ဒီနေ့မနက် ပုဇွန်ဆပ်ထုပ် ပိန်းဥ
ဟင်း ခရုဆီကန်ဇွန်းရွက်ကြော်
ပုဇွန်ဆပ်ထုပ် ၂၀၀၀ ကျပ်ဖိုးကိုသန့်စင်ရေဆေးပြီးတဝက်ကိုဆားနနွင်းအချိုမှုန့်နယ်ပြီးကျန်တဝက်ကိုရေခဲခန်းမှာဘူးနှင့်ရေထည့်ပြီးထားပါတယ်
ပိန်းကြက်ဥ ၂၅ ကျပ်သား ၁၀၀၀ ကျပ်ဖိုးကိုရေဆေးပြီးရေမြုပ်အောင်
ထည့်ကာအကျက်ပြုတ်ပြီးအခွံသင်ထားပါ
အိုးတလုံးမှာဆီသင့်ရုံထည့်ပြီးကြက်သွန်နီ ၃ လုံးကိုအခွံသင်ရေဆေးပြီးစင်းလှီးကာနွှမ်းလာအောင်ဆီသပ်ပါ
နွှမ်းရင်နနွင်းမှုန့်ငရုတ်သီးအစိမ်းမှုန့်ထည့်ပြီးမွှေပေးပါ
ရေနဲနဲချင်းထည့်၍အနှစ်ကျအောင်ဆီသပ်ပါ ငပိစိမ်းစား
နဲနဲထည့်ပါ မွှေပေးပါ မန်ကျည်းနှစ်ရည်ဖျော်ထားတာထည့်ပါ ရွှေလှေငံပြာရည်
နဲနဲအချိုမှုန့်နဲနဲထပ်ထည့်ပြီးမွှေပေးပါ နယ်ထားသည့်ပုဇွန်ကို
ထည့်ပါ ပိန်းဥပြုတ်ပြီးအခွံသင်ထားတာထည့်ပါ
ဆူအောင်တည်ထားပြီးရေခမ်းကာနီးရင်အရသာမြည်းကြည့်ပါ အနေတော်ဆိုရင်ကုလားလေးမဆလာကိုဖြူးပြီးထည့်ပါ
ပုဇွန်ဆပ်ထုပ်ပိန်းဥဟင်းရပါပြီ
တရုတ်ကန်စွန်းရွက်ကိုချွေပြီးရေဆေးကာရေစစ်ထားပါ
ဒယ်အိုးတခုမှာဆီသင့်ရုံထည့်
ပြီးအပူပေးကာကြက်သွန်ဖြူ ထောင်းထားတာထည့်ပြီးအနံ့မွှေးအောင်ဆီသပ်ပါ ကန်စွန်း
ရွက်ထည့်ပါမွှေပေးပါ ခရုဆီ
ပဲငံပြာရည်အကြည် အချိုမှုန့်
နဲနဲထည့်ပါ မွှေပေးပါ ကန်စွန်းရွက်နွှမ်းရင်အရသာမြည်း
ကြည့်ပါ အနေတော်ဆိုရင်
ခရုဆီကန်စွန်းရွက်ကြော်ရပါပြီ
ပိန်းကြက်ဥကစီးစီးလေးမို့စားလို့အလွန်ကောင်းပါတယ်
စားကောင်းကြပါစေ
