The Legend of Zelda Live-Action ရုပ်ရှင်အတွက် သရုပ်ဆောင်များ ကြေညာ
ဇူလိုင် ၁၆ရက်၊ ၂၀၂၅။
Nintendo နဲ့ Sony တို့ ပူးပေါင်းရိုက်ကူးမယ့် live-action The Legend of Zelda ရုပ်ရှင်အတွက် အဓိကဇာတ်ကောင်တွေဖြစ်တဲ့ Zelda နဲ့ Link နေရာမှာ သရုပ်ဆောင်မယ့်သူတွေကို ကြေညာလိုက်ပြီ ဖြစ်ပါတယ်။
Nintendo ရဲ့ Shigeru Miyamoto က Zelda နေရာမှာ မင်းသမီး Bo Bragason က သရုပ်ဆောင်မှာဖြစ်ပြီး၊ Link နေရာမှာတော့ မင်းသား Benjamin Evan Ainsworth က ပါဝင်သွားမှာဖြစ်ကြောင်း အတည်ပြုကြေညာခဲ့တာ ဖြစ်ပါတယ်။ သရုပ်ဆောင်တွေရဲ့ ဇာတ်ကောင်ဝတ်စုံနဲ့ ပထမဆုံးပုံရိပ်တွေကိုလည်း လူမှုကွန်ရက်ကနေ ချပြခဲ့တာ ဖြစ်ပါတယ်။
Bo Bragason ဟာ BBC ရဲ့ "Three Girls" နဲ့ Disney+ ရဲ့ "Renegade Nell" တို့မှာ ပါဝင်ခဲ့သူဖြစ်ပြီး၊ Benjamin Evan Ainsworth ကတော့ live-action "Pinocchio" မှာ အသံသရုပ်ဆောင်အဖြစ် ပါဝင်ခဲ့ဖူးသူ ဖြစ်ပါတယ်။
ဒီရုပ်ရှင်ကိုတော့ The Maze Runner ရဲ့ ဒါရိုက်တာ Wes Ball က ရိုက်ကူးမှာဖြစ်ပြီး၊ ၂၀၂၇ ခုနှစ် မေလ ၇ ရက်နေ့မှာ ရုံတင်ပြသဖို့ စီစဉ်ထားတာ ဖြစ်ပါတယ်။
Mr.Wilddog ရေးသည်။