Taika Waititi က Judge Dredd ရုပ်ရှင်အသစ်ကို ရိုက်ကူးမည်
ဇူလိုင် ၁၉ရက်၊ ၂၀၂၅။
နာမည်ကျော် ဒါရိုက်တာ Taika Waititi ဟာ Judge Dredd ရုပ်ရှင်အသစ်ကို ရိုက်ကူးဖို့အတွက် တာဝန်ယူလိုက်ပြီဖြစ်ကြောင်း The Hollywood Reporter က ဖော်ပြခဲ့ပါတယ်။ ဒီရုပ်ရှင်အတွက် ဇာတ်ညွှန်းကိုတော့ Fall Guy နဲ့ Mission: Impossible – Rogue Nation တို့ကို ရေးသားခဲ့တဲ့ Drew Pearce က တာဝန်ယူသွားမှာ ဖြစ်ပါတယ်။
ဒီရုပ်ရှင်စီမံကိန်းဟာ လက်ရှိမှာ ဟောလိဝုဒ်ရဲ့ စိတ်ဝင်စားမှုအရှိဆုံး project တွေထဲက တစ်ခုဖြစ်နေပြီး စတူဒီယိုတွေက ရိုက်ကူးထုတ်လုပ်ခွင့်ရဖို့ အပြိုင်အဆိုင် ကြိုးပမ်းနေကြတယ်လို့ သိရပါတယ်။
ရုပ်ရှင်ရဲ့ ဇာတ်လမ်းအသေးစိတ်ကို ထုတ်ဖော်ပြောကြားခြင်းမရှိသေးပေမယ့်၊ အရင်ထွက်ရှိခဲ့တဲ့ Judge Dredd ရုပ်ရှင်တွေထက် မူရင်း comic တွေကို ပိုပြီးအခြေခံသွားမှာဖြစ်တယ်လို့ ဆိုပါတယ်။ ဒီရုပ်ရှင်ဟာ comic တွေရဲ့ dark humor ကို ပိုမိုအသားပေးသွားမှာဖြစ်ပြီး၊ နောက်ထပ် Dredd ရုပ်ရှင်တွေနဲ့ တီဗီစီးရီးတွေပါဝင်မယ့် Dredd universe တစ်ခုရဲ့ အစလည်း ဖြစ်လာနိုင်ပါတယ်။
Judge Dredd ဟာ အရင်က ရုပ်ရှင်အနေနဲ့ နှစ်ကြိမ်ထွက်ရှိခဲ့ဖူးပြီး၊ ၁၉၉၅ ခုနှစ်မှာ Sylvester Stallone နဲ့ ၂၀၁၂ ခုနှစ်မှာတော့ Karl Urban တို့က ခေါင်းဆောင်အဖြစ် ပါဝင်သရုပ်ဆောင်ခဲ့ကြတာ ဖြစ်ပါတယ်။