🔔ခွေးလေးတွေကို အိမ်တွင်းကုသနည်းနဲ့ ပြုစုရာမှာ သိထားသင့်တဲ့ အရေးကြီးတဲ့အချက်များ
ချစ်စရာခွေးလေးတွေ နေမကောင်းဖြစ်တဲ့အခါ အရေးပေါ်အခြေအနေတွေမှာ "အိမ်တွင်းကုသနည်း" တွေနဲ့ ချက်ချင်းသက်သာအောင် လုပ်ဆောင်ပေးတာက လိုအပ်ပါတယ်။
ဒါပေမယ့်—
⚠️ အိမ်တွင်းကုသနည်းတွေဟာ ယာယီသက်သာရန်သာ ဖြစ်ပြီး၊ အဓိက ရောဂါအရင်းအမြစ်ကို မကုသနိုင်ပါ။
🏥 ဆေးကုသမှုခံယူဖို့ အရေးကြီးတဲ့အကြောင်းရင်း
- လူတွေအတွက် ဘေးကင်းတဲ့ဆေးဝါးတချို့ဟာ ခွေးတွေအတွက် အဆိပ်ဖြစ်နိုင်ပါတယ်။
-ရောဂါလက္ခဏာသက်သာသွားရင်တောင် အတွင်းပိုင်းပြဿနာ (ဥပမာ ကိုယ်တွင်းအင်္ဂါတစ်ခုခုထိခိုက်ပျက်စီးခြင်း) ရှိနေနိုင်ပါတယ်။
➡️ တိရစ္ဆာန်ဆရာဝန်နဲ့ ပြသင့်တဲ့အချိန်
- ၂၄ နာရီအတွင်း မသက်သာတဲ့အခါ၊
- ရုတ်တရက် အစာမစားတဲ့အခါ၊
-တိလေးက ပုံမှန်ထက် အားနည်းလွန်းနေတဲ့အခါ
- သွေးအန်တာ၊ တက်တာ၊ အသက်ရှူကြပ်တာ စတဲ့ အရေးပေါ်လက္ခဏာတွေပြရင် ဆေးခန်းအမြန်ဆုံးသွားပါ။
❤️ အိမ်မှာဂရုစိုက်ရင်း ဆရာဝန်နဲ့ပြသဖို့ မမေ့ပါနဲ့
ခွေးလေးတွေရဲ့ကျန်းမာရေးဟာ သင့်ရဲ့ချစ်ခြင်းမေတ္တာနဲ့အတူ စဉ်းစားချင့်ချိန်ပြီး ဆန်းစစ်တတ်ဖို့လိုအပ်ပါတယ်။
အိမ်တွင်းကုသနည်းတွေက အရေးပေါ်သက်သာစေရန်ပြုစုတဲ့အခါမှာ အရေးပါပေမယ့် နောက်ဆုံးမှာတော့ တိရစ္ဆာန်ဆရာဝန်ရဲ့ အကြံဉာဏ်ကို ယူဖို့ အရမ်းအရေးကြီးပါတယ်။
❗သတိထားရမှာက လူသုံးဆေးဝါးများကို ကိုယ့်သဘောနဲ့ကိုယ် မတိုက်ရန်နှင့် တိုက်ကျွေးမည့် ဆေးဝါးကိုလည်း တိရစ္ဆာန်ဆေးကုဆရာ၀န်ရဲ့ ညွှန်ကြားချက်အရသာ အသုံးပြုပါ။
