တက်စ်တိုစတီရုန်းနှင့် အမျိုးသားတို့ရဲ့ ခန္ဓာကိုယ် အချိုးအစား
ကြွက်သားထုထည်အတွက် ပင်မဗိသုကာ
တက်စတိုစတီရုန်းဟာ ကြွက်သားဖွံ့ဖြိုးမှုအတွက် အဓိကသော့ချက်ပါ။ ဒီဟော်မုန်းနည်းပါးလာတဲ့အခါ အားနည်းလာတာကို သတိမပြုမိဘဲ၊ ကြိုးစားလေလေ ရလဒ်နည်းလေလေ ဖြစ်နေတတ်ပါတယ်။ အအိပ် အစား ကစား မှန်ပါလျက် ကြွက်သား တိုးတက်မှုမရှိဘူးဆိုရင် ကြိုးစားမှုပြဿနာမဟုတ်ဘဲ၊ ဟော်မုန်းပြဿနာဖြစ်နေနိုင်ပါတယ်။
ဝမ်းဗိုက်ဆီများအတွက် မမြင်နိုင်သော ရန်သူ
ဘယ်လောက်ပဲ ဝမ်းဗိုက်ကြွက်သားပေါ်အောင် ကြိုးစားနေပါစေ၊ တက်စ်တိုစတီရုန်းအဆင့်နိမ့်နေရင် ခန္ဓာကိုယ်က အဆီသိုလှောင်ရန် ပိုပြင်းထန်စွာ အလုပ်လုပ်နေမှာပါ။ အထူးသဖြင့် ဝမ်းဗိုက်ပတ်လည်မှာ အဆီစုပုံလာပြီး သင့်ကြိုးစားအားထုတ်မှုတွေ အရာမရောက်ဖြစ်နေတတ်ပါတယ်။ခန္ဓာကိုယ်ထဲမှ တက်စ်တိုစတီရုန်းဟာ အဆီတွေဖြိုချဖို့ အဓိကအခန်းကဏ္ဍမှပါဝင်ပါတယ်။
လေ့ကျင့်ခန်းလုပ်ချင်စိတ်ရဲ့ ပဲ့ကိုင်ရှင်
"ဒီနေ့ကျွန်တော် လေ့ကျင့်ခန်းလုပ်ချင်စိတ် လုံးဝမရှိဘူး" - ဒါဟာ တက်စ်တိုစတီရုန်းလျော့ကျခြင်းရဲ့ ထင်ရှားတဲ့ လက္ခဏာတစ်ခုပါ။ဒီဟော်မုန်းဟာ စွမ်းအင်အဆင့်၊ ဆန္ဒနှင့် လေ့ကျင့်ခန်းလုပ်ချင်စိတ်ကို တိုက်ရိုက်သက်ရောက်စေပါတယ်။ သင့်စိတ်က "မလုပ်ချင်ဘူး" လို့ပြောနေပေမယ့် တကယ်တော့ သင့်ရဲ့ဟော်မုန်းက "ငါမကူညီနိုင်ဘူး" လို့ တိတ်တဆိတ်ပြောနေတာဖြစ်ပါတယ်။ စိတ်ဓာတ်ကျဆင်းမှု၊ မော်ဒီဗေးရှင်းလျော့နည်းမှုဟာ ကြွက်သားတည်ဆောက်မှုလမ်းကြောင်းမှာ အကြီးမားဆုံး အဟန့်အတားဖြစ်စေပါတယ်။
တက်စ်တိုစတီရုန်းဟာ သင်မမြင်နိုင်သော်လည်း သင့်ပုံရိပ်ကို ပုံဖော်နေတဲ့ ဇီဝဓာတုပစ္စည်းတစ်ခုသာမက၊ တကယ်တော့ သင့်ကြိုးစားမှုအတွက် မြေသြဇာကောင်းတစ်ခုလဲဖြစ်ပါတယ်။ တက်စ်တိုစတီရုန်းကို သဘာဝကျကျ အထောက်အကူပြုနိုင်မယ့် လေ့ကျင့်ခန်း၊ အစားအသောက်နှင့် အနားယူခြင်းတို့ကို ဟန်ချက်ညီညီ ပေါင်းစပ်လိုက်ပါက သင့်ကြိုးစားမှုရလဒ်များ အဆမတန်တိုးတက်လာမှာ ဖြစ်ပါတယ်။
