သိပ္ပံပညာရှင်တွေပြောတဲ့ ကမ္ဘာကြီးရဲ့ ကံကြမ္မာ
================================
လူတွေဟာ မကောင်းတာတွေကို ကြိုတင်ကာကွယ်ဖို့ ဖြစ်စေ၊ ပိုကောင်းတာတွေ ဖြစ်လာဖို့ ကြိုတင်ပြင်ဆင်နိုင်အောင်ဖြစ်စေ နောင်တချိန် ကိုယ်ဘာဖြစ်မယ်ဆိုတာကို ကြိုသိချင်ကြပါတယ်။ သိပ္ပံပညာရှင်တွေဟာလည်း လူသားတွေနေတဲ့ ကမ္ဘာကြီးနဲ့ ဒီစကြဝဠာကြီးရဲ့ အနာဂတ်ကို ကြိုတင်တွက်ချက်မှန်းဆထားချက်တွေ ရှိပါတယ်။ ဒါကတော့ သူတို့ရဲ့ အာကာသကိုလေ့လာမှုတွေ၊ သီအိုရီတွေ၊ ခိုင်မာတဲ့ စာတမ်းတွေနဲ့ သက်သေပြထားချက်တွေအရ နောင်ကြုံရမယ့် ကြီးကြီးမားမား ဖြစ်စဉ်တွေကို မှတ်တမ်းတင်ထားချက်ပါ။
ကမ္ဘာ့ ဒုတိယအကြီးဆုံး Niagara ရေတံခွန်ဟာ နှစ်ပေါင်း ၂၇၀၀၀ အကြာမှာပျောက်ကွယ် သွားမှာ ဖြစ်ပါတယ်။
နှစ် ၇၅၀၀၀ ကနေ တသိန်း အတွင်း ဟာဝိုင်အီ ကျွန်းသစ် ရေအောက်ကနေ ပေါ်ပေါက်လာပြီး ပထဝီဆိုင်ရာ အပြောင်းအလဲ ဖြစ်ပေါ်လာမှာ ဖြစ်ပါတယ်။
နှစ်ပေါင်း ငါးသိန်းအကြာမှာ ၁ ကီလိုမီတာ အကျယ်ရှိတဲ့ ဥက္ကာခဲဟာ
ကမ္ဘာမြေကို ဝင်တိုက်ပါလိမ့်မယ်။
နှစ် သန်းပေါင်း ၂၀၀ လောက်မှာ ကမ္ဘာလည်ပတ်နှုန်း နှေးလာတာကြောင့် တရက် ၂၅ နာရီ ဖြစ်သွားပါလိမ့်မယ် (အပြည့်အစုံကို ပို့စ် တခု သပ်သပ်တင်ပေးထားပါတယ်။ ဒီလင့်မှာ ဖတ်ပါ https://www.facebook.com/share..../p/16a73vvd4T/?mibex
နှစ် သန်း ၈၀၀ အကြာ နေရဲ့ အလွန်ပူပြင်းစွာ တောက်လောင်မှုဒဏ်ကြောင့် ကမ္ဘာပေါ်က လူအပါအဝင် ယူကာရားသက်ရှိတွေ ပျက်သုဉ်းသွားပါလိမ့်မယ်။ ဘက်တီးရီးယား တို့ရဲ့ ပရိုကားရားအုပ်စုပဲ ကျန်ပါမယ်။ (သက်ရှိအကြောင်း အပြည့်အစုံဖတ်ချင်ရင်၊ ဘယ်သက်ရှိကို ပြောတာလဲ သိချင်ရင် ပို့စ်တင်ပေးထားတာ ရှိပါတယ်။ ဒီမှာဖတ်ပါ https://www.facebook.com/share..../p/193VUB9XHi/?mibex
နှစ်ပေါင်း ၅ ဘီလီယံ အရောက်မှာ Milky way နဲ့ Andromeda ဂလက်ဆီ နှစ်ခုပေါင်းပြီး Milkdromeda Galaxy အဖြစ် ပေါ်ပေါက်လာပါမယ်။ (https://www.facebook.com/share..../p/16CymkBWLX/?mibex )
နှစ်ပေါင်း ၇ ဘီလီယံဆိုရင်တော့ နေရဲ့ Hydrogen လောင်စာ လုံးဝ ကုန်ဆုံးပြီး Red Giant တခုဖြစ်ပေါ်လာကာ ကမ္ဘာကိုပါ ဝါးမြိုနိုင်ချေ ရှိပါတယ် ။
နှစ်ပေါင်း ၁၀၀ ထရီလီယံ အရောက်မှာတော့ Galaxy တွေမှာ Gas တွေ ကုန်ဆုံးသွားတာကြောင့် ကြယ်အသစ်တွေ နောက်ထပ်မွေးဖွားနိုင်မှာ မဟုတ်တော့ပါဘူး။
နှစ်ပေါင်း ၁ နာနိုလီယံရောက်ပြီဆိုရင် super massive Black Holes ဆိုတဲ့ မဟာတွင်းနက်ကြီးတွေကလွဲရင် စကြဝဠာကြီးမှာ ဘာမှ မရှိတော့ပါဘူး။
ဒီလိုကနေ နောင် အချိန်အတိုင်းအတာတခု ရောက်ပြီဆိုရင် အထီးကျန် စကြဝဠာကြီး သေဆုံးပြီးတဲ့အခါ Big Bang မဟာပေါက်ကွဲမှုအဖြစ်နဲ့ နောင်တဖန် အစက ပြန်လည်မွေးဖွားလာမှာ ဖြစ်ပါတယ်။