~~~~~~~~~~~~
ကြက်ချဥ်စပ် ချက်နည်းလေး မျှဝေပေးမယ်နော်
ပါဝင်ပစ္စည်းတွေကတော့
ကြက်သား
ကွကျဥ
ကြက်သွန်ဖြူနီ ဂျင်း
ကိုင်းခရမ်းချဥ်သီး
ငရုတ်သီးစိမ်း
ငရုတ်အကြမ်းဖက်မှုန့်
ကော်မှုန့် နဲ့
ရှောက်သီး တို့ပဲ ဖြစ်ပါတယ်
ကြက်သားကို အသားသီးသန့် အဖတ်လေး (သို့) ခပ်ရှည်ရှည်လေးတွေ ကိုယ်ကြိုက်သလိုပုံစံ ပါးပါးလေးတွေ လှီးပီး ဆေးကျောသန့်စင်ထားပါ။
ကြက်ဥနှစ်လုံး (သို့) တလုံး
ဆားအရသာမှုန့်အနည်းငယ်
ဂျင်းကြက်သွန်ဖြူထောင်းထားတာနဲ့
ကော်မှုန့် လက်ဖက်ရည်ဇွန်းတဝက်ခန့်ကို သန့်စင်ထားတဲ့ ကြက်သားနဲ့ ရောနယ်ပါမယ်။
ဒယ်အိုးထဲ ဆီခပ်များများထည့်ပီး ဆီပူလာရင် နယ်ထားတဲ့ကြက်သားတွေ ထည့်ပြီး ခပ်ဖွဖွမွှေကြော်ပေးပါ။
ကြက်သားပါးပါးလေးတွေမို့ အကြာကြီးကြော်ဖို့မလိုပါဘူး ၅မိနစ်လောက်ဆို ဆယ်ယူလို့ရပါပြီနော်။
ဆယ်ထားတဲ့ကြက်သားတွေကို ဆီစစ်ပေးထားပါ။
ဒယ်အိုးထဲကဆီကို တဝက်လောက်ပြန်နူတ်ယူပြီး ကျန်တဲ့ဆီထဲကို ငရုတ်သီးစိမ်း ငရုတ်ကြမ်းဖက်နဲ့ ငပိစိမ်းစားအနည်းငယ်ထောင်းထားတာလေးထည့်ပြီး ဆီသပ်ပါမယ်။
အနံလေးမွေးလာရင်တော့ ကိုင်းခရမ်းချဥ်သီး ၃လုံးလောက် လှီးထည့်ပါ။
ခရမ်းချဥ်သီးတွေကြေပီဆိုရင် ကြက်သွန်နီလှီးထားတာလေးထည့်ပါ ပီးရင်တော့ ဆီစစ်ထားတဲ့ကြက်သားတွေထည့်မွှေလို့ရပါပြီ။
ခပ်ဖွဖွလေးမွှေပေးပါနော်။
နှံ့စပ်အောင်မွှေပီးရင် ငံပြာရည်တဇွန်း
ငရုတ်ဆုံကျင်းထားတဲ့ ရေနည်းနည်းကိုထည့်ပီးရင်
ငရုတ်သီးစိမ်းလေးတွေချိုးထည့်ပီး ရေခမ်းအောင် ခဏ ဖုံးအုပ်ထားပေးပါ။
အခုနောက်ဆုံးမှာတော့ ရှောက်သီးတလုံးရဲ့ ၃ပုံ တပုံခန့်ကို အရည်ညှစ်ထည့်ပေးပါ။
ပီးရင် လက်ဖက်ရည်ဇွန်းနှစ်ဇွန်းခန့် ဖျော်ထားတဲ့ကော်ရည်လေးတွေကိုထည့်မွှေပါ။
ဟင်းခတ်ရွက်အနည်းငယ်လှီးထည့်ပီးရင်တော့ အိုးချလို့ရပါပြီ။
ဒါဆိုရင်တော့ အရသာ ချဥ်ငံစပ် ခပ်ကဲကဲလေးနဲ့
ဆိုင်မှာ ဝယ်စားရတဲ့ ရောင်းတန်းဝင်အရသာနဲ့ ကြက်ချဥ်စပ်ဟင်းကောင်းလေးတခွက် ရပါပြီ။
ထမင်းစားမြိန်ကြပါစေနော် 😋😋😋
