#ယနေ့ထုတ်သတင်းစာ_နိုင်ငံတကာသတင်း
◼ အိန္ဒိယမြောက်ပိုင်း၌ ရဟတ်ယာဉ်ပျက်ကျ
အိန္ဒိယနိုင်ငံမြောက်ပိုင်း ဥတ္တရာခန်းပြည်နယ်၌ ဇွန် ၁၅ ရက်က ရဟတ်ယာဉ်တစ်စင်း ပျက်ကျခဲ့ရာရဟတ်ယာဉ်မှူးအပါအဝင် လိုက်ပါသွားသူ ခုနစ်ဦးစလုံး သေဆုံးခဲ့ရကြောင်း သိရသည်။
ဟိန္ဒူဘုရားဖူးခရီးသည်များ လိုက်ပါသွားသော ယင်းရဟတ်ယာဉ်သည် စတင်ပျံတက်ခဲ့ပြီး ၁ဝ မိနစ်ခန့်အကြာတွင် ဂေါ်ရီခန်းအမည်ရှိခရိုင်တစ်ခု၌ ပျက်ကျခဲ့ခြင်းဖြစ်ကြောင်း ဥတ္တရာခန်းပြည်နယ် တာဝန်ရှိသူများက ထုတ်ဖော်ပြောကြားထားသည်။
ရဟတ်ယာဉ်အပျက်အစီးများကို ဒေသခံများက ရှာဖွေတွေ့ရှိထား ပြီး အာဏာပိုင်များကို အသိပေးအကြောင်းကြားထားကြောင်း သိရသည်။
လက်ရှိအချိန်တွင် ပြည်နယ်တာဝန်ရှိသူများက ရဟတ်ယာဉ်ပျက် ကျရာနေရာသို့ ရှာဖွေကယ်ဆယ်ရေးသမားများ စေလွှတ်ထားပြီး ရဟတ်ယာဉ်ပျက်ကျမှု စုံစမ်းစစ်ဆေးရေးအဖွဲ့တစ်ဖွဲ့ကိုပါ စေလွှတ်ထားသည်။
၎င်းရဟတ်ယာဉ်သည် ရာသီဥတုဆိုးရွားမှုကြောင့် ပျက်ကျခဲ့ရခြင်းဖြစ်နိုင်ကြောင်း ဥတ္တရာခန်းပြည်နယ် တာဝန်ရှိသူများက သုံးသပ်ထားသည်။
ဟိန္ဒူဘာသာရေးအထွတ်အမြတ် နယ်မြေအများအပြားတည်ရှိရာ ဥတ္တရာခန်းပြည်နယ်သည်ဟိန္ဒူဘုရားဖူး ခရီးသည်များလာရောက်မှု များပြားသည့်ပြည်နယ်ဖြစ်သည်။
အိန္ဒိယတောင်ပိုင်း အမီဒါဘတ်မြို့၌ ဇွန် ၁၂ ရက်က အဲအင်ဒီး ယားလေကြောင်းလိုင်းပိုင် ခရီးသည်လေယာဉ်တစ်စင်းပျက်ကျမှုကြောင့် လူပေါင်း ၂၇ဝ သေဆုံးခဲ့ရပြီး ရက်ပိုင်းအကြာမှာပင် အိန္ဒိယမြောက်ပိုင်း၌ ရဟတ်ယာဉ်ပျက်ကျမှုကြောင့် လူပေါင်း ခုနစ်ဦး ထပ်မံသေဆုံးခဲ့ရခြင်းဖြစ်သည်။
ရိုက်တာ
