ပိတ်ရက်မှာ ချစ်ရတဲ့ သူတွေနဲ့အတူတူ စားဖို့ #ငါးသံပုရာပေါင်း လုပ်နည်းလေးပါ Save😋😋

ငါးသံပုရာပေါင်း ကို အမျိုးမျိုးလုပ်စားတဲ့နည်းထဲကမှ ဒါကနည်းတမျိုးပါ ။

လုပ်နည်းကတော့ လွယ်ကူပါတယ် လုပ်စားကြည့်နော် ။

အခြားနည်းတွေနဲ့လဲ အရမ်းတော့ သိပ်မကွာပါဘူးည။ ဒါပေမယ့် ပိုလွယ်လို့.. လုပ်စားကြည့်နော်။

ပါ၀င်သောပစ္စည်းများ

၁။ ကကတစ်ငါး (သို့) စလားဗီးယားငါး ၁ ကောင်

၂။ ကြက်သွန်ဖြူ ၃ မွှာ

၃။ ငရုတ်သီးစိမ်း ၃ တောင့်

၄။ ကြက်သွန်မြိတ် ၂ ပင်

၅။ နံနံပင် ၅ ပင်

၆။ ဂျင်း လက်တဆစ်

၇။ ပဲငံပြာရည် ထမင်းစားဇွန်း ၁ ဇွန်း ခွဲ

၈။ သကြား (သို့) အချိုမှုန့်-
လက်ဖက်ရည်ဇွန်း တ ၀ကျ

၉။ ကြက်သားမှုန့်- ထမင်းစားဇွန်း ၁ ဇွန်း

၁၀။ သံပုရာသီး ၁ ခြမ်း

၁၁။ ရေ ၁ ခွက်

( ၁ ခွက် = 240ml = ရိုးရိုးကော်ဖီခွက် = ထမင်းစားဇွန်း16ဇွန်း) ( ထမင်းစားဇွန်း = 1 tablespoon = 15 ml) (လက်ဖက်ရည်ဇွန်း = 1 teaspoon = 5 ml)

ပြုလုပ်နည်း

၁။ ငါးကို သန့်စင်ထားပါ ။ ဂျင်းကို ထောင်းထားပါ ။ ကြက်သွန်ဖြူကို ပါးပါးလှီးထားပါ

ငရုတ်သီးကို အသေးလေးတွေလှီးထားပါ

ကြက်သွန်မြိတ်နှင့် နံနံပင်ကို နှုတ်နှုတ်ဆင်းထားပါ ။

၂။ သန့်စင်ထားသော ငါးပေါ်ကို ထောင်းထားသော ဂျင်းမှအ၇ည်များညှစ်ချပါ ။ ပြီးလျှင် မိနစ် ၂၀ ခန့်ပေါင်းပါ ။

ပေါင်းပြီး ငါးမှထွက်လာသော အ၇ည်များကို သွန်ပစ်ပါ ။
(အညှီနံ့များပါသွားပါလိမ့်မည်။)

၃။ ပေါင်းထားသော ငါးပေါ်ကို ကြက်သွန်မြိတ်နှင့် နံနံပင်များ အုပ်ထားပါ ။

၄။ ဒယ်အိုးတစ်ခုထဲတွင် ရေထည့် ၊ သကြား(သို့) အချိုမှုန့် ပဲငံပြာရည် တို့ကို ထည့်၍ ဆူလာအောင်တည်ပါ။

ဆူလာလျှင် ကြက်သွန်ဖြူ နှင့် ငရုတ်သီးကို ထည့်ပြီ ငရုတ်သီး အနံ့မွှေးလာသည်အထိတည်ပါ ။

ငရုတ်သီး အနံ့မွှေးလာလျှင် မီးဖိုကို ပိတ်ရ်ျ သံပုရာရည်ကို ညှစ်ထည့်ပါ ။ (ချဉ်မချဉ်ကြည့်ပြီး သံပုရာရည်လိုသလောက်ထပ်ထည့်ပါ။)

၅။ ပြုလုပ်ထားသော အ၇ည်ကို ပေါင်းထားသော ငါးပေါ်ကို ဆမ်းပါ ။

၆။ အရသာရှိရှိ ငါးသံပုရာပေါင်းကို သုံးဆောင်နိုင်ပါပြီ ။