ဖခင်များစွာနဲ့ ကိုယ်ဝန်ဆောင်ခြင်း (Superfecundation)ဆိုတာ ကြောင်မတစ်ကောင်တည်းက မွေးတဲ့ ကြောင်ကလေးတွေဟာ ဖခင်တစ်ဦးတည်းကနေ မဟုတ်ဘဲ ဖခင်အများအပြားဆီကနေ မွေးဖွားလာနိုင်တဲ့ သဘာဝဖြစ်စဉ်တစ်ခုပဲ ဖြစ်ပါတယ် ဒီဖြစ်စဉ်ဟာ ကြောင်လောကမှာ အထူးအဆန်းတော့ မဟုတ်ပါဘူး
ကြောင်မတွေဟာ သူတို့ရဲ့ အပူလှိင်းကာလ (heat cycle) အတွင်းမှာ မိတ်လိုက်ဖို့ အဆင်သင့်ဖြစ်နေတတ်ကြပါတယ် ဒီအချိန်အတောအတွင်းမှာ ကြောင်မတစ်ကောင်ဟာ အထီးတစ်ကောင်တည်းနဲ့ မိတ်လိုက်ရုံသာမကဘဲ အထီးအမျိုးမျိုးနဲ့လည်း မိတ်လိုက်နိုင်ပါတယ်
ကြောင်မရဲ့ မျိုးဥအိမ်ကနေ မျိုးဥတွေ အများအပြား ထွက်လာပြီး အဲဒီမျိုးဥတစ်လုံးချင်းစီဟာ မတူညီတဲ့ အထီးတွေဆီက သုတ်ပိုးတွေနဲ့ ပေါင်းစပ်ပြီး သန္ဓေတည်သွားနိုင်ပါတယ် ဒီလိုဖြစ်တဲ့အခါ မတူညီတဲ့ ဖခင်တွေရဲ့ မျိုးရိုးဗီဇတွေ ပေါင်းစပ်သွားတဲ့အတွက် တစ်ကြိမ်တည်းမွေးတဲ့ ကြောင်ကလေးတွေမှာ ဖခင်တွေ ကွဲပြားသွားတာမျိုး ဖြစ်လာပါတယ်
ဒီလို ဖခင်များစွာနဲ့ ကိုယ်ဝန်ဆောင်ခြင်း (Superfecundation) ကြောင့် မွေးလာတဲ့ ကြောင်ကလေးတွေဟာ တစ်ခါတလေကျရင် သူတို့ရဲ့ အရောင်၊ အရွယ်အစား၊ အမွေးပုံစံ စတာတွေမှာ သိသိသာသာ ကွဲပြားခြားနားနေတတ်ပါတယ် ဥပမာ - ကြောင်မတစ်ကောင်တည်းက မွေးပေမဲ့ အမည်းရောင်ဖြစ်တဲ့ကြောင်ကလေး နဲ့ အဖြူအမည်းကျား ကြောင်ကလေး ဆိုပြီးကွဲပြားတာပါ ဒါဟာ သူတို့ရဲ့ ဇီဝဗေဒဆိုင်ရာ ဖခင်တွေ မတူညီကြလိုဘဲဖြစ်ပါတယ်
ဒီလိုဖြစ်စဉ်ဟာသဘာဝအရ အကျိုးကျေးဇူးတွေ ရှိပါတယ် မတူညီတဲ့ ဖခင်တွေဆီက မျိုးရိုးဗီဇတွေ ပေါင်းစပ်ခြင်းအားဖြင့် မွေးလာတဲ့ ကြောင်ကလေးတွေမှာ မျိုးရိုးဗီဇ ကွဲပြားမှု ပိုမိုများပြားစေပါတယ် မျိုးရိုးဗီဇ ကွဲပြားလေလေ ရောဂါဒဏ်ခံနိုင်ရည် ပိုရှိလေဖြစ်ပြီး ပတ်ဝန်းကျင် အပြောင်းအလဲတွေနဲ့လည်း ပိုမိုလိုက်လျောညီထွေဖြစ်အောင် နေနိုင်လေ ဖြစ်ပါတယ်
နောက်ပြီး ကြောင်မတစ်ကောင်ဟာ အထီးတစ်ကောင်တည်းနဲ့ မိတ်လိုက်လို ကိုယ်ဝန်မရခဲ့ရင်တောင် တခြားအထီးတွေနဲ့ မိတ်လိုက်ထားတာကြောင့် ကိုယ်ဝန်ရဖို့ အခွင့်အလမ်း ပိုများပါတယ် ဒါဟာမျိုးဆက်မပြတ်ဘဲ ဆက်လက်တည်ရှိနေဖို့အတွက် အထောက်အကူပြုပါတယ်
#knowledge #ဗဟုသုတ #facts #whatthefacts
