ပေကျင်းမှာရေကြီး၍ လူ၃၀ကျော်‌ေ-သ၊လူများသောင်းနှင့်ချီ၍ရွှေ့ပြောင်း

တရုတ်နိုင်ငံ မြို့တော်ပေကျင်းနှင့် အိမ်နီးချင်းဒေသတစ်ခုတွင် မိုးကြီး၍ ရေကြီးရေလျှံမှုများဖြစ်ခဲ့ခြင်းကြောင့် လူ ၃၀ ကျော် ‌ေ-သဆုံးခဲ့ကြောင်း နိုင်ငံပိုင်မီဒီယာက ဖော်ပြခဲ့ပြီး မြို့တော်ရှိ လူများကိုသောင်းနှင့်ချီ၍ ရေဘေးလွတ်ရာ ကိုရွှေ့ပြောင်းပေးခဲ့ရကြောင်း သိရသည်။

တနင်္လာနေ့ သန်းခေါင်ယံအချိန်အထိ ပေကျင်း၏ ရေကြီးမှုအဆိုးဝါးဆုံး မီယမ်ခရိုင်တွင် လူ ၂၈ ဦး ‌ေ-သဆုံးခဲ့ကာ ယန်ကင်းခရိုင်တွင် နှစ်ဦး‌ေ-သဆုံးခဲ့သည်ဟု နိုင်ငံပိုင် စီစီတီဗီသတင်းဌာနက ဖော်ပြခဲ့သည်။ ယင်းနှစ်နေရာစလုံးသည် မြို့လယ် နှင့်ဝေးသော အစွန်အဖျားအရပ်များဖြစ်သည်။

ထို့အပြင် အိမ်နီးချင်း ဟူပေပြည်နယ်တွင် တနင်္လာနေ့က မြေပြိုမှုဖြစ်ပွားခဲ့၍ လူလေးဦး ‌ေ-သဆုံးကာ ရှစ်ဦးပျေ-ာက်ဆုံးလျက်ရှိကြောင်း သိရသ်။

ပေကျင်းနှင့် အနီးဝန်းကျင် ပြည်နယ်များတွင် စနေနေ့မှစတင်ခဲ့သော မိုးသည်းထန်မှုသည် တနင်္လာနေ့တိုင်အောင် အရှိန်ကောင်းခဲ့ကာ မြို့တော်၏ မြောက်ပိုင်းခရိုင်များတွင် မိုးရေချိန် ၅၄၃ မီလီမီတာအထိ ရှိခဲ့ကြောင်း ရှင်းဟွာက ဖော်ပြခဲ့သည်။


မိုကြီးခဲ့သော ပေကျင်းတွင် လူဦးရေ ၈၀,၃၂၂ ဦးကို နေရပ်ရွှေ့ပြောင်းပေးခဲ့ရကြောင်း ရှင်းဟွာက ဆိုသည်။ လမ်းများနှင့် ဆက်သွယ်ရေးအခြေခံအဆောက်အဦးများ ပျက်စီးခဲ့ပြီး ကျေးရွာပေါင်း ၁၃၆ ရွာအထိ လျှပ်စစ်ဓာတ်အားပြတ်တောက်ခဲ့သည်။

‌ေ-သကျေထိခိုက်မှုနည်းပါးစေရေးအတွက် ရှာဖွေ ကယ်ဆယ်ရေးလုပ်ငန်းများကို အစွမ်းကုန်ဆောင်ရွက်ကြရန် တနင်္လာနေ့အနှောင်းပိုင်းတွင် သမ္မတရှီကျင့်ဖျင်က အမိန့်ထုတ်ခဲ့သည်။


ပေကျင်းမြို့တွင် တနင်္လာနေ့၌ မိုးရွာသွန်းမှုနှင့် ရေကြီးမှုဆိုင်ရာ အမြင့်ဆုံး သတိပေးချက်ထုတ်ပြန်ထားပြီး ဒေသခံများအနေဖြင့် နေအိမ်များမှ မထွက်ခွာကြရန် အကြံပြုခဲ့သည်။