ချဲလ်ဆီးအတွက်တော့ ကစားသမားအသစ်တွေ ခြေစွမ်းပြကြပြီး လျှပ်စစ်တိုက်စစ် လျှပ်စစ်မိုးကြိုးတွေ ထုတ်သုံးသွားတဲ့ ပွဲပါ
တကယ့်တရားခံက အဖွင့်ဂိုးသွင်းတဲ့ ပါကွေတာပဲ
ဂိုးသွင်းပြီး အောင်ပွဲခံနည်း ၁၀ ခု လုပ်ပြနေတော့ ကမ္ဘာ့ချန်ပီယံ ချဲလ်ဆီးက တင်းပြီးတော့ အကုန်ထုတ်ကန်လိုက်တော့တာပဲ
ဂျာအိုပတ်ဒရိုကလည်း ၁ ဂိုးသွင်း ၂ ဂိုးဖန်တီးနိုင်ပြီးတော့ သွေးပူလေ့ကျင့်ခန်းလုပ်ရင်း ဒဏ်ရာရသွားတဲ့ ပါးမားအစားဝင်ပြီး ပွဲထွက်ခွင့်ရတဲ့ အက်စတာဗိုရဲ့ ဘောလုံးဆွဲယူပြီး ဖန်တီးပေးမှုကလည်း အတော်လေးကောင်းလှပါတယ်
ဒီလက်က ဂိုးသာမသွင်းတာ Hold Up play ကောင်းကောင်း ကစားပြသွားခဲ့ပါတယ်
ချဲလ်ဆီးကတော့ ကော်နာကြီးကနေပဲ ၃ ဂိုးသွင်းပြသွားတာ (အရင်ရာသီကနေ တော်တော်တိုးတက်လာတဲ့ အချက်ပဲ ဖြစ်ပါတယ်)
ဆန်းချက်ကတော့ တော်တော်ကို ညံ့လိုက်တာဗျာ
CWC မှာ လက်စွမ်းခဏပြပြီး ဘုတ်အဖွဲ့ကို ဂိုးသမားအသစ်မခေါ်ဖို့ ဂျင်းထည့်လိုက်ပြီး အခုတော့ သူ့လက်စွမ်းအမှန်တွေ ပြန်ပြနေပါပြီ
ဘယ်ဘက်အခြမ်းကို ကန်သွင်းတဲ့အလုံးကို ညာဘက်လက်နဲ့ ပုတ်ဖို့ ကြိုးစားခဲ့တဲ့ ဆန်းချက်တို့ရဲ့ ဂိုးလမ်းကြောင်း တွက်ဆပုံတွေက တလွှဲတွေပါ
ကွင်းလယ်အတွဲနှစ်ယောက်လုံးဖြစ်တဲ့ ကိုင်စီဒိုကော အန်ဇိုကော ဂိုးသွင်းနိုင်တာ ချဲလ်ဆီးအတွက် အတော်လေး အားတက်စရာဖြစ်စေခဲ့ပါပြီ။