AirPods တွေက တကယ်ကို ပေးရအတန်ဆုံး၊ အရှိသင့်ဆုံး Apple Product ပိုဖြစ်လာဦးမယ် 👀
.
Apple ကနေ အခုလက်ရှိ AirPods Pro 2nd Gen နဲ့ AirPods 4 ကိုပဲ နောက်ဆုံးမိတ်ဆက်ထားတုန်းဖြစ်ပြီး ဒီနှစ်၊ ဒါမှမဟုတ် နောက်နှစ်အစောပိုင်းကြမှ AirPods Pro 3rd Gen ကို မိတ်ဆက်မှာဖြစ်ပါတယ်။
ဒါပေမယ့် အခုလာမယ့် ဇွန်လ (၉) ရက်နေ့မှာ ပြုလုပ်မယ့် WWDC ကြရင် iOS 26 Update မှာ လက်ရှိ AirPods တွေအတွက် Feature အသစ်တွေကို ထပ်ထုတ်ပေးသွားမယ်လို့ သတင်းထွက်လာပါပြီ။
# Sleep Detection
ပထမဆုံး Feature က AirPods တပ်၊ သီချင်းနားထောင်နေတုန်း အိပ်ပျော်သွားတာနဲ့ အလိုအလျောက်သိရှိပြီး ဖွင့်ထားတဲ့ သီချင်းကို Pause လုပ်ပေးသွားမှာဖြစ်ပါတယ်။
အိပ်လား၊ မအိပ်လား ဘယ်လိုသိမလဲဆိုတာကတော့ မသိရသေးပဲ တကယ်သာ Apple Magic ကြောင့် အလုပ်ဖြစ်တယ်ဆိုရင် တော်တော်မိုက်မယ့် Feature တစ်ခုဖြစ်လာလောက်မယ်။
# Camera Control
Apple Watch ပတ်ထားရင် iPhone Camera ကို ထိန်းချုပ်နိုင်သလိုပဲ AirPods ကနေတစ်ဆင့် iPhone Camera ကို Bluetooth Shutter Button အနေနဲ့ ရိုက်ကူးနိုင်တော့မှာပါ။​ ပုံမှန် Music Play/Pause လုပ်သလို Stem ကို တစ်ချက်ဖိလိုက်တာနဲ့ Camera Shutter နှိပ်အောင် လုပ်ပေးသွားမယ်လို့ ခန့်မှန်းရပါတယ်။
# Audio Mix
လက်ရှိ iPhone 16 Series မှာ Video ရိုက်ကူးရင် အသုံးပြုနိုင်တဲ့ Audio Mix Feature - စကားသံ၊​ Background သံတွေကို In-frame | Studio နဲ့ Cinematic ဆိုပြီး (၃) မျိုးခွဲခြားနိုင်သလိုပဲ AirPods ရှိရုံနဲ့ အလားတူ Audio Mix Feature ကို ထည့်သွင်းပေးမှာဖြစ်ပါတယ်။
ဒါကတော့ AirPods နဲ့ ဖုန်းပြောတဲ့အချိန်မှာပဲ ရမလား၊ ဒါမှမဟုတ် AirPods တွေကို နောက်ပိုင်းမှာ ဖုန်းနဲ့တွဲဖက်ပြီး Microphone ပုံစံမျိုး သုံးလို့ရသွားမလားကတော့ စောင့်ကြည့်ရမှာပါ။
အခု Feature အသစ်တွေအပြင် AirPods တွေကို Head Gesture အသစ်တွေ၊ Shared iPad တွေကို ချိတ်ဆက်တဲ့အချိန်မှာ ပိုလွယ်ကူအောင် လုပ်ပေးသွားမယ်လို့လည်း သိရပါတယ်။
တကယ်ကို တဖြည်းဖြည်း AirPods Pro လိုမျိုးတွေက သီချင်းကို ကြိုးမပါပဲ နားထောင်ဖို့ဆိုတာထက် အများကြီး ပိုအသုံးဝင်၊ ပိုအသုံးကျလာတာကတော့ အမှန်ပဲ 👀