစ်မလဲ❓
- တစ်နေရာကနေ တစ်နေရာကိုခုန်ကူးတာ၊
- မတော်တဆ ပြုတ်ကျတာ၊
- သင့်လက်ကနေ လွတ်ကျတာ
ဒီလိုအခါတွေမှာတောင် ဘာထိခိုက်ဒဏ်ရာမှမရဘူးလို့ထင်ရလောက်တဲ့အထိ ကြောင်လေးတွေရဲ့ခန္ဓာကိုယ်က ခုခံလှုပ်ရှားနိုင်တာကို သင်တွေ့ဖူးမှာပါ။
➡️ ပြုတ်ကျတဲ့အခါ ကြောင်လေးတွေဟာ လေထဲမှာပဲ သူတို့ရဲ့ခန္ဓာကိုယ်အနေအထားကို ပြောင်းလဲနိုင်စွမ်းရှိကြပါတယ်။
ခေါင်းနဲ့ ဦးတည်ပြုတ်ကျရင်တောင် ခြေထောက်လေးဖက်နဲ့ မြေကြီးပေါ်ကိုရောက်အောင် အလိုအလျောက် ပုံစံပြောင်းလဲနိုင်ကြတာမျိုးပါ။
➡️ နောက်တစ်ချက်အနေနဲ့ သူတို့မှာပြောင်းလွယ်၊ ပြင်လွယ်တဲ့အရိုးတွေရှိပါတယ်။
သူတို့ရဲ့အရိုးတွေကပေါ့ပါးပြီး အဆစ်တွေကလည်း ကွေးလွယ်၊ ဆန့်လွယ်ရှိပါတယ်။ ဒါ့ကြောင့် ပြုတ်ကျတဲ့အခါ အရှိန်ကို ထိန်းနိုင်ပြီး မြေကြီးနဲ့ ထိခိုက်မှုဒဏ်ကို လျှော့ချနိုင်ပါတယ်။
➡️ ဒါ့အပြင် ကြောင်လေးတွေရဲ့ ကိုယ်အလေးချိန်က ပေါ့ပြီး ခန္ဓာကိုယ်အပြန့်ဧရိယာက ကျယ်တဲ့အတွက် လေထဲကနေ ပြုတ်ကျတဲ့အခါ လေရဲ့တွန်းအားကို အပြည့်အဝ အသုံးချပြီး အရှိန်ကို လျှော့ချနိုင်ပါတယ်။
ဒါကြောင့် မြေကြီးပေါ်ကိုဖြည်းဖြည်းလေးပဲ ကျရောက်ပြီး ထိခိုက်မှုနည်းပါတယ်။
ဒါတွေက မတော်တဆပြုတ်ကျမှုတွေမှာသာ သူတို့ရဲ့သဘာ၀အရ ကာကွယ်မှုဖြစ်စေတာပါ။
🔺 ရည်ရွယ်ချက်ရှိရှိ အားနဲ့ပစ်ချတာ၊ ကိုင်ပေါက်တာ၊ အရမ်းမြင့်တဲ့နေရာတွေကနေ လွှတ်ချတာမျိုးတွေကတော့ တကယ်ကို အန္တရာယ်ဖြစ်စေနိုင်တာကြောင့် သတိထားစာနာပါ။
