Game of Thrones ထဲက အကြိုက်ဆုံးဇာတ်ဝင်ခန်းကိုပြောပါဆိုရင် ..
“Battle of the Bastards” လို့ပြောရမှာပါပဲ။
"Battle of the Bastards” ဟာ ဝေဖန်ရေးဆရာတွေဆီက အရမ်းကောင်းတယ်ဆိုပြီး ချီးကျူးမှုရခဲ့တဲ့အပြင် တချို့က “လက်ရာမြောက်တယ်” လို့တောင် ခေါ်ကြတဲ့ အထိပါပဲ။
ဒီအပိုင်းက Series ထဲမှာ အကောင်းဆုံးအပိုင်းတွေထဲက တစ်ခုဖြစ်ခဲ့တဲ့အပြင်၊ TV Series သမိုင်းတစ်လျှောက် အကြီးကျယ်ဆုံး အပိုင်းတွေထဲက တစ်ခုလို့လည်း ချီးကျူးခဲ့ကြပါတယ်။
မြောက်ပိုင်း တိုက်ပွဲတွေက “ကြောက်စရာကောင်ပြီး၊ စိတ်လှုပ်ရှားစရာကောင်းတယ်” လို့ ဝေဖန်သူတွေက ချီးကျူးခဲ့ကြပြီး Jon Snow အဖြစ်သရုပ်ဆောင်တဲ့ Kit Harington ရဲ့ သရုပ်ဆောင်မှုကိုလည်း ချီးကျူးခဲ့ကြပါတယ်။
ဒါ့အပြင် ဒီတိုက်ပွဲကို ရိုက်ကူးဖို့ ၂၅ ရက်ကြာခဲ့ပြီး၊ အပိုသရုပ်ဆောင် ၅၀၀၊ ရိုက်ကူးရေးအဖွဲ့ဝင် ၆၀၀၊ နဲ့ မြင်းအကောင် ၇၀ သုံးခဲ့ပါတယ်။ အမေရိကမှာ ပထမဆုံးထုတ်လွှင့်ချိန်မှာ ဒီအပိုင်းကို လူပေါင်း ၇.၆၆ သန်း ကြည့်ရှုခဲ့ပါတယ်။ ဒီအပိုင်းဟာ Emmy Awards မှာ ဒါရိုက်တာထူးချွန်ဆုနဲ့ ဇာတ်ညွှန်းထူးချွန်ဆုကို ရရှိခဲ့ပြီး၊ Kit Harington ကလည်း ဒီအပိုင်းမှာ သူ့ရဲ့ ဇာတ်ပို့သရုပ်ဆောင်ဆုအတွက် ရွေးချယ်ခံခဲ့ရပါသေးတယ်။
ဒီအပိုင်းဟာ Rickon Stark နဲ့ Ramsay Bolton တို့ရဲ့ နောက်ဆုံးပါဝင်မှုလည်းဖြစ်ခဲ့ပါတယ်။
ဒီအပိုင်းမှာ Rickon Stark ကို Jon စီလွတ်ပြီး Ramsay က အနောက်ကနေ မြှားနဲ့ပစ်တာကို လွတ်အောင်ရှောင်ဖို့ လုပ်ရင်းကနေ Rickon Stark သေဆုံးသွားခဲ့ရပါတယ်။
Rickon သေသွားချိန်မှာ ဒေါသထွက်နေတဲ့ Jon က Ramsay ရဲ့ တပ်ဖွဲ့ကို တစ်ယောက်တည်း ထိုးဖောက်ဝင်ရောက်ပြီး တိုက်ပွဲစခဲ့ပါတယ်။ တိုက်ပွဲမှာ လူပေါင်းများစွာ သေဆုံးပြီး အလောင်းတွေနဲ့ တံတိုင်းတစ်ခုတောင် ဖြစ်လာပါတယ်။
ဒီတံတိုင်းကြောင့် Bolton တပ်ဖွဲ့က Stark တပ်တွေကို ဝိုင်းထားပြီး Smalljon က ထွက်ပြေးလမ်းတွေကို ပိတ်ထားလိုက်ပါတယ်။ Stark တပ်တွေလည်းရှုံးနေပြီး Jon ဟာ လူတွေကြားထဲ ပိနေပြီး အသက်ရှင်ဖို့ ကြိုးစားနေတုန်းမှာ နေရာတစ်နေရာကနေ ခရာသံတစ်ခု ထွက်ပေါ်လာပြီး Littlefinger နဲ့ Sansa တို့ ဦးဆောင်တဲ့ Knights of the Vale တပ်ဖွဲ့ ရောက်လာခဲ့ပါတယ်။ သူတို့က Bolton တပ်ဖွဲ့ကို ချေမှုန်းပြီး Stark တွေကို အောင်ပွဲဆီ ပို့ဆောင်ပေးခဲ့ပါတယ်။
Ramsay ဟာ Winterfell ထဲကို ဆုတ်ခွာပြီး တံခါးတွေကို ပိတ်ဖို့ အမိန့်ပေးပါတယ်။ ဒါပေမယ့် ဧရာမ Wun Wun က တံခါးတွေကို ဖျက်ဆီးပြီး Stark သစ္စာခံတွေက ခံတပ်ကို ဝင်ရောက်သိမ်းပိုက်လိုက်ပါတယ်။ ဒါပေမယ့် Ramsay က Wun Wun ကို မြှားနဲ့မျက်လုံးကိုပစ်ပြီး သတ်လိုက်ပါတယ်။ Jon က Ramsay ကို အနိုင်ယူပြီး ရိုက်နှက်ပေမယ့် Sansa ကို မြင်တဲ့အခါ သတ်ဖို့ရပ်လိုက်ပါတယ်။ Jon က Ramsay ကို အကျဉ်းချထားဖို့ အမိန့်ပေးပြီး Winterfell ဟာ House Stark လက်ထဲ ပြန်ရောက်လာပါတယ်။
နောက်ဆုံးမှာ Ramsay ကို သစ္စာရှိပါတယ်ဆိုတဲ့ ခွေးတွေနဲ့အတူ အကျဥ်းချထားလိုက်ပြီး ခွေးစာကျွေးလိုက်ပါတော့တယ်။