ကုသိနာရသုတ်🌳
အခါတစ်ပါး၌ မြတ်စွာဘုရားသည် ပရိနိဗ္ဗာန်စံဝင်ခါနီးအခါ ကုသိနာရုံပြည် အကွေ့ဖြစ်သော မလ္လာမင်းတို့၏ အင်ကြင်းဥယျာဥ်၌ သီတင်းသုံးနေတော်မူသည်...။
ထိုအခါ မြတ်စွာဘုရားသည် ရဟန်းတို့ ကို ရဟန်းတို့ ဟု ခေါ်တော်မူ၏ ။
ရဟန်းတို့ သည် အရှင်ဘုရားဟု မြတ်စွာဘုရားအား ပြန်ကြားလျှောက်ထားကြကုန်၏..။
ရဟန်းတို့ ဘုရား ၌ဖြစ်စေ တရားတော်၌ဖြစ်စေ သံဃာတော် ၌ဖြစ်စေ မဂ်၌ဖြစ်စ အကျင့်၌ဖြစ်စေ ယုံမှားတွေးတောခြင်းသည် တစုံတယောက် သော ရဟန်း အား ဖြစ်ခဲ့ပါမူ သင်တို့သည် မေးလျှောက်ကြကုန်လော့ မြတ်စွာဘုရားသည် ငါတို့ ၏မျက်မှောက်၌ ထင်ရှားရှိခဲ့ပါလျက် ငါတို့ သည် မြတ်စွာဘုရားကို ရှေ့တော် ၌ ပြန်၍မေးခြင်းငှာ မစွမ်းနိုင်ခဲ့ကြပါတကားဟု နောင်အခါ နှလုံးမသာခြင်း မဖြစ်ကြကုန်လင့် ဟူ၍ မိန့်တော်မူသော် ထိုရဟန်းတို့သည် ဆိတ်ဆိတ်နေကြကုန်၏...။
နှစ်ကြိမ် မြောက်လည်း မြတ်စွာဘုရားသည် ရဟန်းတို့ ကို မိန့်တော်မူ၏(ပ).....
သုံးကြိမ်မြောက်လည်း...(ပ)....။
ထိုနောက် မြတ်စွာဘုရားသည် ရဟန်းတို့ ကို ရဟန်းတို့ သင်တို့သည် ဘုရား ၌ရိုသေလေးစားသဖြင့် မမေးမလျှောက်ကြကုန်သော်လည်း ဖြစ်ငြားအံ့ အဖော်ရဟန်း အချင်းချင်း အားမူလည်း မိမိယုံမှားတွေးတောခြင်းကို ပြောကြားလော့ ဟု မိန့်တော်မူ၏...။
ဤသို့မိန့်မူသော် ရဟန်းတို့ သည် ဆိတ်ဆိတ်နေကုန်၏။ ထိုအခါ အရှင်အာနန္ဒာသည် မြတ်စွာဘုရားအား အရှင်ဘုရား အံဖွယ်ရှိပါပေစွ အရှင် ဘုရား မဖြစ်ဖူးမြဲ ဖြစ်ပါပေစွ အရှင်ဘုရား ဤရဟန်းသံဃာထဲ၌ တစ်ယေက်သော ရဟန်းအား မျှသော်လည်း မြတ်စွာဘုရား၌ဖြစ်စေတရားတော်၌ဖြစ်စေ သံဃာတော် ၌ဖြစ်စေ မဂ်၌ဖြစ်စေ အကျင့်၌ဖြစ်စ ယုံမှားတွေးတောခြင်းမရှိ ဟု အကျွန်ုပ်ယုံကြည်ပါ၏ဟု လျှောက်၏...။
အာနန္ဒာ သင်သည် ယုံကြည်သဖြင့်သာလျှင် လျှောက်ဆို၏ အာနန္ဒာ စင်စစ်သော်ကား ဤအရာ၌ ဘုရား၏ ဉာဏ်တော်အရာပင်ဖြစ်၏....။
ဤရဟန်းသံဃာထဲ၌ တစ်ယောက်သော ရဟန်း အားမျှသော်လည်း ဘုရား ၌ဖြစ်စေ တရာတော်၌ဖြစ်စေ သံဃာတော် ၌ဖြစ်စေ မဂ်၌ဖြစ်စအကျင့်၌ဖြစ်စေယုံမှားတွေးတောခြင်းမရှိလေ အာနန္ဒာ ဤငါးရာသော ရဟန်း တို့တွင် ဂုဏ်အားဖြင့် အယုတ်ဆုံး ရဟန်း သည် သောတာပန်တည်းး အပါယ်သို့ ပျက်စီး ကျရောက်ခြင်းမရှိ ကိန်းသေပမဲ၏ အထက်မဂ်သုံးပါးလျှင် လဲလျောင်းရာရှိ၏...ဟု မိန့်တော်မူ၏....။
(စတုက္ကနိပါတ် အပဏ္ဏဝဂ် ကုသိနာရသုတ် )
Ashin panna Thiri (forest. Monk)