◼ အပစ်ရပ်ဆက်ချိုးဖောက်နေပါကပိုမိုပြတ်သားသောတုံ့ပြန်မှုရှိလာနိုင်ကြောင်းကမ္ဘောဒီးယားကိုထိုင်းစစ်တပ်သတိပေး
အငြင်းပွားနေသော နယ်စပ်တစ်လျှောက် နေရာသုံးနေရာ၌ ကမ္ဘောဒီးယားဘက် က ယနေ့တွင် အ ပစ် အ ခတ် ရပ်စဲမှုကို ချိုးဖောက်ခဲ့ကြောင်း ထိုင်းစစ်ဘက် က စွပ်စွဲလိုက်ပြီး ယင်းသို့ ဆက်ဖြစ်နေပါက ၎င်းတို့ဘက်မှ ပို မို ပြတ်သားသော တုံ့ပြန်မှု ထွက်ပေါ်လာစေနိုင်ကြောင်းလည်း သတိ ပေးပြောကြားသည်။
မလေးရှားက ကြားဝင်ညှိနှိုင်းပေးခဲ့ပြီး နှစ်ဖက်စလုံးက သဘောတူညီခဲ့ကာ တနင်္လာည သန်းခေါင်တွင်အ သက် ဝင်ခဲ့သော အပစ်အခတ်ရပ်စဲမှု နှစ်ရက်မပြည့်မီမှာပင် ယင်းစွပ်စွဲချက်များ ထွက်ပေါ်လာခြင်းဖြစ်သည်။
အိမ်နီးချင်းနှစ်နိုင်ငံကြား ဆယ်နှစ်ကျော်ကာလအတွင်း အပြင်းထန်ဆုံးဖြစ်ခဲ့ကာ ငါးရက်ကြာမြင့်ခဲ့ပြီး လူပေါင်း အနည်းဆုံး ၄၃ ဦး သေဆုံ၍၊ အရပ်သား သုံးသိန်းခန့် အိုးအိမ်စွန့်ခွာ ထွက် ပြေး ခဲ့ ရသော တိုက်ခိုက်မှုများအား အဆုံးသတ်ရန် အဆိုပါအပစ်အခတ် ရပ်စဲမှုက ရည်ရွယ်ခဲ့ခြင်း ဖြစ်သည်။
ကမ္ဘောဒီးယားမြောက်ပိုင်းနယ်စပ် ထိုင်းနိုင်ငံအရှေ့မြောက်ပိုင်း ဆီဆာကက်ပြည်နယ် မှ စခန်းများကို ကမ္ဘော ဒီးယားတပ်ဖွဲ့များက ယနေ့ ပစ်ခတ်ခဲ့ကြောင်း ထိုင်းစစ်ဘက် က ပြောကြားသည်။
“ ကမ္ဘောဒီးယားတပ်ဖွဲ့တွေက လက်နက်ငယ်တွေနဲ့ လောင်ချာတွေ အသုံးပြုခဲ့ပါပြီး ထိုင်းဘက်ကလည်း ကိုယ့် ကိုယ်ကိုယ်ကာကွယ်တဲ့ အနေနဲ့ တုံပြန်ခဲ့ပါတယ်” ဟု ထိုင်းစစ်ဘက်ပြောခွင့်ရသူ ဗိုလ်ချုပ် ဝင်းထိုင်းဆူဝါရီ က သ တင်းထောက်များအား ပြောကြားသည်။
“ဒါဟာ သဘောတူညီချက် ရပြီးကတည်းကဆိုရင် ဒုတိယအကြိမ်မြောက်ဖြစ်ပြီး သဘောတူညီချက်တွေကို အလေးမထားဘဲ စစ်ရှိန်လျော့ပါးရေးကြိုးပမ်းမှုတွေကို ဖျက်ဆီးတဲ့ နှစ်နိုင်ငံကြားယုံကြည်မှုလျော့ကျစေတဲ့ အပြု အ မူကို ထင်ဟပ်နေပါတယ်။” ဟု ထိုင်းစစ်ဘက်ပြောရေးဆိုခွင့်ရှိသူ က ဆက်ပြော သည်။
ယင်းစွပ်စွဲချက်များကို ကမ္ဘောဒီးယားက ပယ်ချလိုက်ကာ ၎င်းတို့ဘက်က အပစ်အခတ်ရပ်စဲရေးကို ပိုင်း ဖြတ် ထားပြီး လေ့လာသူများထားရှိရန် တောင်းဆိုခဲ့သည်။
“ အပစ်ရပ်စဲမှု စွပ်စွဲချက်တွေဟာ မှားယွင်းပြီး အထိအခိုက်မခံတဲ့ ယုံကြည်မှုတည်ဆောက်ရေးလုပ်ငန်းစဉ်ကို လမ်းလွဲထိခိုက်စေနိုင်တာကြောင့်က မ္ဘောဒီးယားကအခိုင်အမာပယ်ချပါတယ်။”ဟုကမ္ဘောဒီးယားနိုင်ငံခြားရေးဌာနပြော ရေးဆိုခွင့်ရှိသူချွန်ဆွန်ရီ က သတင်းစာရှင်းလင်းပွဲတစ်ခုတွင် သတင်းထောက်များအား ပြောကြားကာ စောင့် ကြည့်ရေးယန္တရားတစ်ခုနှင့် အမှီအခိုကင်းသောစောင့်ကြည့်မှုကို ကမ္ဘောဒီးယားအစိုးရက ထောက်ခံကြောင်းလည်း ဆက်ပြောသည်။
တပ်ဖွဲ့များ ရွှေ့ပြောင်းမှုကို ရပ်တန့်ရန် သဘောတူထားသည့် အပစ်အခတ်ရပ်စဲမှုသည် ဩဂုတ်‌ ၄ ရက်တွင် ကာ ကွယ်ရေးဝန်ကြီးများ ကမ္ဘောဒီးယားတွင် တွေ့ဆုံရေးအပါအဝင် စစ်ဘက်အဆင့်မြင့်အရာရှိများ အစည်း အ ဝေး များအတွက်ပါ လမ်းခင်းပေးထားသည်။
လက်နက်ကြီးအပြန်အလှန်ပစ်ခတ်မှု သတင်းများ မကြားရသော်လည်း မည်သည့်ဘက်ကမှ တပ်ဖွဲ့များ ပြန်လည် ရုပ်သိမ်းသည့် သတင်းများလည်း မကြားရကြောင်း ရိုက်တာသတင်းက ဖော်ပြသည်။
နှစ်ဖက် အပစ်မရပ်ခဲ့ပါက ၎င်းတို့နှစ်နိုင်ငံနှင့် အခွန်ဆွေးနွေးမှုများ ဆက်လုပ်မည်မဟုတ်ကြောင်း အမေရိ ကန် သမ္မတ ဒေါ်နယ်ထရန့် က အပစ်ရပ်ရေးဆွေးနွေးပွဲ မတိုင်ခင်က သတိပေးပြောကြားခဲ့သည်။
သတင်း-ရဲမင်း
ကိုးကား- Reuters
#နိုင်ငံတကာသတင်း