#မရမ်းသီးပုဇွန်ခြောက်ငပိချက်
+++++++++++++++++++++++++++++++
အိမ်မှာ ဒီနေ့ ရေခဲသေတ္တာရှင်းရင်းနဲ့ မရမ်းသီးစိမ်းလေးတွေထွက်လာတယ်။
ဒါနဲ့ပဲ ငပိချက်လေး ချက်ဖို့ စိတ်ကူးရပြီး ချက်ဖြစ်တယ်။
သူများတွေလဲ အလွယ်တကူ ချက်စားလို့ရအောင် ချက်နည်းလေး တင်ပေးလိုက်ပါတယ်နော်
- ကြက်သွန်နီ ၄လုံး
- မရမ်းသီးစိမ်း ၆လုံး
- ခရမ်းချဉ်သီး ၈လုံး
- ပုဇွန်ခြောက် ကိုယ်ထည့်ချင်သလောက်ထည့်ပါ အရမ်းတော့ မများစေနဲ့နော်
အထက်ပါ ဟင်းချက်စရာ အမယ်၄မျိုးကို တစ်မျိုးစီ သတ်သတ်ကြိတ်ထားပါတယ်။
- နံနံပင် ၁စည်း
(ရေဆေးပြီး လိုချင်တဲ့အနေ ပိုင်းဖြတ်ထားပါတယ်။)
-ငရုတ်သီးစိမ်း 5 တောင့်လောက်ရေဆေးပြီး ခြမ်းထားပါ (အစပ်ကြိုက်တက်ရင် ပိုထည့်ပါ)
ချက်မယ့် ဟင်းအိုးထဲကို ဆီသင့်ရုံထည့်ပြီး ဆီကျက်ရင် ကြက်သွန်နီထည့် ဆီသတ်ပါတယ်။ ပြီးရင် ပုဇွန်ခြောက်၊ မရမ်းသီးနဲ့ ခရမ်းချဉ်သီးတွေ အစဉ်အတိုင်းထည့်ပြီး မပြတ်မွှေပေးနေရပါတယ်။ ငရုတ်သီးအရောင်တင်မှုန့် ဟင်းခတ်ဇွန်း ၂ဇွန်းထည့်ပြီး ဆက်မွှေပါတယ်။ (ကြက်သွန်နီ ဆီသတ်တဲ့အချိန်မှာ ထည့်ရင် မွှန်မှာစိုးလို့ နောက်ဆုံးမှ ထည့်တာပါ။) အရသာအတွက် ကြက်သားမှုန့်နဲ့ ငံပြာရည်အနည်းငယ်၊ ငပ်စိမ်းစားလေး ကွမ်းသီးလုံးလောက်လေးရေဖျော်ထည့်ပေးပါ။
ဆီပြန်လာခါနီး အနံလေးမွှေးလာပြီဆိုရင် နံနံပင် ပိုင်းထားတာတွေရယ် ငရုတ်သီးစိမ်းလေးခြမ်းထားတာလေးတွေရယ် ထည့်၊ ရောမွှေပြီး ဆီပြန်လာရင် ရပါပြီ။
