#ယနေ့ထုတ်သတင်းစာ_နိုင်ငံတကာသတင်း
◼ ပါလက်စတိုင်းကို လွတ်လပ်သည့်နိုင်ငံအဖြစ် မော်လ်တာအသိအမှတ်ပြုမည်
ယခုနှစ် စက်တင်ဘာလတွင် ကျင်းပမည့် ကုလသမဂ္ဂအထွေထွေညီလာခံကာလအတွင်း ပါလက်စတိုင်းကို လွတ်လပ်သည့်နိုင်ငံအဖြစ် အသိ . အမှတ်ပြုရန် မော်လ်တာနိုင်ငံက စီစဉ်ထားကြောင်း ဇူလိုင် ၂၉ ရက် သတင်းများတွင် ရေးသားတင်ပြ ထားသည်။
မော်လ်တာနိုင်ငံအနေဖြင့် ယခုနှစ် ကုလသမဂ္ဂအထွေထွေညီလာခံတွင် ပါလက်စတိုင်း ကို လွတ်လပ်သည့်နိုင်ငံအဖြစ် အသိအမှတ်ပြု ကြေညာမည်ဖြစ်ကြောင်း မော်လ်တာဝန်ကြီးချုပ် ရောဘတ်အဘီလာက အတည်ပြုပြောကြားခဲ့သည်။
ပါလက်စတိုင်းကိုလွတ်လပ်သည့်နိုင်ငံအဖြစ် အသိအမှတ်ပြုရန် ရည်ရွယ်ထားကြောင်း ဗြိတိန် ဝန်ကြီးချုပ်ကီရာစတမ်မာက ကြေညာခဲ့ပြီး နာရီ အနည်းငယ်အကြာမှာပင် မော်လ်တာနိုင်ငံ၏ အလားတူကြေညာချက် ပေါ်ထွက်လာခြင်းဖြစ်သည်။
မော်လ်တာနိုင်ငံနှင့် ဗြိတိန်နိုင်ငံကဲ့သို့ပင် ပြင်သစ်နိုင်ငံကလည်း ပါလက်စတိုင်းကို လွတ်လပ်သည့်နိုင်ငံတစ်နိုင်ငံအဖြစ် အသိအမှတ်ပြုမည်ဖြစ်ကြောင်း သိရသည်။
မြေထဲပင်လယ်ဒေသတွင်တည်ရှိသော ဥရောပနိုင်ငံ တစ်နိုင်ငံဖြစ်သည့် မော်လ်တာနိုင်ငံသည် သမိုင်းကြောင်းအရ ပါလက်စတိုင်း လွတ်လပ်ရေးကို အားပေးထောက်ခံသည့် ဥရောပသမဂ္ဂ အဖွဲ့ဝင် နိုင်ငံတစ်နိုင်ငံဖြစ်သည်။
အိုင်ယာလန်၊ နော်ဝေနှင့် စပိန်နိုင်ငံတို့သည်လည်း ယခုနှစ် မေလအတွင်း ပါလက်စတိုင်းဒေသကို လွတ်လပ်သည့် နိုင်ငံတစ်နိုင်ငံအဖြစ် အသိအမှတ်ပြုခဲ့ပြီးဖြစ်သည်။
ဂါဇာစစ်ပွဲကိုအဆုံးသတ်ရန် အစ္စရေးကို နိုင်ငံတကာက ဖိအားပေးနေချိန်တွင် ပါလက်စတိုင်းကို လွတ်လပ်သည့်နိုင်ငံအဖြစ် အသိအမှတ်ပြုရန် မော်လ်တာနိုင်ငံက စီစဉ်ထားခြင်းဖြစ်သည်။
ရိုက်တာ
