မိုးကျလက်ဖက်ရွက် (ခေါ်) #ဒန့်ကျွဲရွက်???
ဒန့်ကျွဲပင်၏ ရွက်နုများကို ရေနွေးဖြင့်ပြုတ်ပြီး သုပ်စားသည်ကို "မိုးကျလက်ဖက်သုပ်" ဟုလည်းခေါ်ကြသည်။ ဒန့်ကျွဲရွက်အနုများကို ပြုတ်ကာ ပါးပါးလှီးပြီး ဆီချက်၊ ပဲမှုန့်၊ ကြက်သွန်နီ၊ မြေပဲ တို့ထည့်ကာ သုပ်စားခြင်းဖြစ်သည်။ သံပုရာသီးလေးညှစ်ထည့်ပြီး ငရုတ်သီးစိမ်းလေးညှပ်ထည့်လိုက်ပါက အနံ့မွှေးမွှေးလေးနဲ့ဖြစ်ပြီး အရသာကလည်း လက်ဖက်လို မဖန်တော့သောကြောင့် ဗိုက်မနာ၊ ဗိုက်မအောင့်တော့ပေ။
ဒန့်ကျွဲရွက်ကို ပြုတ်စား၊ သုပ်စားခြင်းဖြင့် အောက်ပါအကျိူးကျေးဇူးများပါ ရရှိလာနိုင်ကြောင်းသိရပါသည်။
၁။ အိပ်မပျော်သူများ နှစ်နှစ်ခြိုက်ခြိုက်အိပ်ပျော်စေပါသည်။
၂။ နှလုံးခုန်၊ ရင်တုန်၊ မောပန်းတာကို သက်သာစေပါသည်။
၃။ အဆီကျစေပါသည်။
၄။ ဆီး၊ ဝမ်း မှန်သည်။
၅။ သွေး၊ လေ ခြောက်ခြားခြင်းကို သက်သာစေသည်။
၆။ စိတ်ကြည်လင်စေသည်။
၇။ အားနည်းသောဝေဒနာကို သက်သာစေသည်။
၈။ သွေးတိုးကျစေသည်။
၉။ သည်းချေပျက်တာကို သက်သာစေပါသည်။
အထက်ပါရောဂါများကို ဒန့်ကျွဲရွက် (၃)ခွက် ရေ(၁)ခွက်တင်ကျိူပြီး သကြားလေးနဲ့သောက်ပါက သက်သာပျောက်စေသည်ဟု ဖတ်မှတ်ရဖူးပါသည်။
