◼ သံတောင်ကြီးဒေသမြေပြိုမှုကြောင့် သေဆုံးသူ ၁၁ ဦးရှိလာ၊ ပြန်လည်ထူထောင်ရေးအခက်တွေ့နိုင်ဟုဆို
ကရင်ပြည်နယ်၊ သံတောင်ကြီးဒေသ၌ ပြီးခဲ့သည့်ရက်ပိုင်းအတွင်း လူ ၁၁ ဦးအထိ သေဆုံးကာ နေအိမ်၊အဆောက်အအုံ၊ လမ်းတံတားများသာမက တောင်ယာစိုက်ခင်းများပါ ပျက်စီးဆုံးရှုံးခဲ့သော မြေပြိုမှုများကြောင့် ပြန်လည်ထူထောင်ရေး အခက်တွေ့နိုင်ကြောင်း ဒေသခံများကပြောသည်။
တောင်ယာတွေ၊စိုက်ခင်းတွေလည်းပျက်၊သီးနှံတွေလည်းပျက်စီးတော့ ဒီနှစ်က အထွက်နည်းမယ်။ တချို့မိသားစုတွေစားဝတ်နေရေးခက်ခဲကြမှာပေါ့။ အိမ်မထိခိုက်ရင်တောင် ဥယျာဉ်ခြံမြေတွေထိခိုက်ကုန် တော့ အခက်အခဲတွေက မ်ားလာမွာဟု သံတောင်ကြီးဒေသခံ ခရစ်ယာန်ဆရာတော် စောတင်အုန်းက စံတော်ချိန်ဒစ်ဂျစ်တယ်သို့ မိန့်ကြားသည်။
လတ်တလောတွင် ဆက်သွယ်ရေးလိုင်းနှင့်လမ်းပန်းဆက်သွယ်ရေးပြတ်တောက်မှုများလည်းရှိနေ၍ မြေပြိုမှုများကြောင့် ထိခိုက်ပျက်စီးဆုံးရှုံးမှု အခြေအနေအသေးစိတ်ကို မသိနိုင်သေးကြောင်း ဆရာတော်က မိန့်သည်။
နှစ်ရက်ဆက်တိုက် မိုးသည်းထန်ပြီးနောက် လက်ရှိတွင် မိုးရွာသွန်းမှုလျော့ကျသွားသော်လည်း သံတောင်ကြီး မြို့နှင့်အနီးတဝိုက် ကျေးရွာများတွင် ပြိုကျပျက်စီးနေသည့် လမ်း၊တံတားများနှင့် နေအိမ်၊အဆောက် အ အုံမ်ားကို ရှင်းလင်းနေရဆဲဖြစ်ကြောင်းသိရသည်။
အခုကေတာ့ ပျက်စီးသွားတဲ့လမ်း၊တံတားတွေ ပြိုကျသွားတာတွေကို အရင်လိုက်ပြင်နေရတယ်။ အိမ် မှာနေလို့မရတော့တဲ့သူတွေကတော့ ဆွေမျိုးနီးစပ်အိမ်တွေမှာပဲလိုက်နေကြတယ်ဟု ဆရာတော် စောတင် အုန်းက မိန့်သည်။
သံတောင်ကြီးဒေသ၌ နှစ်ပေါင်းများစွာအတွင်း ယခုကဲ့သို့ ထိခိုက်ဆုံးရှုံးမှုများသည့် မြေပြိုမှုမျိုး ပထမ ဆုံးအကြိမ်ကြုံရခြင်းဖြစ်ပြီး ဒေသတွင်းအရေးပါသည့် ကျေးရွာချင်းဆက် တံတားမ်ား၊ နှစ်ရှည်ပင် များအပြင် စီးပွားဖြစ်စိုက်ခင်းများပါ ပျက်စီးခဲ့ခြင်းဖြစ်သည်ဟု ဒေသခံတစ်ဦးကပြောသည်။
ဒီဘက်မှာက ဖာလာပင်တွေလည်းစိုက်ကြတာများတယ်၊လာမယ့် စက်တင်ဘာလပိုင်းဆိုရင် ဖာလာတွေ ခူးရေတာ့မွာကို အခုလိုဖြစ်တော့ ဒေသခံတွေအသက်မွေး၀မ်းကျောင်းအတွက်က ပိုပြီးခက်ခဲလာဦးမှာပေါ့" ဟု ဆရာတော်ကပြောသည်။
ကရင်ပြည်နယ်နှင့်ပဲခူးတိုင်းအစပ်ရှိ သံတောင်ကြီးမြို့အနီးတဝိုက်တွင် ဩဂုတ် ၄ ရက်မှစတင်ကာ မိုး သည်းထန်ပြီး ရေတိုက်စားမှုနှင့် မြေပြိုမှုများဖြစ်ခဲ့ရာ ယနေ့အထိ အတည်ပြုနိုင်သည့်အချက်အလက် မ်ားအရ သေဆုံးသူ စုစုပေါင်း ၁၁ဦးအထိရှိနေသည်။
အဆိုပါ ၁၁ ဦးအနက် ကလေးနှစ်ဦးအပါအဝင် တအိမ်တည်းနေ မိသားစုဝင်လေးဦးမှာ နေအိမ်အတွင်း အိပ်ပျော်နေချိန် မြေပြိုမှုကြောင့်သေဆုံးရခြင်းဖြစ်ပြီး တောင်ယာတဲများ၌ အိပ်ပျော်နေချိန်မြေပြို၍ သေဆုံးသူများလည်းပါဝင်ကြောင်းသိရသည်။
သတင်း - စံတော်ချိန်ဒစ်ဂျစ်တယ်
#ပြည်တွင်းသတင်း
