ငြင်းပယ်ခြင်း #အလှ....(၅)
====================#editing.. 30.4.25
(#ဘဝ #မာယာ...."သတိရှိပါ)
#လောကဟာ သူ့သဘာဝအတိုင်း လည်ပတ်နေတာဆိုပေမဲ့ လူတွေကို #လှည့်ဖြားတတ်တယ်။
မျော်လင့်ထားတာတွေ...
ခုဖြစ်လာတော့မလိုလို၊ခဏလေးနေမှ ဖြစ်လာတော့မလိုလို့၊#ကလူ၏သို့ #မြူ၏သို့... ပေါ့လေ။
မနက်ဖြန် ဖြစ်လာတော့မလို၊ အတော်လေးကြာမှ
ဖြစ်လာတော့မလို၊#ဖြစ်ချင်မှလည်း ဖြစ်လာတော့မလိုလို...
ဘာလိုလို #ညာလိုလို ...စသည်အားဖြင့်....
#သေအံ့ဆဲဆဲအထိ အခိုက်အတန့်လေးအထိ
ဘဝကို မငြီးငွေ့ရအောင် #မခိုးမခန့် နဲ့
ဆွဲဆောင်ထားတတ်တယ်။
#အဝိဇ္ဇာ နဲ့ တဏှာ
------------------------
လူတွေက ဘဝမှာ #ဒုက္ခ နဲ့လည်း ပျော်တတ်ကြတယ်။ဘာဖြစ်လို့လည်းဆိုတော့ ပရမတ္ထသစ္စာကို
မသိနိုင်အောင် ဖုံးကွယ်ထားတဲ့ #အဝိဇ္ဇာကြောင့်။
နောက်တစ်ခုက #တဏှာ။သူကလည်း ရုပ်နာမ်နှစ်ပါးနဲ့ တွဲစပ်နေတာပဲ။သူ့ကကျတော့တစ်မျိုး။ဘဝမှာအမှန်တကယ်ကြုံတွေ့ရမဲ့ (သို့မဟုတ်)ကြုံတွေ့နေဆဲဖြစ်တဲ့ အို၊နာ၊သေ လက္ခဏာရေးတရား၊
#သင်္ခါရ တွေကိုတောင် မေ့လျှော့နေစေတဲ့အထိ စွမ်းအင်ထက်တယ်။
ဥပမာတွေကြည့်...ဒုက္ခတွေနဲ့ ပျော်နေတဲ့ လူတွေ၊တိရစ္ဆာန်တွေ များစွာတွေ့နိုင်တယ်။အဲဒါဟာ အဝိဇ္ဇာတဏှာတို့ရဲ့ စွမ်းအင်သတ္တိတွေပဲ ။
...လောကသဘာဝက ထူးဆန်းနေတာမဟုတ်ဘူး။
#ဘဝဖြစ်ပေါ်မှုက ရိုးရှင်းနေရင်လည်း အဝိဇ္ဇာတဏှာတို့က ရှုပ်ထွေးစေလိမ့်မယ်။
...#အရက်နဲ့မူးယစ်ဆေးတွေကြောင့် ဒုက္ခရောက်ရသူတွေဆိုရင်...သူတို့ဟာ အစကဒါတွေဟာ ဒီလိုဒုက္ခခံစားရတယ်လို့ မသိကြဘူး။အဲတုန်းက #အဝိဇ္ဇာက...
ဦးဆောင်သူပေါ့။သိသွားလို့ ရပ်ချင်ပြန်တော့ မရတော့ပြန်ဘူး။စွဲလမ်းနေပြီ။အဲဒီကျတော့ #တဏှာက တလှည့်ဦးဆောင်ပြန်တယ်။
(#illutionist)လို့ ပြောနိုင်မလားဘဲ။မဟုတ်တာတွေကို အဟုတ်ထင်နေတာမျိုးပေါ့။ဥပမာအားဖြင့်
အရက်ကြောင်နေသလိုမျိုး။
...အဲဒီအခြေအနေရောက်ရင် လူတွေဟာ ကိုယ်အချစ်ဆုံးဖြစ်တဲ့ ကိုယ့်ဘဝကိုလဲ မချစ်နိုင်တော့
ဘူး။သေရမှာလည်း မကြောက်တော့ဘူး။
ဒီအခြေအနေဆိုရင်တော့ အဝိဇ္ဇာ+တဏှာ နှစ်မျိုး
ပေါင်းက အပြင်းဆုံး နှိပ်စက်ပြီခေါ်တယ်။
.....တခြားအရာတွေမှာလဲ ထိုနည်းတူပါပဲ။တဏှာက
တပ်မက်ခြင်းသဘောရှိပြီး၊အဝိဇ္ဇာက အမှန်မသိခြင်းသဘောပဲ။
.....လူတွေဟာ တချို့ဒုက္ခတွေကို မသိခြင်းနဲ့ ''စ''ယူမိတတ်ပြီး၊တချို့ကိုတော့ တပ်မက်ခြင်းနဲ့ ''စ''ပြီး
ယူမိတတ်ကြတယ်ပေါ့လေ။
....ဒါ့ကြောင့် #ဒုက္ခသံသရာလည်ကြောင်းဖြစ်တဲ့
ပဋိစ္စသမ္မုပ္ပါဒ်တရားဟာ #အဝိဇ္ဇာနဲ့ စတယ်။
....#နိဗ္ဗာန်ရောက်ကြောင်း မဂ္ဂင်ရှစ်ပါးကျတော့
#သမ္မာဒိဌိ ဆိုတဲ့ #ပညာ နဲ့စကြောင်းကို သတိထားမိဖို့ ကောင်းတယ်။
#ငြင်းဖို့မလွယ်ဘူး
----------------------------
#ဘဝဖြစ်ခြင်းကနေလွတ်မြောက်ကြောင်း နည်းလမ်းတွေက ကျင့်သုံးဆောက်တည်ဖို့
ခက်ခဲတာမဟုတ်ဘူး။ရှင်းအောင်ပြောရရင်...
လူတွေရဲ့ ရုပ်နာမ်သဘာဝကိုက #တဏှာကို ကြိုက်တဲ့ သဘောပဲ။ ဘဝမှလွတ်မြောက်ကြောင်း နိဗ္ဗာန်ဆိုတာ ခန္ဓာသဘာဝကို ဆန့်ကျင်ရတာဆိုမျိုးပဲ။
ဒီအဝိဇ္ဇာနဲ့ တဏှာတို့ကို #ငြင်းပယ် ရတာ ခက်နေတယ်လို့ သတိထားသင့်တယ်။
လူတွေကလည်း (ဒါကို) အဖြေရှာဖို့...
မေ့နေကြတဲ့အထိ။အဲဒါကျ အဝိဇ္ဇာလို့ ခေါ်တယ်။
အဲဒါကြောင့် ဘဝကို အဝိဇ္ဇာ နဲ့ တဏှာက တလှည့်စီ
ဦးဆောင်နေတဲ့အကြာင်း....
ငါပိုင်၊ငါဆိုင်သော်လည်းကောင်း ၊ငါအစိုးရသော
အတ္တဟူ၍ မရှိကြောင်း....
သုတမယညာဏ်(တနည်းအားဖြင့် သာမန်အသိညာဏ်)နဲ့သိရင် ဒိဌိဟာ အသိနဲ့ပြုတ်ပါတယ်လို့...
မိုးကုတ်ဆရာတော်ကြီး အကြိမ်ကြိမ် ဟောတယ်။
ဝိပဿနာဆိုတာ
-------------------------
....သေသေချာချာ မှတ်ထားဖို့က ဝိပဿနာဆိုတာ
ဉာဏ်အလုပ်။ကံအလုပ် မဟုတ်ဘူး။
ဝင်လေထွက်လေကို သိနေရုံနဲ့ မရပါဘူး။
.....ခန္ဓာပေါ်မှာ ဉာဏ်ရောက်မှ ရတယ်။သမာဓိကောင်းရုံနဲ့ မရဘူး။သမာဓိစွမ်းအားလောက်ကို
အဝိဇ္ဇာ+တဏှာ(ကိလေသာက)မမှုဘူး။ခန္ဓာနဲ့စပ်တဲ့
ဝိပဿနာဉာဏ်နဲ့မှ အပြတ်နိုင်တာမျိုး။
သမာဓိအားက တဏှာကို ငြိမ်ဝပ်ပိပြားရုံလောက်ပဲ
လုပ်နိုင်တာ။
...ဒါ့ကြောင့် သမာဓိစွမ်းအားနဲ့ အမြင့်ဆုံးဈာန်ရတဲ့
ရသေ့တွေ ခဏချင်း ဈာန်လျှောတာတွေ ကြားဖူးတယ်မဟုတ်လား။
....ဝိပဿနာစွမ်းအားနဲ့ မဂ်ဉာဏ်ရပြီးသူတွေကတော့ ဘဝပြောင်းသွားတာတောင် သူ့ဉာဏ်ကတော့ မြဲလျှက်ပဲ။
...ဒါ့ကြောင့် ဝိပဿနာအလုပ်ဆိုတာ အခြားမဟုတ်
ကိလေသာတွေ (ငြင်းပယ်နေတာလို့)စွဲစွဲမြဲမြဲ
မှတ်ထားကြရမယ်။
#အရိယာနယ်ပယ်သို့
---------------------------------
.....ဝိပဿနာညာဏ်နဲ့ခန္ဓာအကြောင်း တကယ်သိရင်
ဒိဌိအမြင်တွေ အပြီးပြုတ်လို့ အရိယာနယ်သို့ ဝင်ရောက်ပြီဖြစ်ကြောင်း......
မိုးကုတ်ဆရာတော်ကြီးက အကြိမ်ကြိမ် သတိပေးဟောကြားထားပါတယ်။
ဒီတရားဟာ သိဖို့လည်း သိပ်ခက်တာ မဟုတ်ပါဘူး။
........လက်တွေ့ဘဝမှာ...အနည်းငယ်မျှလောက်
သတိစိုက်လိုက်တာနဲ့ အလွန်အကျိုးများပါတယ်။
ဒါ့ကြောင့် နိဗ္ဗာန်ရောက်ကြောင်း နည်းလမ်းတွေဟာ
ကုသိုလ်ကောင်းမှုတွေ ပြုဖို့ထက်၊ မကောင်းမှုအကုသိုလ်တွေကို (*ငြင်းပယ်)နိုင်ဖို့က ပိုအရေးကြီးတယ်။အဲဒါ အခြေခံပဲ။
......အသိ ဟာ အကျင့် ရဲ့ရှေ့မှာ ရှိနေရမယ် ဆိုတာလည်း မမေ့ကြပါနဲ့။
နောက်ဆုံးမှာ...ဒိဌိတင်မကဘဲ
ရုပ်နာမ်တို့ရဲ့ ခံစား၊စံစားလိုတဲ့ ဆန္ဒ(တဏှာ)တွေကိုပါ (ငြင်းပယ်)နိုင်ခဲ့ရင်တော့ ဘဝဆိုတာ အလှဆုံးဖြစ်သွားပါတယ်။
