ပထမဆုံးအကြိမ် မြင်တွေ့ရတယ်ဆိုတဲ့ ရွှေရောင်ငါးမန်း
သုတေသီတွေကတော့ ဒီလို ရွှေရောင်ငါးမန်းမျိုး မြင်တွေ့ရတာ ပထမဆုံးပဲလို့ ဆိုကြပါတယ်။ ကော်စတာရီကာနိုင်ငံ ကမ်းလွန်ဘက်မှာ မြင်တွေ့ရတဲ့ ငါးမန်းဟာ ၆ ပေအရှည်ရှိပြီး ရွှေရောင်ကိုယ်လုံး၊ အဖြူရောင်မျက်လုံးတွေ ရှိပါတယ်။ Xanthochromism လို့ ခေါ်တဲ့ အခြေအနေအရ အနီရောင် ရောင်ခြယ်နည်းပါးပြီး အဝါရောင်ရောင်ခြယ် အားကောင်းမှုကြောင့် အခုလို အရောင်မျိုး ဖြစ်နေတာလို့ သိပ္ပံပညာရှင်တွေက ဆိုပါတယ်။
ကော်စတာရီကာနိုင်ငံ တော်တူဂူရိုအမျိုးသားဥယျာဉ်အနီး ရေအောက်အနက် ၃၇ မီတာမှာ တွေ့ရှိခဲ့တဲ့ ရွှေရောင်ငါးမန်းကို ဓာတ်ပုံရိုက်ပြီးနောက် ပြန်လွှတ်ပေးခဲ့ကြပါတယ်။ ပုံမှန်အားဖြင့်တော့ အခုလို အရောင်တောက်နေတာကြောင့် ( သူ့ထက် အင်အားကြီးတဲ့ သတ္တဝါတွေ ကိုက်ဖြတ် စားသောက်ခံရနိုင်ခြေ ပိုများလို့) ရှင်သန်နိုင်ခြေနည်းပါးပေမဲ့ ဒီငါးမန်းဟာ အရွယ်ရောက်ပြီးသား ငါးမန်းတစ်ကောင် ဖြစ်တယ်လို့ သုတေသီတွေက ကောက်ချက်ချကြပါတယ်။
