သမိုင်းတစ်လျှောက် အဆိုးဆုံး ဝင်ငွေကို ရရှိထားတဲ့ Pixar ရဲ့ရုပ်ရှင်အသစ် Elio
ပြီးခဲ့တဲ့ သောကြာနေ့ ဇွန်လ ၂၀ နေ့မှာ ရုံတင်ပြသခဲ့တဲ့ ဒီရုပ်ရှင်ဟာ အမေရိကန်ပြည်ထောင်စုမှာ ဒေါ်လာ ၂၁ သန်း၊ ကမ္ဘာတစ်ဝှမ်းမှာ စုစုပေါင်း ဒေါ်လာ ၃၅ သန်း ဝင်ငွေရရှိခဲ့ပါတယ်။ ဒါပေမယ့် ဒီရုပ်ရှင်ရဲ့ ထုတ်လုပ်ရေးဘတ်ဂျက်က ဒေါ်လာ ၁၅၀ သန်းဆိုတော့၊ Elio အတွက် အခြေအနေက သိပ်မကောင်းလှပါဘူး။
ဝေဖန်ရေးဆရာတွေရော၊ ပရိသတ်တွေရော ရုပ်ရှင်ကို အပြုသဘောဆောင်တဲ့ တုံ့ပြန်မှုတွေ ပေးနေကြပေမယ့် Disney ရဲ့ Marketing ကြောင့် ဒီရုပ်ရှင်ဟာ အောင်မြင်သင့်သလောက် မအောင်မြင်ဘူးလို့ ယူဆရပါမယ်။
“ပြဿနာက ပရိသတ်တွေဟာ မူရင်းရုပ်ရှင်တွေကို မကြည့်ကြလို့ မဟုတ်ဘူး။ စတူဒီယိုတွေက လူတွေကို ဒီရုပ်ရှင်တွေကြည့်အောင် လုံလောက်အောင် မကြိုးစားကြတာပဲ” လို့ Twitter (X) သုံးစွဲသူတစ်ယောက်က ရေးထားပါတယ်။
ပြောရရင် Studio က ဒီရုပ်ရှင်ကို ထုတ်ဖို့အတွက် Marketing ကို သိပ်မလုပ်ဘူး။ ဒီတော့ ပရိသတ်တွေက ရုပ်ရှင်ထွက်နေမှန်းတောင် မသိကြဘူး၊ ဒါကြောင့် ရုံမှာ မလာကြည့်ကြဘူး၊ အကြောင်းအရင်းကတော့ ဒါပါပဲ။
တကယ်တော့ ဇာတ်လမ်းက မကောင်းဘူးမဟုတ်ဘူး၊ ပုံမှန်မြင်နေကြ ရုပ်ရှင်တွေနဲ့တောင်ကွဲပြားတဲ့ ရုပ်ရှင်တစ်ကားပါပဲ။ လူတွေလာမကြည့်ကြတာက ရုပ်ရှင်ထွက်လို့ ထွက်မှန်းမသိအောင်လုပ်ထားလို့ပဲလို့ မြင်မိပါတယ်။
Elio ဟာ အခုရုံတင်ပြသနေပြီး ရုံဝင်ငွေကတော့ ဆက်တိုက်နည်းနေတုန်းဖြစ်ပါတယ်။
