လီဗာပူးလ်အသင်းမှာပဲ ဆက်ရှိသွားမယ်လို့ စီးရီးအေကလပ်အသင်းတွေကို ခီယေဆာ အကြောင်းကြား
လီဗာပူးလ်အသင်းရဲ့ တောင်ပံကစားသမား ခီယေဆာက ဒီနွေရာသီမှာ အသင်းပြောင်းရွှေ့တော့မှာမဟုတ်ဘဲ လီဗာပူးလ်အသင်းမှာပဲ ဆက်ရှိသွားမယ်လို့ စီးရီးအေကလပ်အသင်းတွေကို အကြောင်းကြားခဲ့ကြောင်း သိရပါတယ်။
အီတလီကစားသမား ခီယေဆာ(၂၇ နှစ်)ဟာ ၂၀၂၄ နွေရာသီမှာ ဂျူဗင်တပ်စ်ကနေ လီဗာပူးလ်ကို ပြောင်းရွှေ့ခဲ့သူဖြစ်ပြီး ပြီးခဲ့တဲ့ရာသီက လီဗာပူးလ်အသင်းမှာ ပြိုင်ပွဲစုံ(၁၄)ပွဲသာ ကစားခွင့်ရခဲ့ပါတယ်။
ဒါကြောင့် အပြောင်းအရွှေ့သတင်းများစွာ ထွက်ပေါ်ခဲ့ပြီး စီးရီးအေအသင်းတွေဖြစ်တဲ့ အင်တာမီလန်၊ နာပိုလီနဲ့ ရိုးမားတို့က အီတလီကို ပြန်လည်ခေါ်ယူဖို့ ဆန္ဒရှိနေကြောင်း ဖော်ပြခဲ့ကြပါတယ်။
ဒါပေမဲ့ လူးဝစ်ဒီယက်ဇ် ဘိုင်ယန်မြူးနစ်ကို ပြောင်းရွှေ့သွားတဲ့နောက်မှာ ခီယေဆာက လီဗာပူးလ်မှာပဲ ဆက်ပြီးတိုက်ပွဲဝင်သွားဖို့ ဆုံးဖြတ်ခဲ့ခြင်းဖြစ်ကြောင်း သိရပါတယ်။
ဒါကြောင့် အေးဂျင့်ဖြစ်သူနဲ့အတူ စီးရီးအေကလပ်အသင်းတွေဆီ အကြောင်းကြားခဲ့ခြင်းဖြစ်ကြောင်း သိရပါတယ်။
Photos: Getty Images
